Kaca:Bali-lontar-gaguritan-dharmmawisesa-02-350ppi.pdf/60

Saking Wikisource
Kaca puniki sampun kauji-wacén

[᭕᭙ 59B]
᭕᭙
ᬳᬶᬦ᭄ᬧᬚᬮᬦ᭄᭞ᬳᬤᬬᬦ᭄ᬢᬧᬦᬾᬚᬸᬚᬸᬃ᭞ᬕᬸᬡᬨᬮᬦᬾᬢᬦᬦ᭟ᬳᬤᬮᬘᬸᬃᬧ᭄ᬭᬚ᭄ᬜᬦ᭄ᬭᬶᬭᬶᬄ᭞ᬧᬕᭂᬄᬳᬦ᭄ᬢᭂᬂᬢᬶᬗ᭄ᬓᬳᬶᬭ᭞ᬦᭀᬭᬦᬧᬶᬓᭀᬮᬶᬄᬦᬾ᭞
ᬲᬓᬶᬂᬨᬮᬓᬃᬫ᭄ᬫᬫ᭄ᬮᬄ᭞ᬲᬢᬶᬦ᭄ᬤᬓ᭄ᬦᭀᬭᬲᬥ᭄ᬬ᭞ᬧᬶᬲᬦ᭄ᬭᬶᬂᬳᬮᬲ᭄ᬫᬜᬸᬲᬸᬧ᭄᭞ᬫᬗ᭄ᬮᬭᬂᬢᬧᬩ᭄ᬭᬢ᭟ᬯᭀᬂᬲᬶᬂᬗ᭄ᬮᬭᬶᬂᬲᬸᬓᬫᬮᬶᬄ᭞ᬓᬬᬂᬢ᭄ᬯᬦᭀ
ᬭᬲᬶᬤ᭄ᬥᬵ᭞ᬫᬧᬶᬓᭀᬮᬶᬄᬳᬶᬥᭂᬧ᭄ᬜᬦᬾ᭞ᬫᬲᬶᬄᬢᬓᬸᬢ᭄ᬫᬭᬾᬂᬳᬮᬲ᭄᭞ᬤᬤᬶᬮᬾᬫ᭄ᬧᬲ᭄ᬭᬶᬂᬢᬧᬵ᭞ᬤᬾᬦᬶᬂᬓᬾᬯᭂᬄᬜᬦᬾᬧᬢᬸᬄ᭞ᬦᬵᬗ᭄ᬳᬶᬂᬨᬮ
ᬦ᭄ᬜᬦᬾᬩᬶᬦᬵ᭟ᬳᬶᬓᬬᬸᬫᭂᬦ᭄ᬢᬶᬓ᭄ᬭᬶᬂᬓ᭄ᬭᬶᬓᬶᬮ᭄᭞ᬧᬸᬋᬢ᭄ᬲᬾᬦ᭄ᬤᬾᬄᬫᬶᬮᬸᬢᬦ᭄᭞ᬳᬫᬲᬸᬩᬢᬄᬧᬸᬜᬦ᭄ᬦᬾ᭞ᬓᬸᬮᬶᬢ᭄ᬜᬦᬾᬓ᭄ᬮᬾᬢ᭄ᬩᬩᬓ᭄᭞ᬢ
[᭖᭐ 60A]
ᬢᬦᬶᬦᬾᬬᬫᬸᬗ᭄ᬕᬸᬄ᭞ᬩᭀᬗ᭄ᬓᭀᬮ᭄ᬜᬦᬾᬳᬸᬫᬳᬶᬦ᭄ᬲᭂᬫᬸᬢ᭄᭞ᬳᬶᬤᬸᬧ᭄ᬜᬦᬾᬮᬭᬮᬭᬵ᭟ᬓᬾᬢᭀᬲᬓᬶᬢ᭄ᬜᬦᬾᬲᬳᬶ᭞ᬓᬤᬶᬮᬭᬦ᭄ᬓᬬᬸᬳᬶᬓ᭞
ᬲᬗ᭄ᬲᬭᬦᬶᬂᬤᬭᬶᬤ᭄ᬭᬦᬾ᭞ᬢᬦ᭄ᬫᬭᬶᬫᬗᬚᬧᬚᬧ᭄᭞ᬦᬕᬶᬄᬫᬢᬶᬢᭀᬂᬲᬶᬤ᭄ᬥᬵ᭞ᬢᬢ᭄ᬮᬸᬲᬓᬶᬢᬾᬓᬸᬫ᭄ᬧᬸᬮ᭄᭞ᬲᬓᬶᬢ᭄ᬫᬦᬄᬮᬭᬮᬭᬵ᭟ᬦᬾᬫ
ᬤᬦ᭄ᬫᬦᬳᬾᬲᬓᬶᬢ᭄᭞ᬫᬦᬳᬾᬧ᭄ᬭᬶᬄᬗᬚᬧᬚᬧ᭄᭞ᬦᬾᬢᭀᬂᬜᬦ᭄ᬥᬂᬳᬶᬦᬸᬮᬫᬾ᭞ᬫᬫ᭄ᬭᬶᬄᬪᬹᬓ᭄ᬢᬶᬲᬓᬶᬂᬫᬦᬄ᭞ᬥᬦᬧᬯᬾᬳᬶᬗᬋᬧ᭄᭞ᬧᬸᬦᬶᬓᬵ
ᬜᬓᬶᬢᬶᬦ᭄ᬓᬬᬸᬦ᭄᭞ᬲᬫᬵᬮᬯᬦᬶᬂᬤᬭᬶᬤ᭄ᬭᬵ᭟᭐᭟ᬧᬸᬧᬸᬄᬕᬶᬦᬦ᭄ᬢᬶ᭟ᬕᬶᬦᬦ᭄ᬢᬶᬢ᭄ᬓᬦᬶᬂᬧᬸᬧᬸᬄ᭞ᬜᬫ᭄ᬩᬸᬂᬢᬢ᭄ᬯᬫᬸᬗ᭄ᬕ᭄ᬯᬾᬂᬳᬃᬱᬶ᭞ᬧᬕᭂᬄᬳᬶᬤᬳ᭄ᬬᬂ