Kaca:Bali-lontar-gaguritan-dharmmawisesa-02-350ppi.pdf/76

Saking Wikisource
Kaca puniki sampun kauji-wacén

[᭗᭕ 75B]
᭗᭕
ᬦᬧᬸᬡ᭄ᬬᬵᬍᬯᬶᬄ᭞ᬳᭂᬦ᭄ᬢᭀᬤᬤᬶᬩ᭄ᬓᭂᬮᬂ᭞ᬗᬭᬦ᭄ᬫᬵᬲ᭄ᬫᬡᬶᬓᬼᬯᬶᬄ᭟ᬇᬓᬦᬂᬯᬶᬪᬵᬯᬮᬦ᭄ᬫᬶᬭᬄᬉᬢ᭄ᬢᬫᬵ᭞ᬢᬶᬗ᭄ᬓᬳᬾᬳᬬᬸᬍᬯᬶᬄ᭞ᬢᬦ᭄ᬲᬶᬤ᭄ᬥᬵᬧᬸᬦᬶᬓ
ᬳᬗ᭄ᬕᭀᬦ᭄ᬧᬥᬦᬦᬸᬮᬓ᭄᭞ᬢᬶᬓᬂᬮᬭᬢ᭄ᬯᬧᬢᬶ᭞ᬳ᭄ᬦᬾᬩ᭄ᬯᬶᬦ᭄ᬳᬤ᭞ᬦᭀᬭᬮᬗ᭄ᬕᭂᬂᬫᭀᬮᬄᬲᬫᬶ᭟ᬮ᭄ᬯᬶᬃᬩᬚᬗᬾᬳᬸᬭᬶᬧᬾᬮᬦᬶᬂᬭᬹᬧᬵ᭞ᬮᬦ᭄ᬯᬶᬪ
ᬯᬦᬾᬲᬫᬶ᭞ᬲ᭄ᬮᬓᬵᬯᬲ᭄ᬢ᭄ᬭᬲᬗ᭄ᬕᬫᬵ᭞ᬯᬭᬲᬾᬳᭂᬦ᭄ᬢᭀᬫᬓ᭄ᬚᬂ᭞ᬳᬯᬦᬦ᭄ᬳᬶᬤᬲᬂᬋᬱᬶ᭞ᬦᭀᬭᬫᬦᬼᬩᬂ᭞ᬩᬳᬦᬾᬳᭀᬩᬄᬲᬫᬶ᭟ᬳ᭄ᬤᬳ
ᬫ᭄ᬧᬄᬳᬫ᭄ᬧᬄ᭞ᬲᭀᬓ᭄ᬢᭂᬍᬩ᭄ᬗᬋᬲᭂᬧᬂ᭞ᬗ᭄ᬮᬶᬤᬶᬦ᭄ᬓᬾᬯᭂᬄᬭᬶᬂᬲᬓᬶᬢ᭄᭞ᬫᬜᬸᬚᬸᬃᬯᬶᬪᬯᬵ᭞ᬫ᭄ᬭᬶᬳᬂᬬᬸᬱᬦᬾᬧᬜ᭄ᬚᬂ᭞ᬳᭂᬦ᭄ᬢᭀᬗ᭄ᬕᬯᬾᬚᭂᬚᭂᬄᬳᬢᬶ᭞
[᭗᭖ 76A]
ᬮ᭄ᬯᬶᬃᬫᬸᬲᬸᬄᬕ᭄ᬦᬶᬳᬸᬧᬲ᭄᭞ᬢᭀᬂᬳᬤᬳᬦᬾᬗ᭄ᬢᬶᬲᬶᬦ᭄᭟ᬳᬶᬤᬲᬂᬧᬡ᭄ᬥᬶᬢᬢᬦ᭄ᬓᬶᬦᬯᬲᬓᭂᬦ᭄᭞ᬤᬾᬦᬶᬂᬭᬵᬚᬲᬃᬧ᭄ᬧᬲ᭄ᬢ᭄ᬭᬶ᭞ᬯᬾᬥᬪᭀᬕᬬᬸᬱ᭞ᬯ᭄ᬯᬂᬰᬾᬯ
ᬓᬾᬂᬰᬢ᭄ᬭᬸᬫ᭄ᬯᬄ᭞ᬲᬫᬶᬢᬦᬸᬗ᭄ᬕᬫᬭᬶᬂ᭞ᬳᬶᬤᬧᬵᬡ᭄ᬥᬶᬢ᭞ᬤᬾᬦᬶᬂᬬᬫᬦᭂᬲᬶᬦ᭄ᬲᬫᬶ᭟ᬢᬶᬗ᭄ᬓᬳᬶᬂᬯᭀᬂᬢᬸᬢᬸᬕ᭄ᬮᬭᬲ᭄ᬩᭂᬢ᭄ᬮᬦ᭄ᬢᬸᬯ᭞ᬭᬕᬮᬯ
ᬦ᭄ᬢᬸᬯᬵ᭞ᬫᬾᬗᭂᬢ᭄ᬭᬶᬂᬧᬸᬦᬶᬓ᭞ᬲᬗ᭄ᬓᬦ᭄ᬬᬲᬂᬧᬡ᭄ᬥᬶᬢ᭞ᬓᬫᭀᬓ᭄ᬱᬦᬾᬓᬫᬃᬕ᭄ᬕᬶᬦᬶᬦ᭄᭞ᬳᬧᬦ᭄ᬢᭀᬤᬤ᭄ᬬ᭞ᬢᬫ᭄ᬩᬦᬶᬓᬂᬤᬸᬄᬓᬍᬯᬶᬄ᭟ᬯᬦ᭄ᬢᬄᬤᬸ
ᬫᬸᬦᬦ᭄᭞ᬢᬂᬳᬸᬭᬶᬧ᭄‌ᬮᬯᬦ᭄ᬰᬭᬶᬭ᭞ᬳᬯᬓᬾᬗᬦ᭄ᬤᭂᬮᬂᬳᬸᬭᬶᬧ᭄᭞ᬢ᭄ᬯᬄᬳᬸᬭᬶᬧ᭄ᬲᬗ᭄ᬓᬦ᭄ᬬ᭞ᬓ᭄ᬭᬡᬬᬳᬤᬳᬯᬓ᭄᭞ᬳᬶᬮᬂᬳᬸᬭᬶᬧ᭄ᬳᬯᬓ᭄ᬢᬦ᭄ᬓᬭᬶ᭞