[᭘᭑ 81B]
᭘᭑
ᬗ᭄ᬕᬳᬦᬶᬂ᭟ᬓᬧᬸᬢᬸᬲᬦ᭄ᬦᬸᬮᬓ᭄ᬱ᭄ᬫᬭ᭟ᬲ᭄ᬭᬡᬳᬤᬗᬚᬧ᭄ᬮᬦᬵᬗᭂᬦ᭄ᬤᬶᬳᬢᬶ᭞ᬳ᭄ᬤᬗᬭᬲ᭄ᬫᬸᬯᬄᬫᬦ᭄ᬤᬸᬮᬸ᭞ᬲᬯᬶᬱᬬᬦᬶᬂᬲ᭄ᬫᬭ᭞ᬬᬦᬶᬂᬲᬶ
ᬤ᭄ᬥᬵᬩᬦ᭄ᬫᬗ᭄ᬮᬭᬂᬧᬸᬦᬶᬓᬸ᭞ᬲᬶᬤ᭄ᬥᬵᬧᬸᬦᬄᬳᬶᬓᬂᬲ᭄ᬫᬭ᭞ᬭᬱᬢᬦ᭄ᬳᬦᬜᬓᬶᬢᬶᬦ᭄᭟ᬳᬧᬦᬶᬓᬂᬲ᭄ᬫᬭᬳᬶᬓᬵ᭞ᬧ᭄ᬭᬧᬜ᭄ᬘᬚ᭄ᬜᬦᬗᬯᬶᬚᬶᬮᬂᬯ᭄ᬬᬓ᭄ᬢᬶ᭞
ᬬᬦᬶᬂᬮᬸᬫ᭄ᬩᬃᬲᬸᬢᬸᬯᬸᬓ᭄᭞ᬲᬬᬦᬓᬾᬄᬤᬤᬶᬦ᭄ᬜᬵ᭞ᬬᬦᬶᬂᬳᬶᬤᬲᬂᬧᬡ᭄ᬥᬶᬢᬦᬾᬦᬸᬦ᭄ᬤᬸᬂ᭞ᬢᬓᬸᬢ᭄ᬲᬓᬶᬢ᭄ᬮᬦᬶᬂᬤᭀᬱᬵ᭞ᬫᬾᬗᭂᬢ᭄ᬫᬭᬶᬂᬢᬢ᭄ᬯᬍᬯᬶᬄ᭟
ᬧᬗ᭄ᬮᭀᬓᬶᬓᬦ᭄ᬦᬶᬓᬂᬢᬢ᭄ᬯ᭞ᬳᬧᬂᬧ᭄ᬭᬶᬓ᭄ᬱᬮᬗ᭄ᬕᭂᬂᬫᭀᬮᬳᬶᬂᬪᬹᬫᬶ᭞ᬳᬧᬂᬲᬦ᭄ᬢᭀᬱᬦᬾᬧᬗ᭄ᬕᬸᬄ᭞ᬤᬾᬦᬶᬂᬮᬸᬫ᭄ᬩ᭄ᬭᬳᬾᬂᬚᬕᬢ᭄᭞ᬓᬍᬯᬶ
[᭘᭒ 82A]
ᬳᬦᬾᬲᬧᬭᬦ᭄ᬪᭀᬕᬓᬢ᭄ᬫᬸ᭞ᬲᬕ᭄ᬦᬄᬫᬗ᭄ᬕᬶᬄᬓᬲᬸᬓᬦ᭄᭞ᬓᬤᬶᬯ᭄ᬯᬂᬫᬢᬭᬸᬫ᭄ᬧᬄᬯ᭄ᬬᬓ᭄ᬢᬶ᭟ᬲᬮ᭄ᬯᬶᬃᬳᬸᬫ᭄ᬩᬶᬨᬮᬯᬶᬚᬵ᭞ᬭᬶᬂᬧ᭄ᬭᬢᬶᬯᬶᬫᬦ᭄ᬤᬮᬲᬓ
ᬮ᭄ᬯᬶᬃ᭞ᬲᬢ᭄ᬓᬦᬶᬂᬲ᭄ᬮᬓᬮᬦᬼᬫ᭄ᬩᬸ᭞ᬲ᭄ᬢ᭄ᬭᬷᬭᬢ᭄ᬦᬮᬦ᭄ᬯᬲ᭄ᬢ᭄ᬭ᭞ᬫᬓᬲᬫᬶ᭞ᬯ᭄ᬯᬂᬳᬫ᭄ᬭᬶᬳᬂᬧᬸᬦᬶᬓᬸ᭞ᬬᬤᬶᬦ᭄ᬤᬾᬯᬾᬓ᭄ᬬᬫ᭄ᬯᬳᬢᬂ᭞ᬲᬶᬮᭀᬪᬦᭀᬭᬜᬸ
ᬓᬸᬧᬶ᭟ᬲᬓᬢᬄᬜᬓᬭᬶᬓᬶᬭᬂ᭞ᬤᬤᬶᬳᬾᬮᬶᬂᬳᬶᬤᬭᬶᬂᬢᬸᬢᬸᬭᬾᬓᬶ᭞ᬲᬓᬶᬂᬲᬂᬧᬡ᭄ᬥᬶᬢᬜ᭄ᬚᬸᬚᬸᬃ᭞ᬓᬱᬦ᭄ᬢᭀᬱᬦᬶᬂᬫᬦᬄ᭞ᬤᬾᬦᬶᬂᬯ᭄ᬭᬸᬄ
ᬳᬦᬾᬯᬾᬦ᭄ᬢᭂᬦ᭄ᬢᬦ᭄ᬮᬗ᭄ᬕᭂᬂᬓᬸᬓᬸᬄ᭞ᬲᬮ᭄ᬯᬶᬃᬤ᭄ᬫᭂᬦᬾᬫᬚᬮᬭᬦ᭄᭞ᬩᬶᬱᬳ᭄ᬫᭂᬤ᭄ᬢᬸᬃᬜᬓᬶᬢᬶᬦ᭄᭟ᬦᭀᬭᬳᬶᬤᬗᬗᭂᬦ᭄ᬗᬕᭂᬦ᭄᭞ᬕᬸᬡ
Kaca:Bali-lontar-gaguritan-dharmmawisesa-02-350ppi.pdf/82
Kaca puniki sampun kauji-wacén
