Kaca:Bali-lontar-gaguritan-dharmmawisesa-01-350ppi.pdf/89

Saking Wikisource
Kaca puniki sampun kauji-wacén

[᭘᭘88B]
᭘᭘
ᬭᬳᬶᬤᬗᬗᭂᬦᬗᭂᬦ᭄᭞ᬕᬸᬡᬦᬦᬾᬢ᭄ᬮᬲ᭄ᬓᬪᬸᬓ᭄ᬢᬶ᭞ᬳᬾᬦᬓ᭄ᬦ᭄ᬬᬮᬦᬵᬬᬸᬦᬶᬧᬸᬦ᭄᭞ᬲᬮ᭄ᬯᬶᬃᬳᬦᬓᬾᬫᭀᬮᬶᬳᬂ᭞ᬓᬲᬫ᭄ᬧᬶᬗᬂ᭞
ᬓᬧᬶᬦᭂᬄᬕᬸᬡᬦᬶᬧᬸᬦ᭄᭞ᬤᬤᬶᬳᬶᬮᬂᬳᬗᭂᬦᬶᬧᬸᬶᬦᬶᬸᬭ᭞ᬤᬾᬦᬾᬦᬶᬭᬮᬗ᭄ᬕᭂᬂᬚᬢᬶ᭟ᬲᬗ᭄ᬓᬦ᭄ᬮᬭᬳᬧᬲᬳᬵ᭞ᬤᬾᬦᬶᬂᬳ
ᬗᭂᬦ᭄‌ᬭᬶᬂᬕᬸᬡᬮᬦᬕᭂᬂᬲᬶᬄ᭞ᬳᬾᬮᬶᬂᬳᬦᬾᬪᬸᬓ᭄ᬢ᭄ᬬᬵᬂᬲᬫ᭄ᬧᬸᬦ᭄᭞ᬫ᭄ᬢᬸᬧ᭄ᬭᬶᬳᬢᬶᬓᬲ᭄ᬩᭂᬢᬦ᭄᭞ᬬᬦ᭄ᬩᬮᬶᬓᬂ᭞ᬳᬮᬦ᭄ᬬᬤᭀᬱᬦᬶᬧᬸᬦ᭄᭞
ᬧᬸᬦᬶᬓᬵᬳᬗᭂᬦ᭄ᬳᬾᬮᬶᬗᬂ᭞ᬳᬲᬶᬄᬲᭂᬩᭂᬢᬾᬳᬶᬮᬂᬲᬫᬶ᭟ᬓᬦᬦᬶᬓᬂᬲᬃᬯ᭄ᬯᬤᬬ᭞ᬬᬦᬢᬸᬭᬸᬳᭂᬗ᭄ᬲᬧᬂᬫᬓᬲᬫᬶ᭞ᬬᬦ᭄ᬫᬗᬶᬧᬶᬓᬵᬮ
[᭘᭙89A]
ᬧᬸᬦᬶᬓᬵᬗ᭄ᬕᬯᬾᬳᬮ᭞ᬳᬧᬦᬶᬓᬂᬭᬚᬄᬢᬫᬳᬾᬲᬸᬫᬧᬸᬢ᭄᭞ᬬᬦ᭄ᬲᬂᬯ᭄ᬭᬸᬳᬶᬂᬲᬫ᭄ᬬᬵᬚ᭄ᬜᬦ᭞ᬳᬶᬭᬶᬓᬓᬍᬩᬸᬃᬲᬫᬶ᭟ᬧᬸᬦᬶᬓᬶᬮ
ᬭᬗᬦᬶᬭ᭞ᬲᬂᬫᬶᬲᬥ᭄ᬬᬫᬫᬾᬢ᭄ᬓᬂᬳᬬᬸᬚᬢᬶ᭞ᬓᬵᬮᬯ᭄ᬗᬶᬳᬚᬮᬸᬫᬓᬸ᭞ᬳᬬ᭄ᬯᬵᬢᬸᬭᬸᬭᬳᬶᬦ᭞ᬳ᭄ᬤᬫᬗᬾᬮᬶᬂᬳᬚᬢᭂᬍᬩ᭄ᬲᬗ᭄ᬕ
ᬫᬾᬓᬵᬳᬸ᭞ᬳᬚᬫᬦᬸᬯᬸᬓᬶᬦ᭄ᬢᬸᬯᬓ᭄᭞ᬢᬶᬗ᭄ᬓᬄᬭᬸᬲᬸᬄᬳ᭄ᬤᬫᬜᬗᬶᬤ᭄᭟ᬳ᭄ᬤᬢᬭᬗ᭄ᬭᬢᬶᬦ᭄ᬤ᭄ᬭᬶᬬ᭞ᬯᬾᬦ᭄ᬢᭂᬦ᭄ᬫᬮᬶᬄᬗᬺᬢ᭄ᬓᬳᬸᬦ᭄ᬳᬧᬂᬚᬢᬶ᭞᭠
ᬬᬦᭀᬭᬳᬺᬢ᭄ᬧᬸᬦᬶᬓᬸ᭞ᬤ᭄ᬕᬕ᭄ᬢᬾᬓᬂᬳᬶᬦ᭄ᬤ᭄ᬭᬶᬬ᭞ᬗᬸᬲᬓᬲᬶᬓ᭄‌ᬯᬶᬱᬬᬦᬾᬤᬸᬱ᭄ᬝᬮᬗ᭄ᬓᬸᬂ᭞ᬤᬤᬶᬦ᭄ᬜᬫᬧᬸᬯᬭᬳᬮ᭞ᬲᬶᬦᬄᬫ