[᭘᭔84B]
ᬫᬦ᭄ᬬ᭞ᬰᬓ᭄ᬢᬶᬦᬶᬂᬧᬸᬗ᭄ᬕᬂᬳᬶᬓᬵ᭞ᬬᬦ᭄ᬧᭂᬗ᭄ᬓᭂᬗᬾᬗᬮᬶᬧᬸᬢᬶᬦ᭄᭞ᬗᬯᭂᬢ᭄ᬯᬂᬳᬮ᭞ᬤᬤᬶᬮᬓ᭄ᬱᬡᬢᬦ᭄ᬩᭂᬘᬶᬓ᭄᭟ᬲᬗ᭄ᬓᬦᬶᬓᬂᬫᬦ᭄ᬫᬸᬲᬸᬓ
ᬵᬮᬯᬦ᭄ᬤᬸᬳ᭄ᬓ᭞ᬲᬓᬾᬂᬧᬸᬗ᭄ᬕᬸᬂᬫᬓᬃᬤ᭄ᬥᬶ᭞ᬧᭂᬗ᭄ᬓᬸᬗᬾᬲᬓᬾᬂᬮᭀᬪ᭞ᬓ᭄ᬭᬡᬮᭀᬪᬧᬸᬦᬶᬓᬵ᭞ᬲᬓᬶᬂᬧᭂᬗ᭄ᬓᬸᬂᬫᬗᬯᬶᬢᬶᬦ᭄᭞ᬲᬗ᭄ᬓᬦ᭄ᬲᬗ᭄ᬰ
ᬭ᭞ᬲᬓᬶᬂᬧᭂᬗ᭄ᬓᬸᬂᬗᬯᬶᬯᬶᬢᬶᬦ᭄᭟ᬳ᭄ᬤᬵᬳᬫ᭄ᬧᬄᬧ᭄ᬥᬲᬂᬦᬾᬫᬓ᭄ᬭᬡᬵ᭞ᬤᭀᬱ᭞ᬲᬓᬶᬂᬮᭀᬪᬬᬫᭂᬦ᭄ᬢᬶᬓ᭄᭞ᬳᬗ᭄ᬓᬭᬳᬚ᭄ᬜᬵᬦ᭞ᬜᬧᬓᬤᬶ
ᬳᬓᬸᬢ᭄ᬕᭂᬲ᭄ᬦ᭄ᬬ᭞ᬫᬕᬸᬮ᭄ᬓ᭄ᬯᬢ᭄ᬢ᭄ᬯᬓ᭄ᬢᬶ᭞ᬧᬸᬗ᭄ᬕᬸᬂᬲᬗ᭄ᬓᬦ᭄ᬬ᭞ᬧᬸᬦᬶᬓᬧᬶᬦᭂᬄᬧᬸᬗ᭄ᬕᭂᬮᬶᬦ᭄᭟ᬦᭂᬮᬳᬂᬧᭂᬗ᭄ᬓᬸᬂᬫᬲᬥᬦᬓᬧ᭄ᬭᬚ᭄ᬜᬦᬦ᭄᭞ᬗᬭᬦ᭄ᬢᬸ
[᭘᭕85A]
ᬢᬸᬭᬾᬍᬯᬶᬄ᭞ᬳᬶᬤᬲᬂᬧᬡ᭄ᬥᬶᬢ᭞ᬧ᭄ᬭᬚ᭄ᬜᬦ᭄ᬢᬫᬭᬶᬂᬢᬢ᭄ᬯ᭞ᬲᬶᬤ᭄ᬥᬗᭂᬦ᭄ᬢᬲ᭄ᬯᭀᬂᬮᬾᬦ᭄ᬢᬸᬯᬶ᭞ᬪᬯᬵᬃᬡ᭄ᬦᬯ᭞ᬫᬲᬥᬦᬩᭂᬦᬯᬶ᭟ᬧ᭄ᬭᬳᬸ
ᬓᬂᬯᬶᬦᬗᬸᬦ᭄ᬤᬾᬦᬶᬂᬓᬧ᭄ᬭᬚ᭄ᬜᬵᬦᬦ᭄᭞ᬬᬦᬶᬂᬲᬶᬧᭂᬗ᭄ᬓᬸᬂᬚᬢᬶ᭞ᬢᬦ᭄ᬲᬶᬤ᭄ᬥᬵᬩᬳᬦ᭄ᬜ᭞ᬳᬧᬦ᭄ᬢᬦ᭄ᬯ᭄ᬭᬸᬳᬶᬂᬢᬢ᭄ᬯ᭞ᬳᬯᬓ᭄ᬦ᭄ᬬᬢᬦ᭄ᬓᭂᬦ᭄ᬢᬲ᭄ᬯ᭄ᬭ᭄ᬬᬓ᭄ᬢᬶ᭞ᬓ
ᬮᬶᬂᬓᬾᬳ᭄ᬮᬾᬦᬦ᭄᭞ᬤᬤ᭄ᬬᬩ᭄ᬮᭀᬕᬾᬜᬓᬶᬢᬶᬦ᭄᭟ᬓᬤᬶᬳᬗ᭄ᬕᬦᬶᬂᬮᬸᬗ᭄ᬳᬵᬳᬤᭀᬄᬢᬦ᭄ᬧᬭᭀᬯᬂ᭞ᬩᬬᬤᬸᬄᬓᬵᬓᬧᬗ᭄ᬕᬶᬄ᭞ᬲᬶᬧᬸᬗ᭄ᬕᬸᬂ
ᬳᬦᬾᬂᬭᬢ᭄᭞ᬍᬯᬶᬄᬳᬕᬸᬂᬲᬗ᭄ᬰᬭᬦ᭄ᬬ᭞ᬲᬗ᭄ᬓᬦ᭄ᬬᬲᬶᬧ᭄ᬭᬚ᭄ᬜᬦ᭄ᬍᬯᬶᬄ᭞ᬗᬶᬦᬓ᭄ᬭᬶᬂᬢᬢ᭄ᬯᬵ᭞ᬲᬶᬭᬯᬶᬰᬾᬱᬚᬢᬶ᭟ᬲᬶᬧᬸᬗ᭄ᬕᬸᬂᬫᬦᬄᬦ᭄ᬬ
Kaca:Bali-lontar-gaguritan-dharmmawisesa-01-350ppi.pdf/85
Kaca puniki sampun kauji-wacén
