Kaca puniki sampun kauji-wacén
[᭙᭗97B]
ᬓᬓᬪᬸᬓ᭄ᬢᬶ᭞ᬮᬦ᭄ᬫᬮᬶᬄᬭᬶᬂᬲᬸᬭᬮᭀᬓ᭞ᬓᬲᬸᬓᬦᬾᬫᬓᬓᬮᬶᬄ᭞ᬳᬗ᭄ᬓᭂᬧ᭄ᬤᬤ᭄ᬬᬂᬳᬲᬶᬓᬶ᭞ᬬᬦᬶᬂᬢᬶᬫ᭄ᬩᬂᬩᭀᬩᭀᬢ᭄ᬳᬶᬧᬸᬦ᭄᭞
ᬮᬯᬦ᭄ᬢᬾᬓᬦᬂᬲᬸᬓᬵ᭞ᬳᬦᬾᬦᬶᬗ᭄ᬕᬮᬢᬺᬱ᭄ᬡᬵᬯ᭄ᬬᬓ᭄ᬢᬶ᭞ᬯᬺᬢ᭄ᬦ᭄ᬬᬮᬗ᭄ᬓᬸᬂ᭞ᬳᭀᬯᬦ᭄ᬢ᭄ᬭᬱ᭄ᬡᬵᬓ᭄ᬱᬬᬲᬸᬓ᭟ᬲᬓᬾᬂᬓᬢᬺᬱ᭄ᬡᬦ᭄ᬧᬸᬦᬶᬓ᭞ᬮᭀᬪ
ᬦᬶᬥᭂᬧᬾᬬᬫᭂᬦ᭄ᬢᬶᬓ᭄᭞ᬢᬸᬫᬸᬯᬸᬄᬳᬶᬓᬂᬓᬮᭀᬪᬦ᭄᭞ᬫ᭄ᬢᬸᬩᬸᬤ᭄ᬥᬶᬧᬧᬵᬢᬦ᭄ᬲᬶᬧᬶ᭞ᬬᬦ᭄ᬥᬃᬫ᭄ᬫᬳᬦᬾᬓᬳᬾᬱ᭄ᬝᬶ᭞ᬦᭀᬭᬥᬃᬫ᭄ᬫᬤᬤᬶ
ᬦᬶᬧᬸᬦ᭄᭞ᬳᬦᬾᬫᬧᬮᬤᬸᬳ᭄ᬓ᭞ᬦᬗ᭄ᬳᬶᬂᬳᬯᬓ᭄ᬦ᭄ᬬᬳᬫᬸᬓ᭄ᬢᬶ᭞ᬮᬭᬲᬸᬗ᭄ᬲᬸᬢ᭄᭞ᬫᬢᬶᬳᬶᬤᬸᬧ᭄ᬓᬲᬗ᭄ᬰᬭᬦ᭄᭟ᬳᬶᬓᬂᬓᬮᭀᬪᬦ᭄ᬧᬸ
[᭙᭘98A]
ᬦᬶᬓᬵ᭞ᬳᬸᬫᬄᬧᬤᬸᬦᬸᬗᬦᬶᬓᬶᬂ᭞ᬲᬃᬯ᭄ᬯᬧᬧᬦᬾᬳᬶᬭᬶᬓ᭞ᬳᬧᬦᬶᬓᬂᬮᬩ᭄ᬥᬫᬮᬶᬄ᭞ᬓᬮᭀᬪᬦᬾᬜᬧᬸᬢᬶᬦ᭄᭞ᬲᬶᬦᬄᬧᬧᬵ
ᬳᬸᬮᬄᬳᬶᬧᬸᬦ᭄᭞ᬤᬤ᭄ᬬᬦ᭄ᬜᬢᬦ᭄ᬰᬦ᭄ᬢᭀᬱ᭞ᬳᬫᬗ᭄ᬕᬸᬄᬮᬭᬧ᭄ᬭᬶᬳᬢᬶ᭞ᬲᬬᬦ᭄ᬫᬯᬸᬯᬸᬄ᭞ᬧᬗᬯᬰᬦᬶᬂᬳᬶᬦ᭄ᬤ᭄ᬭᬶᬬ᭟ᬮᭀᬪᬗᬯᬾᬰ
ᬳᬶᬦ᭄ᬤ᭄ᬭᬶᬬᬵ᭞ᬓᬧ᭄ᬭᬚ᭄ᬜᬡᬦᬾᬢᬦ᭄ᬓᬭᬶ᭞ᬫᬶᬯᬄᬲᬮ᭄ᬯᬶᬃᬦᬶᬓᬂᬰᬵᬲ᭄ᬢ᭄ᬭ᭞ᬧᬗᬯ᭄ᬭᬸᬳᬾᬳᬶᬮᬂᬲᬫᬶ᭞ᬓᬤᬶᬓ᭄ᬭᬫᬦᬶᬂᬅᬚᬶ᭞ᬦᭀᬭᬲᬶᬤ᭄ᬥᬶᬨ᭠
ᬮᬦᬶᬧᬸᬦ᭄᭞ᬧᬸᬦᬄᬋᬋᬤ᭄ᬫᬓ᭄ᬚᬂ᭞ᬳᬲᬶᬂᬤᭂᬲᭂᬓ᭄ᬫᬗᬮᬳᬶᬦ᭄᭞ᬲᬫᬶᬢᬓᬸᬢ᭄᭞ᬭᬶᬲᬂᬮᭀᬪᬤ᭄ᬭᭀᬯᬓ᭟ᬧ᭄ᬭᬪᬯᬦᬶᬓᬂᬓᬮᭀᬪ
