[᭖᭑ 61B]
᭖᭑
ᬳ᭄ᬤᬗᬶᬢᬸᬂᬢᬸᬬᬸᬄᬫ᭄ᬮᬚᬄ᭞ᬧᬦ᭄ᬩᭂᬮᭀᬕᬾᬗ᭄ᬕᬯᬾᬲᬓᬶᬢ᭄᭞ᬬᬦ᭄ᬳᬯᬓᬾᬢᬦ᭄ᬧᬕᬸᬡᬵ᭞ᬮ᭄ᬬᬸᬫᬸᬲᬸᬄᬫᬜᬓᬶᬢᬶᬦ᭄᭟ᬢ᭄ᬯᬄᬳᬶᬤᬲᬂᬥᬃᬫ᭄ᬫᬲ
ᬥᬸᬃ᭞ᬳᬦᬾᬧᬵᬢᬹᬢ᭄ᬳᬗ᭄ᬕᭀᬦ᭄ᬓᬦ᭄ᬢᬶ᭞ᬢᬦ᭄ᬮᬾᬦ᭄ᬭᬶᬲᬂᬲᬥᬸᬚᬸᬕᬵ᭞ᬬᬦᬶᬂᬦᭀᬭᬭᬭᬾᬚᬢᬶ᭟ᬫᬸᬗ᭄ᬕ᭄ᬯᬶᬂᬢᬶᬗ᭄ᬓᬄᬲᬂᬫ᭄ᬭᬕᬲᬥᬸ᭞ᬦᭀᬭᬲ᭄ᬩᭂᬢ᭄ᬓᬘᬘᬤᬶᬦ᭄᭞
ᬢᬦ᭄ᬓᬸᬫᭂᬦ᭄ᬤᭂᬮ᭄ᬓᬳᬍᬫᬂ᭞ᬢᬸᬲᬶᬂᬓᬢᬫᬦᬦ᭄ᬩ᭄ᬭᬗ᭄ᬢᬶ᭞ᬬᬦ᭄ᬓᬶᬦᬸᬚᬭᬦᬶᬂᬳᬮᬵ᭞ᬢᬦᭀᬩᬄᬫᬦᬄᬫᬳ᭄ᬦᬶᬂ᭟ᬤᭀᬱᬯ᭄ᬯᬂᬢᬦ᭄ᬓᬭᬸᬗᬸ᭞ᬲᬂᬫᬗᬸ
ᬘᬧ᭄ᬫᬜᬘᬤᬶᬦ᭄᭞ᬕᬸᬡᬫᬶᬯᬄᬢᬶᬗ᭄ᬓᬄᬳᬶᬤ᭞ᬳᬬᬸᬚᬸᬕᬳᬶᬥᭂᬧᬳ᭄ᬦᬶᬂ᭞ᬫᬗ᭄ᬓᬦᬲᬂᬲᬥᬸᬗᬭᬦ᭄᭞ᬲᬶᬭᬢᬧᬸᬭᬸᬱᭀᬢ᭄ᬢᬫᬶ᭟ᬳᬸ
[᭖᭒ 62A]
ᬧᬲᬫᬦᬶᬭᬧᬸᬢᬸᬲ᭄᭞ᬧᭀᬮᭀᬲ᭄ᬩᬸᬦ᭄ᬢᬸᬢ᭄ᬲᬓᬶᬂᬍᬯᬶᬄ᭞ᬕᬸᬡᬮᬦ᭄ᬓᬩᬶᬲᬦᬶᬭᬵ᭞ᬳᬗ᭄ᬕᬦᬶᬂᬢᬭᬸᬮᬦ᭄ᬧᬭᬶ᭞ᬫᬗᬸᬦ᭄ᬢᬸᬮ᭄ᬲᬓᬭᬶᬂᬳ᭄ᬗᭂᬤ᭄᭞ᬩ᭄ᬯᬄ
ᬜᬦᬾᬫᬶᬯᬄᬍᬯᬶᬄ᭟ᬲ᭄ᬯᬪᬵᬯᬦᬶᬭᬲᬂᬲᬥᬸ᭞ᬢᬦᬜᬘᬤ᭄ᬲᬓᬶᬂᬳᬸᬭᬶ᭞ᬬᬢ᭄ᬦᬦᬸᬮᬸᬂᬲᬂᬓᬮᬭᬦ᭄᭞ᬢᬦ᭄ᬢᬸᬗ᭄ᬓᬲ᭄ᬭᬶᬂᬳᬲᬶᬗᬲᬶᬂ᭞ᬯ᭄ᬮᬲ
ᬲᬶᬄᬭᬶᬂᬫᬶᬦ᭄ᬢᬰ᭄ᬭᬬᬵ᭞ᬲ᭄ᬥᭂᬂᬳᬶᬤᬲᬳᬶᬢᬗ᭄ᬓᬶᬮᬦ᭄᭟ᬲᬓᬾᬂᬢᬶᬗ᭄ᬓᬄᬩᬵᬦ᭄ᬫᬜᬸᬮᬸᬄ᭞ᬲᬗᬯ᭄ᬭᬸᬄᬢᬢᬕᬶᬂᬳᬚᬶ᭞ᬢᬸᬃᬯᬶᬩᬸᬳᬶᬂᬓᬓᬯ᭄ᬬᬦ᭄᭞ᬧ᭄ᬭ
ᬡᬫ᭄ᬬᬢᬸᬃᬓᬚ᭄ᬭᬶᬳᬶᬦ᭄᭞ᬭᬯᬸᬳᬶᬂᬢᬶᬗ᭄ᬦᬾᬓᬄᬲᬫᬶᬫ᭄ᬮᬄ᭞ᬦᬾᬓᬾᬢᭀᬧᬡ᭄ᬥᬶᬢᬍᬯᬶᬄ᭟ᬬᬦ᭄ᬢᬦ᭄ᬲᬶᬤ᭄ᬥᬵᬩᬦ᭄ᬫᬦᬶᬭᬸ᭞ᬢᬶᬗ᭄ᬓᬄᬲᬂᬧᬸᬭᬸᬱᬲᬫᬶ᭞
Kaca:Bali-lontar-gaguritan-dharmmawisesa-02-350ppi.pdf/62
Kaca puniki sampun kauji-wacén
