Kaca:Bali-lontar-gaguritan-dharmmawisesa-02-350ppi.pdf/95

Saking Wikisource
Kaca puniki sampun kauji-wacén

[᭙᭔ 94B]
᭙᭔
ᬦᬫᬬᬵ᭞ᬧᬫᬜ᭄ᬘᬸᬢᬶᬂᬭᬳᬸᬄ᭞ᬲᬓᬶᬂᬲᬗ᭄ᬳ᭄ᬬᬂᬯᬶᬥᬶᬯᬱᬵ᭞ᬳᬶᬭᬶᬓᬮᬓ᭄ᬱᬡᬦᬾᬦᬫ᭄ᬧᬶᬧᬲᬶᬮᬶᬄ᭞ᬲᬧᬶᬢᬸᬥᬸᬄᬳᬶᬭᬶᬗᬂ᭟ᬮᬘᬸᬭᬾᬧᬸᬦᬶᬓᬵᬮᬶ
ᬦ᭄ᬢᬂᬲᬗ᭄ᬲᬶᬄ᭞ᬫ᭄ᬲᭂᬳᬂᬗᬮᬯᬦ᭄ᬓᬭᬢᭀᬦ᭄ᬧᬸᬦᬶᬓ᭞ᬤᬾᬦᬶᬂᬲᬗᬤᬺᬯᬾᬮᬓ᭄ᬱ᭄ᬫᬶᬦᬾ᭞ᬩ᭄ᬬᬧᬭᬳᭀᬩᬳᬶᬂᬓᬳ᭄ᬬᬸᬦ᭄᭞ᬗ᭄ᬳᬶᬂᬲᬂᬢ᭄ᬬᬕᬫᬦᭂᬲᬶᬦ᭄ᬤᬶᬭᬶ᭞ᬬ
ᬮᬘᬸᬃᬓᬢᬶᬯᬲᬦ᭄᭞ᬮᬶᬦ᭄ᬢᬂᬲᬸᬓᬢᬶᬦ᭄ᬫᬸ᭞ᬧᬸᬦ᭄ᬲᬢᬢᬕᬮᬂᬳᬧᬥᬂ᭞ᬢᬦ᭄ᬳᬦᬲᬗ᭄ᬲᬬᬫᬭᬾᬂᬳᬢᬶ᭞ᬉᬢ᭄ᬢᬫᬦᬾᬓᬮᬶᬦ᭄ᬢᬂ᭟ᬳᬧᬦ᭄ᬲᬓᬢ
ᬳᬶᬂᬯ᭄ᬯᬗᬲᬸᬕᬶᬄ᭞ᬲᬳᬦᬦᬶᬂᬲᬂᬧ᭄ᬭᬚ᭄ᬜᬦ᭄‌ᬭᬶᬂᬦᬬ᭞ᬧᬸᬦᬶᬓᬢᬲᬓᬜ᭄ᬘᬦᬾ᭞ᬦᭀᬭᬳᬦᬢᬦ᭄ᬧᬓᬾᬯᬸᬄ᭞ᬫᬗ᭄ᬓᬓ᭄ᬭᬡᬦᬶᬭᬲᬸᬚᬢᬶ᭞

[᭙᭕ 95A]
ᬲᬗ᭄ᬓᬦᬶᬤᬲᬂᬫᬾᬗᭂᬢ᭄᭞ᬦᬶᬗ᭄ᬕᬮᬂᬧᬸᬦᬶᬓᬸ᭞ᬳᬶᬓᬗᬵᬃᬱᬫᬶᬯᬄᬓ᭄ᬮᬾᬱ᭞ᬓᬂᬢᬶᬦᬸᬚᬸᬲᬸᬓᬦᬾᬦᬸᬗ᭄ᬕᬮᬶᬂᬩᬸᬤ᭄ᬥᬶ᭞ᬲᬦᬾᬢᬦ᭄ᬧᬚᬮᬭᬦ᭄᭞ᬲᬸᬓᬤᬸᬄ
ᬓᬦᬾᬲᬗ᭄ᬓᬦᬶᬂᬳᬢᬶ᭞ᬳᬸᬧᬫᬵᬓᬵᬮᬲᬂᬧ᭄ᬭᬪᬹᬮᬸᬗ᭄ᬳᬵ᭞ᬲᬳᬵᬲᬳᬸᬧᬘᬭᬦᬾ᭞ᬯᭀᬂᬚ᭄ᬭᭀᬧᬹᬭᬶᬗᬭᬸᬗᬹ᭞ᬯᬾᬦ᭄ᬢᭂᬦ᭄ᬲᬦᬾᬫᬧᬗᭂᬦᬦ᭄‌ᬲ᭄ᬤᬶᬄ᭞ᬤᬾ
ᬦᬾᬬᬓᬲᬬᬗᬂ᭞ᬯᬾᬦ᭄ᬢᭂᬦ᭄ᬫᬮᬶᬄᬳᬶᬧᬸᬦ᭄᭞ᬤᬳᬢ᭄ᬲᬸᬓᬫᬦᬄᬳᬶᬧᬸᬦ᭄᭞ᬤᬾᬦᬶᬂᬳᬶᬧᬸᬦ᭄ᬓᬲᬓᬶᬢᬦ᭄ᬓᬧᬦᭂᬲᬶᬦ᭄᭞ᬲᬓᬶᬂᬫᬦᬄᬯ᭄ᬢᬸᬩᬾᬤ᭄ᬥᬵ᭟
ᬧᬸᬦᬶᬓᬶᬯᬾᬦ᭄ᬢᭂᬦ᭄‌ᬲ᭄ᬬᭀᬲ᭄ᬫᬮᬶᬄ᭞ᬲᬂᬫᬾᬗᭂᬢ᭄ᬭᬶᬂᬩᬘᬓᬦᬾᬢᬶᬕ᭞ᬮ᭄ᬯᬶᬃᬓᬫᬾᬯᭂᬳᬦᬵᬃᬣᬦᬾ᭞ᬓᬤᬗᬦᬦ᭄‌ᬳᬶᬮᬘᬸᬃ᭞ᬲ᭄ᬩᭂᬢᬾᬗᭂᬫ᭄ᬧᬸᬧᭀᬫ