[᭖᭔ 64A]
᭖᭔
ᬗᬺᬲ᭄ᬋᬲᬾᬂᬳᬢᬶ᭟ᬲᬂᬫᬗᬸᬮᬄᬧᬧᬵᬳᬶᬓᬸ᭞ᬫᬭᬶᬂᬳᬯᬓ᭄ᬢᬢᬦᬵᬲᬶᬄ᭞ᬤᭀᬦᬶᬂᬳᬯᬓ᭄ᬗᬃᬤ᭄ᬥᬶᬳᬮᬵ᭞ᬳᬯᬓ᭄ᬦ᭄ᬬᬚᬸᬕᬵᬳᬫᬸᬓ᭄ᬢᬶ᭞ᬫᬸᬧᬸᬨ
ᬮᬦᬶᬓᬂᬓᬃᬫ᭄ᬫᬵ᭞ᬧᬧᬵᬦ᭄ᬭᬓᬲ᭄ᬥᬶᬄᬓᬶᬗ᭄ᬓᬶᬂ᭟ᬦᭂᬫ᭄ᬦᬶᬱ᭄ᬝᬦᬶᬂᬚᬦ᭄ᬫᬵᬳᬶᬓᬸ᭞ᬯᭀᬂᬳᬶᬓᬗ᭄ᬕᬯᬾᬧᬜᬓᬶᬢ᭄᭞ᬚᬦ᭄ᬫᬵᬳᬚᬸᬫ᭄ᬧᬭᬶᬘᬾᬤ᭄ᬥᬵ᭞ᬲᬂ
ᬓᬺᬂᬗᬮ᭄ᬬᬓ᭄ᬫᬮᬶᬄ᭞ᬕᭃᬂᬲ᭄ᬫᬭᬓᬺᬂᬭᬶᬂᬢ᭄ᬯᬓ᭄᭞ᬦ᭄ᬤᬢᬦ᭄ᬧᬕᭂᬄᬫᬗᬸᬪᬓ᭄ᬢᬶ᭟ᬓ᭄ᬭᬫᬦᬶᬯ᭄ᬯᬂᬦᭂᬫᬾᬧᬸᬦᬶᬓᬸ᭞ᬧᬕᬸᬕᭂᬫ᭄ᬮᬦ᭄ᬧᬓᬃᬫ᭄ᬫᬶ᭞ᬗ᭄ᬮᬮᬳᬶᬦ᭄
ᬤᭀᬱᬦᬶᬓᬵ᭞ᬓᬤ᭄ᬬᬗ᭄ᬕᬦᬶᬂᬢᬭᬸᬳᬸᬭᬶᬧ᭄᭞ᬫᬶᬮᬸᬕ᭄ᬲᭂᬂᬬᬦ᭄ᬫᬓᭀᬲᭀᬤ᭄᭞ᬮᬯᬦᬶᬓᬂᬢᬭᬸᬳᬓᬶᬂ᭟ᬳ᭄ᬤᬫᬓᬦ᭄ᬢᬶᬫᬓᬫ᭄ᬧᬸᬂ᭞ᬮᬯ
[᭖᭕ 65A]
ᬦ᭄ᬚᬦ᭄ᬫᬳᬮᬓᬃᬫ᭄ᬫᬶ᭞ᬫᬮᬶᬄᬗ᭄ᬮᬯᬦᬵᬢᬸᬓᬭ᭞ᬯ᭄ᬯᬂᬤᬹᬃᬚ᭄ᬚᬦᬬᬦᬸᬧᬫᬶ᭞ᬤᬤ᭄ᬬᬋᬕᭂᬤ᭄ᬲᬶᬦᬶᬮᬧᬦ᭄᭞ᬫᬧᬶᬫᬮᬶᬄᬕᬸᬢ᭄ᬕᬸᬢ᭄ᬘᬶᬘᬶᬂ᭟ᬳᬶᬓᬂᬤᬹᬃᬚ᭄ᬚᬦ
ᬧᬸᬦᬶᬓᬸ᭞ᬧᬢᭂᬄᬓᬤᬶᬢᬶᬗ᭄ᬓᬄᬤᬸᬭᬶ᭞ᬤᬤ᭄ᬯᬤᬬᬦᬾᬕ᭄ᬮᬭᬂ᭞ᬤᬤᬸᬧᬓᬶᬦ᭄ᬫᬶᬯᬄᬓ᭄ᬮᬶᬤᬶᬦ᭄᭞ᬳ᭄ᬚᭀᬳᬶᬦᬶᬓᬲᬂᬤᬹᬃᬚ᭄ᬚᬦ᭞ᬫ᭄ᬯᬂᬫᬸᬲᬸᬳᬶᬦᬵᬧᬂᬚ᭄ᬭᬶᬄ᭟
ᬯ᭄ᬯᬂᬤᬹᬃᬚ᭄ᬚᬦᬳ᭄ᬤᬗ᭄ᬕᬸᬕᬸ᭞ᬚᬧᬶᬦᬸᬗ᭄ᬓᬸᬮ᭄ᬲᬓᬶᬂᬮᬫᬶ᭞ᬳᬚᬳᬶᬦ᭄ᬫᬶᬯᬄᬲᬬᬗᬂ᭞ᬳᬸᬧᬫᬶᬓᬤᬶᬮᬮᬶᬧᬶ᭞ᬚᬯᬢ᭄ᬳᬸᬭᬸᬓ᭄ᬲᬓᬶᬂᬮᬯᬲ᭄᭞ᬤᬶᬳᬶᬗᭂᬦᬾ
ᬬᬫᬗᬸᬢᬶᬮ᭄᭟ᬚᬦ᭄ᬫᬦᬶᬯ᭄ᬮᬵᬓ᭄ᬭᬫᬦᬶᬧᬸᬦ᭄᭞ᬬᬦ᭄ᬗᬢᭀᬦᬂᬳᬦᬓᬼᬯᬶᬄ᭞ᬧ᭄ᬭᬡᬫ᭄ᬬᬢᬸᬫᬸᬗ᭄ᬓᬸᬮᬵ᭞ᬳᬦ᭄ᬢᬸᬓ᭄ᬢᬶᬗ᭄ᬓᬄᬜᬦᬾᬍᬯᬶᬄ᭞ᬦᭀᬭ
Kaca:Bali-lontar-gaguritan-dharmmawisesa-02-350ppi.pdf/65
Kaca puniki sampun kauji-wacén
