[᭖᭖ 66B]
᭖᭖
ᬢᬧ᭄ᬢᭂᬂᬫᬭᬾᬂᬳᬢᬶ᭟ᬓᬤᬶᬲᬹᬃᬬ᭄ᬬᬳᬸᬧᬫᬶᬦᬶᬧᬸᬦ᭄᭞ᬫᬗᬶᬘᬮᬂᬧ᭄ᬢᭂᬂᬲᬫᬶ᭞ᬫᬗ᭄ᬤᬢᬂᬧᬦᭀᬦᬶᬂᬭᬢ᭄᭞ᬬᬦ᭄ᬳᬶᬘᬼᬧᬸᬓ᭄ᬫᬦᬸᬗ᭄ᬓᬮᬶᬓ᭄᭞ᬪᬹᬢᬧ᭄ᬢᭂᬂᬩᬦᬾᬳᬸᬮᬧ᭄᭞
ᬲᬬᬦ᭄ᬕᬮᬂᬦᭀᬭᬗᬓ᭄ᬱᬶ᭟ᬢᬢ᭄ᬮᬸᬲᬗ᭄ᬓᬦ᭄ᬤᬤᬶᬳᬚᬸᬫ᭄᭞ᬭ᭄ᬬᬯᬓᬶᬂᬤᬹᬃᬚ᭄ᬚᬦᬾᬓᬶ᭞ᬯᬶᬥ᭄ᬬᬥᬦᬳᬩᬶᬚᬦ᭞ᬯᬶᬥ᭄ᬬᬫᬥᬳᬭᬦᬾᬓᬶ᭞ᬳᬚᬸᬫ᭄ᬩᬦᬾ
ᬦᬯᬂᬰᬲ᭄ᬢ᭄ᬭ᭞ᬥᬦᬫᬥᬢ᭄ᬕᭂᬲᬾᬫᬮᬶᬄ᭟ᬩᬵᬦᬾᬲᬸᬕᬶᬄᬧᭂᬲᬸᬳᬚᬸᬫ᭄᭞ᬳᬩᬶᬚᬦᬫᬥᬫᬮᬶᬄ᭞ᬳᬚᬸᬫ᭄ᬲᬓᬾᬂᬯᬗ᭄ᬰᬦᬶᬭᬵ᭞ᬓᬾᬢᭀᬬᬦᬶᬂ
ᬧᭀᬮᬶᬄᬧᬦᬫ᭄ᬧᬶ᭞ᬲ᭄ᬬᭀᬲᬶᬤᬲᬂᬲᬚᬦ᭞ᬤᬤᬶᬳᬸᬧᬲᬫᬲᬫᬶ᭟ᬬᬦ᭄ᬲᬳᬶᬳᬂᬩᭂᬲᬶᬧᬸᬦᬶᬓᬸ᭞ᬍᬫᬸᬳᬦ᭄ᬭᬶᬂᬫᬦᬄᬤᬹᬃᬚ᭄ᬚᬦ᭞ᬩᭂᬲᬶᬦᬾ
[᭖᭗ 67A]
ᬤᬤᬶᬜᬦ᭄ᬗᭂᬍᬕ᭄᭞ᬩᬶᬲᬮᬾᬗ᭄ᬓᭀᬂᬬᬦᬧᬶᬦᬶᬦ᭄᭞ᬦᬵᬗ᭄ᬳᬶᬂᬫᬦᬄᬲᬂᬤᬹᬃᬚ᭄ᬚᬦ᭞ᬳᬓᬲ᭄ᬓᬸᬓᬸᬄᬓᭂᬓᭂᬄᬕᬢᬶ᭟ᬮᬶᬦ᭄ᬢᬂᬓᬯᬶᬤᬕ᭄ᬥᬕᬶᬧᬸᬦ᭄᭞ᬲᬂᬤᬹᬃᬚ᭄ᬚᬦᬗᬸ
ᬩ᭄ᬥᬂᬩᬸᬤ᭄ᬥᬶ᭞ᬜᬗᬶᬦᬂᬫᬦᬳᬾᬘᭀᬭᬄ᭞ᬲᬓ᭄ᬱᬢ᭄ᬫᭂᬥᬂᬫᬜᬓᬶᬢᬶᬦ᭄᭞ᬧᬦᬲ᭄ᬕᭂᬦᬶᬢ᭄ᬦᭀᬭᬓᬢᭀᬦ᭄᭞ᬓᬾᬢᭀᬥᬬᬦ᭄ᬜᬦᬾᬲᬶᬮᬶᬩ᭄᭟
ᬓᬯᭂᬗᬦ᭄ᬢᬫᬦᬄᬳᬶᬗ᭄ᬲᬸᬦ᭄᭞ᬭᬶᬩᬸᬤ᭄ᬥᬶᬦᬶᬓᬂᬭᬵᬢ᭄ᬲᬫᬶ᭞ᬳᬧᬦ᭄ᬲᬂᬲᬥᬸᬲᬶᬦᬫᬬᬦ᭄᭞ᬩᬶᬲᬦᬳᬦ᭄ᬓᬬᬸᬦ᭄ᬩ᭄ᬭᬗ᭄ᬢᬶ᭞ᬫᬧᬸᬳᬭᬤᬤᬶᬮᬾᬥᬂ᭞ᬫᬭᬶᬂ
ᬲᬂᬤᬹᬃᬚ᭄ᬚᬦᬾᬂᬩᬸᬤ᭄ᬥᬶ᭟ᬲᬂᬤᬹᬃᬚ᭄ᬚᬦᬢᬶᬗ᭄ᬓᬄᬳᬶᬧᬸᬦ᭄᭞ᬚᬯᬢ᭄ᬲᬩᬢᬸᬦ᭄ᬓᬲᬯᬶ᭞ᬤᭀᬱᬦ᭄ᬲᬂᬲᬥᬸᬧᬸᬦᬶᬓᬵ᭞ᬗᬶᬮᬶᬲ᭄ᬓᬢᭀᬦ᭄ᬤᬾᬦ᭄ᬬᬚᬢᬶ᭞ᬲᬯᭀᬄ
Kaca:Bali-lontar-gaguritan-dharmmawisesa-02-350ppi.pdf/67
Kaca puniki sampun kauji-wacén
