Kaca:Bali-lontar-gaguritan-dharmmawisesa-02-350ppi.pdf/59

Saking Wikisource
Kaca puniki sampun kauji-wacén

[᭕᭘ 58B]
᭕᭘
ᬡᬓᬬᬦᬾᬚᬸᬚᬸᬭᬂ᭟ᬲᬂᬤᬭᬶᬤ᭄ᬭᬗᬮᬶᬄᬪᬹᬓ᭄ᬢᬶ᭞ᬲᬓᬾᬂᬤᬺᬯᬾᬦ᭄ᬲᬯᬶᬢ᭄ᬭᬦ᭄ᬜ᭞ᬧᬫᬍᬦ᭄ᬬᬭᬶᬲᬂᬫᬯᬾᬄ᭞ᬳᬦ᭄ᬢᬸᬓᬶᬂᬫᬦᬄᬓᬲ᭄ᬫᬮᬵ᭞ᬮᭀ
ᬪᬘᬸᬧᬃᬗᬮᭀᬬᬂ᭞ᬲᬓᬶᬂᬮᭀᬧᬂᬪᬹᬓ᭄ᬢᬶᬦᬶᬧᬸᬦ᭄᭞ᬲᬸᬓᬫᬢᬶᬬᬦ᭄ᬫᬗ᭄ᬓᬦ᭟ᬮᬭᬦᬶᬂᬯ᭄ᬯᬂᬤᬭᬶᬤ᭄ᬭᬍᬯᬶᬄ᭞ᬲ᭄ᬤᬶᬄᬓᬶᬗ᭄ᬓᬶᬂᬲᬤᬶᬦᬤᬶᬦ᭞ᬧᬶᬦ᭄ᬤᭀ
ᬋᬓᬾᬲᬓᬶᬢ᭄ᬜᬦᬾ᭞ᬲᬓᬶᬢ᭄ᬮᬭᬲᬓᬶᬢ᭄ᬢᬶᬯᬲ᭄᭞ᬬᬦᬶᬂᬲᬂᬲᬸᬕᬶᬄᬮᬭ᭞ᬓᬢᬄᬢᬫ᭄ᬩᬲᬶᬤ᭄ᬥᬵᬦᬸᬮᬸᬂ᭞ᬳᭂᬦ᭄ᬢᭀᬧᬶᬦᭂᬳᬂᬤᬶᬫᬦᬄ᭟ᬧᬺᬲᬶᬤ᭄ᬥᬵ
ᬢᬶᬗ᭄ᬓᬄᬲᬂᬲᬸᬕᬶᬄ᭞ᬫᬜᬶᬮ᭄‌ᬫᬶᬘᬶᬜᬶᬜᬶᬂᬧᬶᬲᬦ᭄᭞ᬦᬗ᭄ᬳᬶᬂᬲᬂᬤᬭᬶᬤ᭄ᬭᬓᭀᬲᬾᬦ᭄᭞ᬲᬃᬯ᭄ᬯᬶᬓᭀᬧᬮᬦᬵᬗᭀᬧ᭞ᬲᬓᬶᬂᬮᬧᬫᬓ᭄ᬭᬡ᭞
[᭕᭙ 59A]
ᬲᬫᬶᬳᬾᬦᬓ᭄ᬭᬱᬦᬶᬧᬸᬦ᭄᭞ᬲᬂᬲᬸᬕᬶᬄᬤᬸᬤᬸᬫᬗ᭄ᬓᬦ᭟ᬤᬕᬶᬂᬳᬶᬧᬸᬦ᭄‌ᬲ᭄ᬬᭀᬲ᭄ᬫᬮᬶᬄ᭞ᬢᬂᬮᬧᬵᬗᬶᬮᬗᬂᬬᬢ᭄ᬦᬵ᭞ᬭᬶᬂᬲᬥᬦᬦᬶᬂᬥᬃᬫ᭄ᬫᬦᬾ᭞ᬫᬶᬯᬄᬓ
ᬥᬶᬭᬦᬾᬳᬶᬘᬮ᭄᭞ᬓᬢ᭄ᬓᬦᬶᬂᬧᬸᬦᬂᬚᬶᬯᬵ᭞ᬫᬾᬗᭂᬢ᭄ᬫᬭᬶᬂᬭᬱᬳᬶᬓᬸ᭞ᬳᬶᬓᬧᬫᬢ᭄ᬓᬶᬂᬮᬧᬵ᭟ᬯᭀᬗᬧᬸᬗ᭄ᬕᬸᬂᬮᬭᬲ᭄ᬤᬶᬄ᭞ᬧᬓᬾᬃᬢ᭄ᬢᬶᬦᬾᬓᬲᭂᬮ᭄ᬲᭂᬮᬂ᭞
ᬢᬦᬶᬘ᭄ᬮᬦ᭄ᬤᬾᬯᬯᬶᬥᬶᬦᬾ᭞ᬳᬢᬸᬭᬦ᭄ᬜᬓᬳᭀᬦ᭄ᬢᬾᬗᬂ᭞ᬮᬸᬧᬵᬫᬭᬶᬂᬧᬮᬓ᭄ᬱᬡ᭞ᬚ᭄ᬮᬾᬓᬃᬫ᭄ᬫᬦ᭄ᬜᬦᬾᬲᬵᬫ᭄ᬧᬸᬦ᭄᭞ᬲᬗ᭄ᬓᬦ᭄ᬦᭂᬫᬸᬮᬭᬤᬸᬄᬓᬵ᭟ᬳ
ᬦᬯ᭄ᬯᬂᬢᬦ᭄ᬫᬧᬶᬓᭀᬮᬶᬄ᭞ᬓᭀᬳᭀᬲ᭄ᬩᭀᬭᭀᬲ᭄‌ᬲᬓᬬᬦ᭄ᬬ᭞ᬲ᭄ᬭᬶᬗᬦ᭄ᬧᭀᬘᭀᬮ᭄ᬧᬕᬯᬾᬦᬾ᭞ᬗᬹᬦᬶᬢᬦᬵᬓᬃᬬ᭄ᬬᬫ᭄ᬮᬄ᭞ᬚᬦᬶᬳᭂᬲᬾ