Kaca:Bali-lontar-gaguritan-dharmmawisesa-01-350ppi.pdf/73

Saking Wikisource
Kaca puniki sampun kauji-wacén

[᭗᭒72B]
ᬧᬸᬳᬭᬤᬤᬶᬮᬾᬥᬂ᭞ᬫᬭᬶᬂᬲᬂᬤᬸᬃᬚ᭄ᬚᬦᬾᬂᬩᬸᬤ᭄ᬥᬶ᭟ᬲᬂᬤᬸᬃᬚ᭄ᬚᬦᬢᬶᬗ᭄ᬓᬄᬳᬶᬧᬸᬦ᭄᭞ᬚᬯᬢ᭄ᬲᬩᬢᬸᬦ᭄ᬓᬲᬯᬶ᭞ᬤᭀᬱᬦ᭄ᬲᬂᬲᬥᬸᬧᬸᬦᬶ
ᬓᬵ᭞ᬗᬶᬮᬶᬲ᭄ᬓᬢᭀᬦ᭄ᬤᬾᬦ᭄ᬬᬚᬢᬶ᭞ᬲᬢᭀᬄᬩᬶᬮᬤᭀᬱᬦᬶᬭ᭞ᬢᬦ᭄ᬓᬋᬗᭃᬚᬯᬢ᭄ᬓᬧᬗ᭄ᬕᬶᬄ᭟ᬲᬸᬓᬵᬋᬡᬢᬲᬂᬲᬥᬸ᭞ᬬᬢ᭄ᬦᬵᬪ
ᬓ᭄ᬢᬶᬦᭂᬫ᭄ᬩᬄᬫᬭᬶᬂ᭞ᬲᬂᬧᬸᬢᬸᬲᬶᬂᬧᬡ᭄ᬥᬶᬢᬳᬢ᭄ᬯᬵ᭞ᬗ᭄ᬳᬶᬂᬤᬸᬃᬚ᭄ᬚᬦᬦᭀᬭᬪᬓ᭄ᬢᬶ᭞ᬮᬶᬯᬢ᭄ᬧᬭᬶᬓ᭄ᬭᬫᬦᬶᬭ᭞ᬤᬤ᭄ᬬᬢ᭄ᬮᬲ᭄ᬲᬸᬓᬦᬶᬂᬳᬢᬶ᭟ᬲᬗ
ᬲᬸᬕᬶᬄᬤᬳᬢ᭄ᬯᬶᬩᬸᬄ᭞ᬢᬦ᭄ᬫᬗ᭄ᬕᬯᬾᬥᬦᬪᬓ᭄ᬢᬶ᭞ᬩᭂᬮᭀᬕ᭄ᬢᬶᬯᬲ᭄ᬧᭂᬗ᭄ᬓᬸᬂᬮᭀᬪ᭞ᬧᬗᭂᬫ᭄ᬧᬸᬦᬶᬂᬓᬥᬂᬯᬃᬕ᭄ᬕᬶ᭞ᬦ᭄ᬤᬢᬦ᭄ᬯ᭄ᬭᬸᬄᬫᬭᬶᬂᬰᬵᬲ᭄ᬢ᭄ᬭ᭞
[᭗᭓73A]
ᬫᬓᬵᬢ᭄ᬮᬸ᭞ᬳᬸᬥᬾᬂᬳᬢᬶ᭟ᬳᬦᬢᬯ᭄ᬯᬂᬓ᭄ᬭᬫᬦᬶᬧᬸᬦ᭄᭞ᬕᬮᬓ᭄ᬜᬘᬤ᭄ᬢᬶᬗ᭄ᬓᬄᬧ᭄ᬮᬶᬄ᭞ᬫᬲᬶᬄᬫᬶᬮᬸᬫᬜᬮᬦᬂ᭞ᬧ᭄ᬤᬶᬄᬭᬶᬂᬢᬦ᭄ᬯᭂᬦᬧ᭄ᬤᬶᬳᬶᬦ᭄
᭞ᬤᬸᬳ᭄ᬓᬫᬭᬶᬂᬲᬂᬓᬯᬰ᭞ᬮᬶᬦ᭄ᬢᬂᬫᬸᬥᬚᬦ᭄ᬫᬵᬳᬶᬓᬶ᭟ᬳᬶᬥᭂᬧᬶᬂᬯ᭄ᬯᬂᬧᬧᬵᬳᬶᬓᬸ᭞ᬬᬦᬶᬂᬫᭀᬚᬃᬳᬮᬸᬲ᭄ᬫᬦᬶᬲ᭄᭞ᬭᬶᬓᬵᬮᬦᬶᬂᬬᬧᬓᬾᬯᭂᬄ᭞
ᬭᬶᬂᬲᬗ᭄ᬓᬦ᭄ᬜᬦᬾᬢᬦᬾᬮᬶᬂ᭞ᬬᬦ᭄ᬧᬦ᭄ᬤᬸᬓᬂᬍᬯᬶᬄᬢᬂᬫᬲ᭄᭞ᬳᬮᬄᬭᬶᬂᬲ᭄ᬭᬯᬤ᭄ᬩ᭄ᬯᬢ᭄ᬜᬗᬶᬄ᭟᭜᭟ᬢᭂᬫ᭄ᬩᬂᬤᬸᬃᬫ᭄ᬫᬵ᭟ᬢᬦ᭄ᬫᬸᬦ᭄ᬤᬸᬃᬧᬸᬧᬸᬳᬾᬫᬗ᭄ᬓᬶ
ᬦ᭄ᬯᬮᬶᬬᬂ᭞ᬓᬤᬶᬓᬂᬗᬸᬦᬶᬚᬢᬶ᭞ᬲᬫ᭄ᬧᬸᬦ᭄ᬳᬦ᭄ᬫᬸᬕ᭄ᬮᬂ᭞ᬧᬶᬂᬦᭂᬫ᭄ᬕᬦ᭄ᬢᬶᬕᬶᬦᬵᬦ᭄ᬢ᭄ᬬ᭞ᬧᬗ᭄ᬓᬸᬃᬲᬶᬦᭀᬫ᭄ᬥᬂᬥᬂᬕᭂᬡ᭄ᬥᬶᬲ᭄᭞ᬲ᭄ᬫᬭᬦ᭄ᬤᬦ᭞ᬓᬢᬄᬢ᭄ᬓᬦᬶᬂᬓᬭᬶ᭟

Kapolihang saking "https://ban.wikisource.org/w/index.php?title=Kaca:Bali-lontar-gaguritan-dharmmawisesa-01-350ppi.pdf/73&oldid=31132"