Kaca:Bali-lontar-gaguritan-dharmmawisesa-02-350ppi.pdf/92

Saking Wikisource
Kaca puniki sampun kauji-wacén

[᭙᭑ 91B]
᭙᭑
ᬮᬭᬲᬸᬗ᭄ᬲᬸᬢ᭄᭞ᬫᬢᬶᬳᬶᬤᬸᬧ᭄ᬓᬲᬗ᭄ᬲᬭᬦ᭄᭟ᬳᬶᬓᬂᬓᬮᭀᬪᬦ᭄ᬧᬸᬦᬶᬓᬵ᭞ᬳᬸᬫᬄᬧᬤᬸᬦᬸᬗᬦᬶᬓᬶᬂ᭞ᬲᬃᬯ᭄ᬯᬧᬧᬵᬦᬾᬳᬶᬭᬶᬓᬵ᭞ᬳᬧᬦᬶᬓᬂᬮᬸ
ᬩ᭄ᬥᬫᬮᬶᬄ᭞ᬓᬮᭀᬪᬦᬾᬜᬧᬸᬢᬶᬦ᭄᭞ᬲᬶᬦᬄᬧᬧᬵᬳᬸᬮᬄᬳᬶᬧᬸᬦ᭄᭞ᬤᬤ᭄ᬬᬦ᭄ᬜᬢᬦ᭄ᬰᬦ᭄ᬢᭀᬱ᭞ᬳᬫᬗ᭄ᬕᬸᬄᬮᬭᬧ᭄ᬭᬶᬳᬢᬶ᭞ᬲᬬᬦ᭄ᬫᬯᬸᬯᬸᬄ᭞ᬧᬗ
ᬯᬰᬦᬶᬂᬳᬶᬦ᭄ᬤ᭄ᬭᬶᬬᬵ᭟ᬮᭀᬪᬗᬯᬾᬰᬳᬶᬦ᭄ᬤ᭄ᬭᬶᬬᬵ᭞ᬓᬧ᭄ᬭᬚ᭄ᬜᬦᬦᬾᬢᬦ᭄ᬓᬭᬶ᭞ᬫᬶᬯᬄᬲᬮ᭄ᬯᬶᬃᬦᬶᬓᬂᬰᬲ᭄ᬢ᭄ᬭᬵ᭞ᬧᬗᬯ᭄ᬭᬸᬳᬾᬳᬶᬮᬂᬲᬫᬶ᭞ᬓᬤᬶᬓ᭄ᬭ
ᬫᬦᬶᬂᬳᬚᬶ᭞ᬦᭀᬭᬲᬶᬤ᭄ᬥᬶᬧᬵᬮᬦᬶᬧᬸᬦ᭄᭞ᬧᬸᬦᬄᬋᬋᬤ᭄ᬫᬓ᭄ᬚᬂ᭞ᬳᬲᬶᬂᬤᭂᬲᭂᬓ᭄ᬫᬗᬮᬳᬶᬦ᭄᭞ᬲᬫᬶᬢᬓᬸᬢ᭄᭞ᬭᬶᬲᬂᬮᭀᬪᬤ᭄ᬭᭀᬯᬓᬵ᭟

[᭙᭒ 92A]
ᬧ᭄ᬭᬪᬯᬦᬶᬓᬂᬓᬮᭀᬪᬦ᭄᭞ᬬᬦ᭄ᬫᬓᬃᬬ᭄ᬬᬵᬕᬸᬂᬧ᭄ᬭᬶᬳᬢᬶ᭞ᬤᬶᬧᭀᬮᬶᬳᬾᬫᬦᬶᬫ᭄ᬢᬶᬫᬂ᭞ᬫᬯᭂᬯᭂᬄᬢᬶᬓᬂᬧ᭄ᬭᬶᬳᬢᬶ᭞ᬢᬳᬸᬢ᭄ᬓᬾᬦ᭄ᬗᭂᬮᬄᬧᬶᬧᬶᬲ᭄᭞ᬩ᭄ᬤᭀᬳᭀ
ᬲ᭄ᬳᬶᬭᬶᬯ᭄ᬢᬸᬦᬶᬧᬸᬦ᭄᭞ᬫᬗ᭄ᬕᬯᬾᬥᬬᬵᬳᬸᬧᬬᬵ᭞ᬬᬦᬶᬂᬳᬶᬧᬸᬦ᭄‌ᬦ᭄ᬮᬲᬂᬧᬶᬧᬶᬲ᭄᭞ᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬧᬢ᭄ᬯᬶᬫᬗ᭄ᬕᭀᬳᬸᬧᬵᬓᬭ᭟ᬦᬧᬶᬫᬮᬶᬄᬬᬦᬶᬂᬢ᭄ᬮᬲ᭄᭞
ᬲᬗ᭄ᬓᬦᬶᬂᬚᬜ᭄ᬚᬶᬦ᭄ᬬᬫᬶᬲ᭄ᬓᬶᬦ᭄᭞ᬓᬮᬶᬦ᭄ᬢᬂᬩᬵᬦ᭄ᬬᬫᬗᭂᬦᬶᬂ᭞ᬭᬱᬜᬫᬢᬸᬢᬸᬂᬧᬢᬶ᭞ᬤᬕᬶᬂᬚᬶᬦᬄᬧᬸᬦᬶᬓᬶ᭞ᬤᬳᬢᬶᬂᬓᬲ᭄ᬫᬮᬦᬶᬧᬸᬦ᭄᭞ᬳᬧᬦᬶᬂᬳᬸ
ᬧᬓᬬᬵ᭞ᬧᭀᬮᬶᬄᬲᬓᬾᬂᬫᬜᬓᬶᬢᬶᬦ᭄᭞ᬗ᭄ᬕᬯᬾᬲᬸᬗ᭄ᬲᬸᬢ᭄᭞ᬲᬗ᭄ᬓᬦ᭄ᬫᬨᬮᬫᬗ᭄ᬓᬦ᭟ᬯᬾᬦ᭄ᬢᭂᬦᬶᬂᬅᬃᬣᬧᬸᬦᬶᬓᬵ᭞ᬢᬸᬬᬸᬄᬩᬦ᭄ᬜᬫᬗ᭄ᬕᬯᬾ