Kaca:Bali-lontar-gaguritan-dharmmawisesa-01-350ppi.pdf/80

Saking Wikisource
Kaca puniki sampun kauji-wacén

[᭗᭙79B]
᭗᭙
ᬍᬯᬶᬄ᭟ᬢᬦ᭄ᬳᬦᬧ᭄ᬭᬲᬶᬤ᭄ᬥᬓᬯᬾᬳᬦᬶᬂᬓᬃᬬ᭄ᬬᬵ᭞ᬮᬾᬦ᭄ᬲᬓᬾᬂᬫᬺᬢ᭄ᬬᬸᬳᬶᬓᬶ᭞ᬗᬺᬲ᭄ᬋᬱᬶᬦ᭄ᬓᬮᬶᬦ᭄ᬢᬂ᭞ᬲᬗ᭄ᬓᬦ᭄ᬲᬺᬓᬂᬕᬢ᭄ᬬᬂ᭞ᬥᬃᬫ᭄ᬫᬲᬥᬦᬓᬃᬬ᭄ᬬ
ᬦᬶᬦ᭄᭞ᬓᬤ᭄ᬬᬵᬯᭀᬳ᭄ᬯᭀᬳᬦ᭄᭞ᬳᬮᬸᬂᬦ᭄ᬬᬓᬂᬳᬶᬦᬦ᭄ᬢᬶ᭟ᬗ᭄ᬳᬶᬂᬢᬶᬦᬸᬢᬶᬂᬫᬺᬢ᭄ᬬᬸᬨᬮᬓᬃᬫ᭄ᬫᬦᬾᬧ᭄ᬘᬓ᭄᭞ᬜᬦ᭄ᬢᭀᬲᬶᬂᬢᬸᬤᬸᬄᬕᬦ᭄ᬢᬶ᭞ᬚᬧᬶᬲ᭄ᬬᬸ
ᬓ᭄ᬦᬶᬧᬦᬄ᭞ᬤᬸᬭᬸᬂᬳ᭄ᬬᬗ᭄ᬫᬲᬶᬦ᭄ᬧ᭄ᬚᬄ᭞ᬦᬗ᭄ᬳᬶᬂᬬᬦ᭄ᬕᬦ᭄ᬢᬶᬧᬸᬶᬦᬾᬧ᭄ᬭᬧ᭄ᬢᬶ᭞ᬢ᭄ᬯᬶᬕᭀᬭᬢ᭄ᬧᬥᬂ᭞ᬤᬤ᭄ᬬᬫᬗᭂᬫᬲᬶᬦ᭄ᬫᬢᬶ᭟ᬳᬶᬲᬶᬦ᭄ᬜᬳᬶᬤᬸᬧᬾᬤᬤᬶᬚᬦ᭄ᬫᬵ᭞ᬳᬸ
ᬬᭂᬂᬮᬭᬧ᭄ᬭᬶᬳᬢᬶ᭞ᬢᬦᬸᬭᬸᬂᬧ᭄ᬘᬂᬧ᭄ᬚᬄ᭞ᬯᬦ᭄ᬢᬄᬓᬾᬢᭀᬓ᭄ᬭᬫᬦ᭄ᬬ᭞ᬤ᭄ᬫᭂᬦᬾᬳ᭄ᬤᬫᬗᬸᬮᬸᬭᬶᬦ᭄᭞ᬫᬲᬶᬄᬚᬗ᭄ᬓᬬᬂ᭞ᬗᬸᬢᬂᬲᬸᬓᬵᬳᬭᬦᬾᬓᬶ
[᭘᭐80A]
᭟ᬢᬂᬫᬺᬢ᭄ᬬᬸᬫ᭄ᬳᭀᬫ᭄ᬢᬸᬲᬃᬯ᭄ᬯᬵᬫᬸᬭᬶᬧᬾᬫᬓ᭄ᬚᬂ᭞ᬭᬶᬂᬧᬢᬸᬭᭀᬦ᭄ᬮᬦ᭄ᬧᬵᬮᬶᬗ᭄ᬕᬶᬄ᭞ᬭᬶᬂᬚᬮᬦ᭄ᬓᬵᬮᬫᬗᬦ᭄᭞ᬓ᭄ᬢᬸᬢ᭄ᬩᬸᬭᬶᬲᬢᬢ᭞ᬳᬸᬧᬫᬶᬜᬓᬶ
ᬢᬫᬗ᭄ᬓᬶᬦ᭄᭞ᬲᬓ᭄ᬱᬢᬳᬶᬯᬓ᭄᭞ᬲᬫ᭄ᬧᬸᬦ᭄ᬬᬫᬯᬤᬄᬤᬸᬗ᭄ᬓᬶ᭟ᬲᬶᬭᬄᬩᬓᬮ᭄ᬫᬳᬦ᭄ᬗᭂᬦ᭄ᬢᬲᬶᬦ᭄ᬓᬮᬦ᭄᭞ᬮᬶᬯᬢᬶᬂᬲᭂᬗ᭄ᬓᬵᬲᬸᬮᬶᬢ᭄᭞ᬢᭀᬂᬤᬤᬶ
ᬭᬾᬭᬾᬦᬦ᭄᭞ᬦ᭄ᬤᬢᬦ᭄ᬫᬓ᭄ᬢᬕᬕᬯᬦ᭄᭞ᬩ᭄ᬯᬶᬦ᭄ᬢᬸᬲᬶᬂᬳᬤᬓ᭄ᬤᭂᬢᬶᬦ᭄᭞ᬢᬸᬗ᭄ᬓᭂᬤᬾᬳᬦ᭄ᬤᭂᬮᬂ᭞ᬲᬮ᭄ᬯᬶᬃᬦ᭄ᬬᬲᬸᬯᬸᬂᬲᭂᬧᬶ᭟ᬧ᭄ᬢᭂᬂᬤᭂᬤᭂᬢ᭄‌ᬢᬦ᭄ᬓᬢᭀᬦ᭄ᬚᬕ
ᬢ᭄ᬤᬶᬢᬸᬫᭂᬦ᭄ᬢᬲ᭄᭞ᬤᬾᬯᬾᬓ᭄ᬢᭀᬂᬳᬤᬓᬦ᭄ᬢᬶ᭞ᬳᭂᬗ᭄ᬲᭂᬓ᭄ᬢᬦ᭄ᬧᬤᬬ᭞ᬤᬶᬢᬸᬳᬧᬦᬾᬳᬗᭂᬦ᭄᭞ᬯᬸᬲᬥᬦᬧᬹᬃᬡ᭄ᬬᬓᬃᬫ᭄ᬫᬶ᭞ᬮᬦ᭄ᬧ᭄ᬭᬫᬵᬳᬚ᭄ᬜᬦ