Kaca:Bali-lontar-gaguritan-dreman-02-400ppi.pdf/5

Saking Wikisource
Kaca puniki sampun kauji-wacén

[᭔ 4B]

ᬢ᭄ᬓᬸᬫᬕᬸᬲ᭄ᬢᬶ᭞ᬢᬦ᭄ᬫᬗᬶᬮᬗᬂᬢᬸᬢᬸᬃ᭞ᬢᬸᬳᬸᬪᬓ᭄ᬢᬶᬢ᭄ᬓᬾᬦ᭄ᬓᬓᬸᬂ᭞ᬢᬸᬗ᭄ᬕᬮ᭄‌ᬮ᭄ᬯᬲ᭄‌ᬢᭀᬲᭀᬫᬳᬾ᭞ᬫᬗᬶᬲ᭄ᬢ᭄ᬬᬂᬫᬗ᭄ᬕᬶᬄᬳᬬᬸ᭞ᬤᬶᬢ᭄ᬓᬦ᭄ᬲᭀᬫᬳᬾᬚᬸᬫᬄ᭞ᬫᬜᬕ᭄ᬚᬕ᭄‌ᬜᬾᬗ᭄ᬓᭀ
ᬓ᭄ᬫᬜᬸᬫ᭄ᬩᬄ᭟ᬮᬯᬸᬢ᭄ᬫᬫ᭄ᬩᬲᭂᬳᬶᬦ᭄ᬩᬢᬶᬲ᭄ᬳᬶᬚᬸ᭞ᬜᬸᬢ᭄ᬲᬸᬢ᭄ᬩᬳᬦ᭄ᬳᬦ᭄ᬢᭂᬗᬾᬳᬸᬲᬦ᭄ᬬᬮᬦ᭄ᬢᬲ᭄ᬫᬧᬫᬶᬢ᭄᭞ᬲᬲᬸᬓᬤᬸᬄᬓᬦᬾᬓᬓᬸᬂ᭞ᬳ᭄ᬬᬢ᭄ᬯᬄᬪᬓ᭄ᬢᬶᬲᬢᬸᬳᬸᬓ᭄᭞ᬦᭂᬤᬺ
ᬫᬦ᭄ᬢᬦ᭄ᬳᬶᬤᭀᬂᬳᬶᬮᬾ᭞ᬗᬚᬸᬫ᭄ᬳᬯᬓ᭄ᬲᬸᬫ᭄ᬩᬸᬂᬲᬸᬫ᭄ᬩᬸᬂ᭞ᬢ᭄ᬯᬭᬤᬾᬯᬾᬓ᭄ᬭᬲᬦᬶᬦ᭄ᬜ᭞ᬜᬳᬶᬦᬾᬢᬶᬬᭀᬗᬸᬃᬡ᭄ᬦ᭟ᬲᬸᬩᬩᬸᬗᬄᬦᬾᬤᬺᬫᬦ᭄ᬳᬫᬸᬧᬸ᭞ᬓᬲᬸᬓᬦ᭄ᬲᭀᬫᬳᬾ᭞ᬳ
ᬫᬄᬳᬗ᭄ᬕᭀᬦ᭄ᬲᬸᬩᬮ᭄ᬬ᭞ᬲᭀᬫᬳᬾᬲᬸᬩᬦᬸᬗᬸᬮ᭄᭞ᬲᬸᬩᬗᭀᬲᭀᬂᬲᬸᬩᬮᬶᬗ᭄ᬮᬸᬂᬧᬩᬳᬦ᭄ᬩᬳᬦ᭄ᬲᭀᬫᬳᬾ᭞ᬲᬓᬶᬢᬓᬋᬧᬾᬢᬸᬳᬸ᭞ᬓᬲ᭄ᬯᬾᬦ᭄ᬲ᭄ᬯᬾᬦᬦᬾᬤᬺᬫᬦ᭄᭞ᬲ
[5A]
ᬓᬶᬢ᭄‌ᬢᭀᬂᬤᬤᬶᬫᬗᬫᬄ᭟ᬳᬶᬚᬢᬶᬭᬕᬫᬗ᭄ᬭᬲᬳᬶᬩᬸᬓ᭄᭞ᬩᬦ᭄ᬲᬓᬶᬢ᭄ᬲᭀᬫᬳᬾ᭞ᬩᬸᬓᬢ᭄ᬓᬦᬦ᭄ᬤᬂᬧᬢᬶ᭞ᬦᬾᬦᬾᬢᬦ᭄ᬧᭀᬭᬢ᭄ᬕᬸᬧᬸᬄ᭞ᬗᬮᬶᬄᬳᬸᬩᬤ᭄ᬫᬶᬜ᭄ᬘᬂ᭞ᬢ᭄ᬯᬭᬫᬩ
ᬳᬦ᭄ᬫᬭᬾᬭᬾᬦ᭄᭞ᬫᬓ᭄ᬦᭂᬄᬤᬸᬫᬤᬓ᭄ᬳᬶᬤᬸᬧ᭄᭞ᬜᬳᬶᬫᬲ᭄ᬫᬶᬭᬄᬫ᭄ᬩᭀᬓᬾ᭞ᬤᬸᬫᬤᬓ᭄ᬫᬩᬳᬦ᭄ᬳᬸᬩᬤ᭄᭟ᬢ᭄ᬓᬚᬸᬫᬄᬬᬕᬸᬧᬸᬄᬫᬜᬶᬫ᭄ᬩᬸᬄ᭞ᬳᭂᬗ᭄ᬓᬳᬶᬦ᭄ᬓᬸᬧᬶᬗᬾ᭞ᬮᬯᬸᬢ᭄ᬫᬫ᭄ᬩᭀᬭᬾ
ᬳᬶᬦ᭄ᬩᬢᬶᬲ᭄᭞ᬫᬸᬜᬶᬦᬾᬧᭂᬲᬸᬳᬮᬸᬲ᭄᭞ᬤᬸᬫᬤᬓ᭄ᬓᬸᬤᬳᬶᬤᬸᬧ᭄᭞ᬤᬾᬯᬭᬢᬸᬫᬤᬸᬦ᭄ᬢᬶᬢ᭄ᬬᬗᬾ᭞ᬳᬤᬳᬚᬓ᭄ᬢᬶᬢ᭄ᬬᬂᬢᬸᬬᬸᬄ᭞ᬩᬋᬂᬫᬗᬬᬳᬶᬦ᭄ᬲᭀᬫᬄ᭞ᬤᬸᬫᬤ
ᬓ᭄ᬤᬾᬯᬦᬾᬳᬶᬘ᭄ᬙ᭟ᬲᬬᬦ᭄ᬲᬗᭂᬢ᭄ᬲᬓᬶᬢᬾᬫᬗᭂᬩᬸᬕ᭄᭞ᬳᬸᬬᬂᬫᬦ᭄ᬢᬸᬮᬫᬾ᭞ᬩᬸᬓᬩᭀᬃᬩᭀᬃᬩᬸᬓᬩᬶᬲ᭄ᬩᬶᬲ᭄᭞ᬧᬮᬶᬂᬧᬢᬶᬚᬮᬫᬸᬢ᭄᭞ᬧᬢᬶᬕᬭᬧ᭄ᬧᬢᬶᬳᬸᬲᬸᬤ᭄