[᭗᭓ 73B]
᭗᭓
ᬓᬓᬤᬶᬳᬲᬸᬢ᭄ᬯᬧᬯᬄ᭞ᬢᬺᬱ᭄ᬡᬾᬂᬩᬮᬸᬂᬢᬦ᭄ᬧᬳᬶᬲᬶ᭞ᬓᬾᬯᬮᬳ᭄ᬬᬫᬳᬦ᭄᭞ᬫᬜᬶᬮᬧᬶᬦ᭄ᬓᬗ᭄ᬕᭀᬳᬗ᭞ᬤ᭄ᬫᭂᬦᬾᬚᬦᬶᬜᬓᬶᬢᬶᬦ᭄᭞ᬳᭂᬦ᭄ᬢᭀ
ᬭᬱᬬᬂ᭞ᬳᬶᬦ᭄ᬤ᭄ᬭᬶᬬᬦᬾᬬᬧᬸᬗ᭄ᬕᭂᬮᬶᬦ᭄᭟ᬳᬶᬓᬂᬲᬃᬯ᭄ᬯᬫᬸᬭᬶᬧᬾᬧᬢᭂᬄᬭᬶᬂᬲᬮᬄ᭞ᬯᭀᬂᬤᬵᬱᬳᭀᬭᬢ᭄ᬧᬢᬶ᭞ᬳᬶᬗᬢᭂᬃᬫᬭᬾᬂᬲ᭄ᬫᬵ᭞ᬲᬢᬶᬦ᭄ᬤ
ᬓ᭄ᬢᬸᬦᬳᬸᬭᬶᬧ᭄ᬦ᭄ᬬ᭞ᬓᬾᬢᭀᬲᬓᬜ᭄ᬘᬦᬶᬂᬳᬸᬭᬶᬧ᭄᭞ᬳᭂᬜ᭄ᬘᭂᬤ᭄ᬲᬤᬶᬦ᭞ᬲᬬᬦᬧᬋᬓ᭄ᬚᬂᬧᬢᬶ᭟ᬢᬾᬓᬦᬂᬫᬺᬢ᭄ᬬᬸᬦ᭄ᬤᬢᬦ᭄ᬓᭂᬦᬢᬶᬦᬸᬮᬓ᭄᭞
ᬦ᭄ᬤᬢᬦ᭄ᬓᬬᬸᬦ᭄ᬫᬗᬦ᭄ᬢᬶ᭞ᬲᬗ᭄ᬓᬦ᭄ᬬᬫᬭᬬᬂ᭞ᬳ᭄ᬤᬗᬦ᭄ᬢ᭄ᬬᬂᬫᬦᬶᬧ᭄ᬯᬦ᭄᭞ᬧᬸᬡ᭄ᬬᬥᬃᬫ᭄ᬫᬦᬾᬫᬃᬕ᭄ᬕᬶᬦᬶᬦ᭄᭞ᬳᬗ᭄ᬕᬾᬦ᭄ᬫᬗᬮᬧ᭄ᬥᬃᬫ᭄ᬫᬲᬥᬦᬦᬾ
[᭗᭔ 74A]
ᬍᬯᬶᬄ᭟ᬢᬦ᭄ᬳᬦᬧᬺᬲᬶᬤ᭄ᬥᬵᬓᬯᬾᬳᬦᬶᬂᬓᬃᬬ᭄ᬬ᭞ᬮᬾᬦ᭄ᬲᬓᬾᬂᬫᬺᬢ᭄ᬬᬸᬳᬶᬓᬶ᭞ᬗᬺᬲ᭄ᬋᬱᬶᬦ᭄ᬓᬮᬶᬦ᭄ᬢᬂ᭞ᬲᬗ᭄ᬓᬦ᭄ᬲᬺᬓᬂᬕᬢ᭄ᬬᬂ᭞ᬥᬃᬫ᭄ᬫᬲᬥᬦᬓᬃᬬ᭄ᬬᬦᬶᬦ᭄᭞
ᬓᬤ᭄ᬬᬂᬯᭀᬄᬯᭀᬳᬦ᭄᭞ᬳᬸᬮᬸᬂᬦ᭄ᬬᬓᬂᬳᬶᬦᬦ᭄ᬢᬶ᭟ᬗ᭄ᬳᬶᬂᬢᬶᬦᬹᬢᬶᬂᬫᬺᬢ᭄ᬬᬸᬨᬮᬓᬃᬫ᭄ᬫᬦᬾᬧ᭄ᬘᬓ᭄᭞ᬜᬦ᭄ᬢᭀᬲᬶᬂᬢᬸᬥᬸᬄᬕᬦ᭄ᬢᬶ᭞ᬚᬧᬶᬲ᭄ᬬᬸᬓ᭄ᬦᬶᬧᬦᬄ᭞ᬤᬸᬭᬸᬂ
ᬳ᭄ᬬᬗ᭄ᬫᬲᬶᬦ᭄ᬧ᭄ᬚᬄ᭞ᬦᬵᬗ᭄ᬳᬶᬂᬬᬦ᭄ᬕᬦ᭄ᬢᬶᬦᬾᬧ᭄ᬭᬧ᭄ᬢᬶ᭞ᬢ᭄ᬯᬶᬕᭀᬭᬾᬢ᭄ᬧᬥ᭞ᬤᬤ᭄ᬬᬫᬗᬫᬲᬶᬦ᭄ᬫᬢᬶ᭟ᬳᬶᬲᬶᬜᬳᬶᬤᬸᬧᬾᬚᬦᬶᬚᬦ᭄ᬫᬵ᭞ᬳᬸᬬᭂᬂ
ᬮᬭᬧ᭄ᬭᬶᬳᬢᬶ᭞ᬢᬦᬸᬭᬸᬂᬧᬘᬂᬧ᭄ᬚᬄ᭞ᬯᬦ᭄ᬢᬄᬓᬾᬢᭀᬓ᭄ᬭᬫᬦ᭄ᬬ᭞ᬤ᭄ᬫᭂᬦᬾᬳ᭄ᬤᬫᬗᬸᬮᬸᬭᬶᬦ᭄᭞ᬫᬲᬶᬄᬚᬗ᭄ᬓᬬᬂ᭞ᬗᬸᬢᬂᬲᬸᬓᬳᬭᬦᬾᬓᬶ᭟
Kaca:Bali-lontar-gaguritan-dharmmawisesa-02-350ppi.pdf/74
Kaca puniki sampun kauji-wacén
