[᭙᭒ 92B]
᭙᭒
ᬦᬶᬦ᭄᭞ᬤᬶᬲᬸᬕᬶᬳᬾᬯ᭄ᬢᬸᬩᬾᬤ᭄ᬥᬵ᭞ᬳᬸᬮᬗᬸᬦ᭄ᬬᬳᬫ᭄ᬧᬄᬤᬤᬶ᭞ᬫᬯᬲ᭄ᬢᬸᬢ᭄ᬮᬲ᭄ᬲᬫᬶ᭞ᬫᬲᭂᬮ᭄ᬲᭂᬮᬦ᭄ᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬫᬾᬮᬶᬂᬢᬸᬬᬸᬄᬓ᭄ᬜᭂᬮ᭄ᬫᬓᬃᬬ᭄ᬬ᭞
ᬢᭀᬂᬳᬤᬫᭂᬃᬢ᭄ᬢᬬᬂᬚᬦᬶ᭞ᬲᬗ᭄ᬓᬦᬶᬧᬸᬦ᭄᭞ᬭᬶᬂᬯᬶᬯᬾᬓᬳᬚᬵᬮᬸᬧ᭟ᬳᬶᬥᭂᬧ᭄ᬲᬂᬲᬸᬕᬶᬄᬧᬸᬦᬶᬓᬵ᭞ᬚᭂᬚᭂᬄᬢᬗᬃᬲᬳᬶᬲᬳᬶ᭞ᬭᬶᬂᬫᬮᬶᬂᬫᬶᬯᬄᬲᬂ
ᬦᬵᬣ᭞ᬭᬶᬂᬩ᭄ᬭᬬᬮᬯᬦᬵᬕ᭄ᬦᬶ᭞ᬓᬤᬶᬲᬮ᭄ᬯᬶᬃᬦᬶᬂᬫᬳᬸᬭᬶᬧ᭄᭞ᬢᬓᬸᬢ᭄ᬫᬭᬶᬂᬲᬗ᭄ᬳ᭄ᬬᬂᬫᬺᬢ᭄ᬬᬸ᭞ᬢᬦ᭄ᬲᬄᬚᭂᬚᭂᬄᬲᬗ᭄ᬰᬬᬵ᭞ᬫᬦᬄᬜᬦᬾᬭᬶᬩᬸᬢ᭄ᬲᬳᬶ᭞
ᬬᬦ᭄ᬲᬂᬯ᭄ᬭᬸᬄ᭞ᬳ᭄ᬬᬂᬕᬮᬂᬢᬦ᭄ᬧᬳᬫ᭄ᬗᬦ᭄᭟ᬲᬂᬲᬸᬕᬶᬄᬧᬸᬦᬶᬓᬵᬲᬫᬵ᭞ᬮᬯᬦ᭄ᬧᬓ᭄ᬱᬶᬋᬂᬋᬂᬤᬕᬶᬂ᭞ᬚᭂᬚᭂᬄᬓᬾᬯᭂᬄᬲᬧᬭᬦ᭄ᬜ᭞ᬬᬦᬶᬂ
[᭙᭓ 93A]
ᬦᭀᬗᭀᬲ᭄ᬫᬭᬶᬂᬮᬗᬶᬢ᭄᭞ᬬᬵᬢᬓᬸᬢ᭄ᬫᬭᬶᬂᬧᬓ᭄ᬱᬶ᭞ᬭᬶᬂᬮ᭄ᬫᬄᬢᬓᬸᬢ᭄ᬭᬶᬂᬳᬲᬸ᭞ᬬᬦᬶᬂᬫᬕ᭄ᬦᬄᬭᬶᬂᬢᭀᬬ᭞ᬳᬶᬓᬦ᭄ᬲᬦᬾᬓᬚ᭄ᬭᬶᬳᬶᬦ᭄᭞ᬲᬸᬕᬶᬄᬲᬸᬗ᭄ᬲᬸᬢ᭄᭞
ᬲᬧᬭᬦᬵᬦ᭄ᬫᬸᬲᬗ᭄ᬲᬬᬵ᭟᭐᭟ᬢᭂᬫ᭄ᬩᬂᬥᬂᬥᬂ᭟ᬰᬩ᭄ᬥᬳᬮᬸᬲ᭄ᬢᬸᬳᬸᬫᬦᬶᬲ᭄᭞ᬤ᭄ᬯᬦᬶᬂᬫᭀᬮᬄᬢᬶᬓᬂᬲᬃᬯ᭄ᬯᬪᬵᬯ᭞ᬲᬄᬲᬓᬾᬂᬧᬓᬸᬫ᭄ᬧᬸᬮᬦᬾ᭞ᬳᬾ
ᬦᬓ᭄ᬧᬧᬲᬄᬳᬶᬧᬸᬦ᭄᭞ᬮᬯᬦᬶᬓᬶᬂᬰᬭᬶᬭᬦᬾᬓᬶ᭞ᬳᬶᬓᬂᬳᬸᬭᬶᬧ᭄ᬫᬗ᭄ᬓᬦ᭞ᬲᬶᬦᬄᬧᬘᬂᬮᬫ᭄ᬧᬸᬲ᭄᭞ᬫᬯᬶᬦᬦ᭄ᬲᬂᬬᭀᬕᬶᬬᭀᬕ᭞ᬯ᭄ᬭᬸᬄᬲᬶᬭᬭᬶᬂᬢᬦ᭄ᬮ
ᬗ᭄ᬕᭂᬗᬶᬂᬳᬦᬳᬶᬓᬶ᭞ᬫ᭄ᬯᬂᬢᬦ᭄ᬳᬦᬦᬶᬂᬮᬗ᭄ᬕᭂᬂ᭟ᬳᭂᬗ᭄ᬓᬾᬦ᭄ᬓ᭄ᬭᬡᬜᬦ᭄ᬤᬂᬲᬺᬓᬫ᭄ᬭᬶᬄ᭞ᬗᬸᬗ᭄ᬲ᭄ᬬᬂᬓᬯᬶᬪᬯᬦ᭄ᬧᬸᬦᬶᬓ᭞ᬳᬧᬦ᭄ᬢᬦ᭄ᬮᬗ᭄ᬕᭂᬂᬳᬦᬦᬾ᭞ᬳᬧᬧ᭄ᬭᬶ
