Kaca:Bali-lontar-gaguritan-dharmmawisesa-02-350ppi.pdf/13

Saking Wikisource
Kaca puniki sampun kauji-wacén

[᭑᭒ 12B]
᭑᭒
ᬢᬸᬃᬫᬗᬶᬥᭂᬧᬂ᭞ᬢᬸᬥᬸᬄᬥᬃᬫ᭄ᬫᬵᬧ᭄ᬭᬯᬺᬢ᭄ᬢᬶ᭞ᬤ᭄ᬬᬱ᭄ᬝᬸᬓᬓᬸᬭᬗᬦ᭄᭞ᬳᬧᬵᬓ᭄ᬭᬡᬢᭀᬂᬫᬳᬦ᭄᭞ᬲᬫ᭄ᬩᬶᬮᬂᬬᬵᬫᬗᬮᬶᬄ᭞ᬚᬗᬦ᭄ᬮᬦ᭄ᬢᭀᬬᬵ᭞ᬤᬾᬦᬶᬂᬍᬯᬶᬄᬮᬪ
ᬦᬾᬗᬶᬭᬶᬂ᭟ᬓᬢᬄᬫᬜᬸᬚᬸᬭᬂᬫᬲᬸᬘ᭄ᬬᬦ᭄ᬭᬶᬂᬳᬮᬲ᭄᭞ᬢᬸᬓᬤ᭄ᬜᬦᬾᬤᬍᬫᬳ᭄ᬦᬶᬂ᭞ᬲᬸᬦᬭᬶᬦ᭄ᬳ᭄ᬬᬂᬯᬸᬮᬦ᭄᭞ᬢᬦ᭄ᬧᬕᬸᬡᬢᬂᬯᬶᬪᬵᬯᬵ᭞ᬳᬓᬾᬄᬓᬃᬬ᭄ᬬᬓᬸᬭᬂᬪᬹ
ᬓ᭄ᬢᬶ᭞ᬧᬜ᭄ᬚᬗᬦ᭄ᬬᬱᬵ᭞ᬯᬲ᭄ᬢᬸᬓᬲᬾᬧᬶᬂᬓᬾᬃᬢ᭄ᬢᬶ᭟ᬥᬃᬫ᭄ᬫᬲᬥᬦᬦᬾᬧᬵᬢᬹᬢ᭄ᬚᬮᬦᬂ᭞ᬲᬫ᭄ᬩᬶᬮᬂᬬᬵᬫᬗᬮᬶᬄ᭞ᬲᬗᬸᬫᬶᬯᬄᬓᬃᬬ᭄ᬬ᭞ᬓᬤᬶᬍᬫ᭄ᬩᬸᬳᬸᬧᬫᬵ᭞
ᬫᬶᬤᭂᬃᬗ᭄ᬤᭂᬂᬢᬗ᭄ᬕᬮᬵᬭᬶᬂᬘᬭᬶᬓ᭄᭞ᬳᭀᬮᬶᬄᬜᬫ᭄ᬩᬾᬢ᭄ᬧᬥᬂ᭞ᬳᬗ᭄ᬕᭀᬦ᭄ᬜᬍᬕᬦᬢᬶ᭟ᬮᬶᬯᬢ᭄ᬲᬯᬢ᭄ᬮᬶᬦᬶᬗ᭄ᬕᬦ᭄ᬳ᭄ᬬᬂᬥᬃᬫ᭄ᬫᬵ᭞ᬧᬭᬫᬵᬲᬸᬓ᭄ᬱ᭄ᬫ
[᭑᭓ 13A]
ᬫᬯᬶᬗᬶᬢ᭄᭞ᬮ᭄ᬯᬶᬃᬲᬓᬤᬶᬢᬫ᭄ᬧᬓ᭄᭞ᬳᬶᬯᬓ᭄ᬫᬮᬓ᭄ᬯᬾᬂᬢᭀᬬᬵ᭞ᬧᬶᬦᬾᬢᬚᬸᬕᬵᬤᬾᬲᬂᬋᬱᬶ᭞ᬍᬳᭂᬃᬳᬧᬕᭂᬄ᭞ᬳᬸᬧᬵᬲᬫᬵᬤᬾᬦᬫ᭄ᬭᬶᬄ᭟᭐᭟
ᬧᬸᬧᬸᬄᬧᬗ᭄ᬓᬸᬃ᭟ᬲᬳᬸᬦ᭄ᬢᬢᬶᬓᬂᬓᬥᬃᬫ᭄ᬫᬦ᭄᭞ᬫᬗ᭄ᬓᬾᬓᬚᬭᬢᬶᬓᬂᬘᬢᬹᬃᬯᬃᬡ᭄ᬦᬶ᭞ᬩ᭄ᬭᬳ᭄ᬫᬵᬡᬢᬶᬓᬂᬧᬫ᭄ᬩᬬᬸᬦ᭄᭞ᬢᬸᬫᬸᬢᬶᬂᬓ᭄ᬱᬢ᭄ᬭᬶᬬᬵ᭞ᬮᬦᬶᬂᬯᬾᬱ᭄ᬬᬵᬢᬶᬕᬲᬦᬓ᭄
ᬧᬸᬦᬶᬓᬸ᭞ᬤ᭄ᬯᬶᬚᬢᬶᬓᬧ᭄ᬯᬢᬲᬶᬭᬵ᭞ᬢ᭄ᬕᭂᬲ᭄ᬦ᭄ᬬᬧᬶᬂᬭᭀᬫᬜ᭄ᬚᬤ᭄ᬫᬶ᭟ᬭᬶᬓᬵᬮᬦᬶᬭᬫᬕᬸᬭ᭄ᬯᬵ᭞ᬥᬶᬓ᭄ᬱᬩ᭄ᬭᬢᬲᬂᬲ᭄ᬓᬭᬯᬸᬲ᭄ᬓᬺᬢᬶ᭞ᬲᬵᬫ᭄ᬧᬸᬦ᭄ᬯ᭄ᬭᬸᬄᬭᬶᬂᬧᬢᬶᬦᬶᬧᬸᬦ᭄᭞ᬬ
ᬳᬭᬦ᭄ᬧᬶᬂᬭ᭄ᬯᬳᬜ᭄ᬚᬤ᭄ᬫᬵ᭞ᬳᬶᬓᬂᬰᬸᬥ᭄ᬭᬵᬏᬓᬚᬢᬶᬧᬸᬦᬶᬓᬸ᭞ᬢᬦ᭄ᬯᭂᬦᬂᬩ᭄ᬭᬢᬲᬂᬲ᭄ᬓᬭᬵ᭞ᬓᬮᬶᬄᬮᬯᬦ᭄‌ᬩ᭄ᬭᬳ᭄ᬫᬵᬘᬭᬶ᭟ᬓᬥᬃᬫ᭄ᬫᬦᬶᬓᬂᬩ᭄ᬭᬳ᭄ᬫᬵᬡ᭞ᬫᬗ