Kaca:Bali-lontar-gaguritan-dukuh-suladri-02-250ppi.pdf/136

Saking Wikisource
Kaca puniki sampun kauji-wacén

[᭑᭓᭕ 135B]
᭑᭓᭕
ᬋᬄᬫᬦ᭄ᬤ᭄ᬭᬫᬦ᭄ᬤ᭄ᬭ᭞ᬓᬶᬮᬧ᭄ᬢᬝᬶᬢ᭄ᬢᬦ᭄ᬧᭂᬕᬢ᭄᭞ᬬᬦ᭄ᬲᬯᬗᬂᬳᬶᬦᬩ᭄ᬤᬾᬱ᭄ᬝᬶ᭞ᬲᭂᬤᭂᬓ᭄ᬫᬬᬸᬤ᭄ᬥ᭞ᬫᬲ᭄ᬮᬶᬯᭂᬭᬦ᭄ᬭᬶᬂᬮᬗᬶᬢ᭄᭟ᬓᭂᬮᬧ᭄ᬓᭂᬮᬾᬧ᭄ᬓᬦ᭄ᬢᭂᬦ᭄ᬕᬮᬂᬭᬶᬂᬧᬤᬸᬓ᭄ᬯᬦ᭄᭞ᬯᬾᬦ᭄ᬢᭂᬦ᭄ᬭᬱᬜᬮᬶᬩ᭄ᬲᬶᬩ᭄᭞ᬫᬭᬹᬧᬚᭂᬍᬕᬦ᭄᭞ᬲᬓᬾᬂᬕᭂᬤᭀᬗᬦ᭄ᬫᭂᬤᬮ᭄᭞ᬲᬋᬂᬓᬵᬮᬶᬄᬢᭂ
ᬤᬸᬦ᭄ᬓᬗᬶᬦ᭄᭞ᬗᬸᬗ᭄ᬲᬶᬓᬢᬸᬓᬤ᭄᭞ᬭᬶᬲᭂᬤᭂᬓ᭄ᬲᬸᬯᬸᬂᬲᭂᬧᬶ᭟ᬓᬸᬤᬸᬂᬓᬸᬤᬸᬂᬫᬫᬵᬃᬕ᭄ᬕᬶᬫᬤᬦ᭄ᬤᬦ᭄ᬢᬗᬦ᭄᭞ᬗᬸᬗ᭄ᬲᬶᬢᬸᬓᬤ᭄ᬫᭂᬮᬗᬶᬢ᭄᭞ᬜᬮᬶᬬᭂᬩ᭄ᬗᬮᬾᬭᬂ᭞ᬢᬦ᭄ᬯᬾᬦ᭄ᬢᭂᬦ᭄ᬦᬸᬫᭀᬦᬂ᭞ᬧᬓᬯᭀᬦ᭄ᬲᬂᬓᬵᬮᬶᬄᬜᬶᬮᬶᬩ᭄᭞ᬲᬓᬾᬂᬧᬤᬸᬓ᭄ᬯᬦ᭄᭞ᬯᬢᬭᬢᭂᬗᬄᬯᭂᬗᬶ᭟
ᬕᬮᬂᬓᬗᬶᬦ᭄ᬭᬾᬜ᭄ᬘᬂᬭᭀᬩᬦ᭄ᬲᭂᬤᭂᬓ᭄ᬜᬫ᭄ᬧᬢ᭄᭞ᬗᬢᬩ᭄ᬢᬩ᭄ᬫᬫᬗ᭄ᬕᬶᬳᬶᬦ᭄᭞ᬕᭂᬤᭀᬗᬾᬫᬫ᭄ᬧᬓᬦ᭄᭞ᬤᬶᬳ᭠ᬕᬾᬫᬤᭂᬮᭀᬓᬦ᭄᭞ᬧᬗ᭄ᬕᬶᬄᬳᬶᬧᬸᬦ᭄ᬜᭀᬫᬦ᭄ᬲᬭᬶ᭞ᬮᬦ᭄ᬫᬥᬾᬲᭂᬓᬃ᭞ᬍᬍᬧᬦᬶᬤ᭄ᬭᬓᬵᬭᬶ᭟ᬭᬵᬚᬧᬸᬢ᭄ᬭᬶᬦᬾᬦ᭄ᬢᭂᬦ᭄ᬓᬦ᭄ᬢᬸᬦ᭄ᬭᬶᬂᬧᬫᬺ
ᬫᬦ᭄᭞ᬳᬶᬦᬩ᭄ᬲᬵᬫ᭄ᬧᬸᬦ᭄ᬫᬢᬗᬶ᭞ᬫᬲᬶᬭᬫ᭄ᬓᬢᬸᬓᬤ᭄᭞ᬢᬫ᭄ᬩᬾᬳᬶᬤᬗᬭᬕ᭞ᬲᬂᬓᬵᬮᬶᬄᬓᬤᬸᬦ᭄ᬤᬸᬦ᭄ᬭᬭᬶᬲ᭄᭞ᬩᬗᬸᬦ᭄ᬗᬮᬾᬚᬢ᭄᭞ᬓᬧᬸᬧᬸᬗᬦ᭄ᬓᬩᬶᬮ᭄ᬩᬶᬮ᭄᭟ᬩᭂᬘᬢ᭄ᬲᬾᬧᬦ᭄ᬓᬦ᭄ᬢᬸᬦᭀᬬᭀᬕᭀᬬᭀᬕ᭄ᬦᭂᬕᬓ᭄᭞ᬯᬯᬸᬦᭀᬮᬶᬄᬓᬲᬫ᭄ᬧᬶᬂ᭞ᬭᬵᬚ

[᭑᭓᭖ 136A]
᭑᭓᭖
ᬧᬸᬢ᭄ᬭᬶᬳᬶᬘᬮ᭄᭞ᬗᬢᬩ᭄ᬢᬩ᭄ᬫᬥᬾᬲᭂᬓᬃ᭞ᬲᬋᬂᬳᬶᬧᬸᬦ᭄ᬜᭀᬫᬦ᭄ᬲᬭᬶ᭞ᬗᭂᬜᭂᬢᬂᬳᬶᬤ᭞ᬭᬵᬚᬧᬸᬢ᭄ᬭᬶᬓᬩᬾᬚᬶ᭟ᬳᬕᬾᬜᬕ᭄ᬚᬕ᭄ᬲᬂᬓᬵᬮᬶᬄᬢᭂᬤᬸᬦ᭄ᬓᬢᬸᬓᬤ᭄᭞ᬧᬸᬦᬧᬶᬢᬦ᭄ᬓᬧᬗ᭄ᬕᬶᬄ᭞ᬲᬸᬯᬸᬂᬭᬶᬂᬧᬜ᭄ᬘᭀᬭᬦ᭄᭞ᬫᬾᬄᬲᭂᬭᬓ᭄ᬫᬚᭂᬭᬶᬢᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬲᬦᬾ
ᬜᬳᬸᬭᬶᬦ᭄᭞ᬤᬸᬭᬸᬲ᭄ᬫᬕᬸᬬᬂ᭞ᬢᬹᬃᬳᭂᬗ᭄ᬕᭀᬃᬳᭂᬗ᭄ᬕᭀᬃᬗᭂᬮᬶᬂ᭟ᬫᬥᬾᬲᭂᬓᬃᬮᬦ᭄ᬜᭀᬫᬦ᭄ᬲᬭᬶᬲᬶᬕ᭄ᬲᬶᬕᬦ᭄᭞ᬫᬗᭂᬦᬂᬤᬾᬯᬾᬓ᭄ᬲᬶᬲᬶᬧ᭄᭞ᬫᬾᬄᬓᬭᬵᬚᬪᬵᬬ᭞ᬳᬦ᭄ᬢᬸᬓ᭄ᬳᬶᬤᬦᬭᬾᬦ᭄ᬤ᭄ᬭ᭞ᬳᬸᬭᬶᬧᬾᬮᬓᬃᬗᭂᬫᬲᬶᬦ᭄᭞ᬳᬸᬧᬳᬾᬳᬫ᭄ᬧᬄ᭞ᬫᬗᭂᬫᬶᬢ᭄ᬭᬵᬚᬧᬸ᭠
ᬢ᭄ᬭᬶ᭟ᬥᬹᬄᬤᬾᬯᬵᬕᬸᬂᬤᭀᬂᬓᬶᬚᬘᭀᬓᭀᬭᬶᬤᬾᬯ᭞ᬗᬯᬾᬦᬂᬢᬶᬢ᭄ᬬᬂᬲᬶᬲᬶᬧ᭄᭞ᬦᬧᬶᬳᬶᬯᬂᬢᬶᬢ᭄ᬬᬂ᭞ᬮᬮᬶᬲ᭄ᬘᭀᬓᭀᬭᬶᬤᬾᬯ᭞ᬗᬸᬢᬂᬢᬶᬢ᭄ᬬᬂᬲᬋᬂᬓᬵᬮᬶᬄ᭞ᬢᬦ᭄ᬯᬗ᭄ᬤᬾᬢᬶᬢ᭄ᬬᬂ᭞ᬧᬥᭂᬫ᭄ᬗᭂᬫᬲᬶᬦ᭄ᬲᬶᬲᬶᬧ᭄᭟ᬳᬚᬶᬦ᭄ᬘᭀᬓᭀᬭᬶᬤᬾᬯᬫᭂᬗ᭄ᬕᬄᬧᬶᬤᬸᬓ᭞
ᬭᬶᬂᬢᬶᬢ᭄ᬬᬂᬳᬫ᭄ᬧᬄᬗᭂᬫᬶᬢ᭄᭞ᬲᬕᬾᬢ᭄ᬭᬶᬂᬧᬤᬸᬓ᭄ᬯᬦ᭄᭞ᬭᬾᬜ᭄ᬘᬂᬭᭀᬩᬦ᭄ᬗᬢᬩ᭄ᬢᬩ᭄᭞ᬓᬵᬫᬚᬬᬢᬦ᭄ᬓᬧᬗ᭄ᬕᬶᬄ᭞ᬫ᭠ᬓᬯᭀᬦ᭄ᬳᬶᬘᬮ᭄᭞ᬳᬢᬸᬭᬾᬭᬶᬂᬲᬂᬬᭀᬕᬶ᭟ᬫᬶᬦᬓᬵᬤᬶᬭᬶᬂᬤᬸᬓᬸᬄᬳᬶᬲ᭄ᬢ᭄ᬭᬶᬓᬸᬦᬶᬗᬂ᭞ᬧᬸᬢᬸᬦ᭄ᬤᬦᬾᬢᬦ᭄ᬓᬵᬭᬶ᭞ᬫᬭᬶᬂᬧᬲᬭᬾᬦᬦ᭄᭞