Kaca puniki sampun kauji-wacén
[᭗᭒ 72B]
᭗᭒
ᬮ᭄ᬬᬂᬳᬶᬥᭂᬧ᭄ᬦ᭄ᬬᬢᬦᬾᬯᭂᬄ᭞ᬢᬦᬦᬗ᭄ᬭᬾᬯᭂᬤᬶᬦ᭄᭞ᬳᬾᬕᬃᬡ᭄ᬦᬫᬗᭂᬢᭀᬦ᭄᭞ᬳᬦᬓ᭄ᬭᬸᬬᬸᬤ᭄ᬲᬦᬾᬢ᭄ᬯ᭞ᬯᬗᬮᬭᬮᬦ᭄ᬯᭀᬂᬫᬢᬶ᭞
ᬢᬦ᭄ᬫᬗᬾᬧᬸᬢᬂ᭞ᬫᬶᬭᬶᬩ᭄ᬢᭀᬂᬩᬓᬮ᭄ᬫᬗ᭄ᬕᬶᬳᬶᬦ᭄᭟ᬓᬤᬾᬦᬳᬯᬓ᭄ᬜᬦᬾᬢᬸᬲᬶᬂᬫᬦᭂᬫ᭄ᬯᬂ᭞ᬫᬶᬦᬩ᭄ᬬᬢᬦᬸᬦᬶᬂ᭞ᬯᬶᬯᬾᬓᬦᬶᬂᬢᬢᬶᬫ᭄ᬩᬂ᭞ᬳ
ᬦᬾᬮᬗ᭄ᬕᭂᬂᬮᬯᬦ᭄ᬫᭀᬮᬄ᭞ᬲᬗ᭄ᬓᬦ᭄ᬢᬸᬢᬸᬭᬾᬬᬵᬕᬸᬮᬶᬓ᭄᭞ᬋᬲᭂᬧ᭄ᬋᬲᭂᬧᬂ᭞ᬢᬢᬫ᭄ᬧᬾᬦᬾᬳᬧᬂᬚᬢᬶ᭟ᬬᬤᬶᬦ᭄ᬲᬫ᭄ᬧᬸᬦ᭄ᬗ᭄ᬯᬰᬢᬂ
ᬘᬩᬸᬲ᭄ᬲᬵᬕᬭ᭞ᬢ᭄ᬓᬾᬂᬧ᭄ᬭᬢᬶᬯᬶᬦ᭄ᬬᬲᬫᬶ᭞ᬲᬗ᭄ᬓᬬᬾᬂᬰᬓ᭄ᬢᬶᬦ᭄ᬬ᭞ᬢᬍᬃᬢᬦ᭄ᬓᬮᬸᬧᬸᬢᬂ᭞ᬲᬓᬾᬂᬮᬭᬢ᭄ᬯᬧᬢᬶ᭞ᬲᬗ᭄ᬓᬦ᭄ᬕᬯᬾ
[᭗᭓ 73A]
ᬦᬂ᭞ᬥᬃᬫ᭄ᬫᬲᬥᬦᬦᬾᬚᬢᬶ᭟ᬲᬗ᭄ᬳ᭄ᬬᬂᬫᬺᬢ᭄ᬬᬸᬗᬭᬦ᭄ᬓᬫ᭄ᬩᬶᬮ᭄ᬳᬯᬓ᭄ᬦ᭄ᬬ᭞ᬮᬯᬳᬳᭀᬮᬢ᭄ᬭᬤᬶ᭞ᬓ᭄ᬱᬦᬦᬶᬫᬾᬰ᭞ᬧᬶᬦᬓᬭᬹᬧᬦᬶᬭ᭞ᬮᬭᬢ᭄ᬯᬓᬂ
ᬓᬶᬦᬓ᭄ᬱᬶ᭞ᬫᬶᬤᭂᬃᬫᬲᬸᬲᬸᬧᬦ᭄᭞ᬓ᭄ᬯᬰᬗ᭄ᬩᭂᬓᬶᬦ᭄ᬕᬸᬫᬶ᭟ᬲᬶᬭᬫᬗᬦ᭄ᬲᬃᬯ᭄ᬯᬫᬳᬸᬭᬶᬧᬾᬫᬓ᭄ᬚᬂ᭞ᬲᬗ᭄ᬓᬦ᭄ᬜᬤᬤᬶᬫᬢᬶ᭞ᬓᬤᬶᬳᬗ᭄ᬕᬦᬶᬂᬳᬸᬮᬵ᭞ᬫᬗᬦ᭄
ᬦᬶᬓᬦᬂᬧᬯᬦ᭞ᬫᬗ᭄ᬓᬦᬢᬶᬗ᭄ᬓᬄᬦ᭄ᬬᬢᬶᬗ᭄ᬓᬄᬦ᭄ᬬᬚᬢᬶ᭞ᬳᬧᬂᬧ᭄ᬭᬲᬢ᭄ᬦ᭞ᬗᭂᬫ᭄ᬩᬦᬵᬯᬓᬾᬲᭂᬚᬢᬶ᭟ᬲᬺᬓᬂᬚᬦᬶᬫᬗ᭄ᬕᬯᬾᬥᬃᬫ᭄ᬫᬲᬥᬦ᭞ᬤᬶᬢ᭄ᬯᬦᬾᬫ
ᬕᬸᬡᬲᬓᬶᬢ᭄᭞ᬤᬳᬢᬶᬂᬲᬗ᭄ᬲᬭ᭞ᬚᬦᬶᬧ᭄ᬤᬲᬶᬦᬦᬾᬢ᭄ᬯᬵ᭞ᬢᭀᬂᬲᬶᬤ᭄ᬥᬵᬩᬜᬫ᭄ᬩᬢᬶᬦ᭄᭞ᬯᬶᬱᬬᬦᬶᬭ᭞ᬤᬾᬦᬶᬂᬕᬸᬂᬢᬺᬱ᭄ᬡᬯ᭄ᬬᬓ᭄ᬢᬶ᭟ᬚᬦ᭄ᬫᬧᬸᬦᬶ
