[᭖᭙69B]
ᬦᬸᬢ᭄ᬦ᭄ᬬᬵ᭞ᬤᬸᬃᬕᬫᬗᬺᬲ᭄ᬋᬲᬾᬂᬳᬢᬶ᭟ᬲᬂᬫᬗᬸᬮᬄᬧᬧᬵᬳᬶᬓᬸ᭞ᬫᬭᬶᬂᬳᬯᬓ᭄ᬢᬢᬦᬲᬶᬄ᭞ᬤᭀᬦᬶᬂᬳᬯᬓ᭄ᬗᬃᬤ᭄ᬥᬶᬳᬮ᭞ᬳᬯᬓ᭄ᬦ᭄ᬬᬚᬸᬕ
ᬳᬫᬸᬓ᭄ᬢᬶ᭞ᬫᬸᬧᬸᬨᬮᬦᬶᬓᬵᬓᬃᬫ᭄ᬫ᭞ᬧᬧᬵᬦ᭄ᬭᬓᬲ᭄ᬤᬶᬄᬓᬶᬂᬓᬶᬂ᭟ᬦᬶᬫ᭄ᬦᬶᬱ᭄ᬝᬦᬶᬂᬚᬦ᭄ᬫᬳᬶᬓᬸ᭞ᬯᭀᬂᬳᬶᬓᬗ᭄ᬕᬯᬾᬧᬜᬓᬶᬢ᭄᭞ᬚᬦ᭄ᬫᬳᬚᬸᬫ᭄
ᬧᬭᬶᬘᬾᬤ᭄ᬥᬵ᭞ᬲᬂᬓᬺᬂᬗᬮ᭄ᬬᬓ᭄ᬫᬮᬶᬄ᭞ᬕᭂᬂᬲ᭄ᬫᬭᬓᬺᬂᬭᬶᬂᬢ᭄ᬯᬓ᭄᭞ᬦ᭄ᬤᬢᬦ᭄ᬧᬕᭂᬄᬫᬗᬸᬪᬓ᭄ᬢᬶ᭟ᬓ᭄ᬭᬫᬦᬶᬂᬯ᭄ᬯᬂᬦᭂᬫᬾᬧᬸᬦᬶᬓᬸ᭞ᬧᬕᬸᬦᭂᬫ᭄ᬮᬦ᭄ᬧᬧᬵᬓᬃᬫ᭄ᬫᬶ᭞ᬗ᭄ᬮ
ᬮᬳᬶᬦ᭄ᬤᭀᬱᬦᬶᬓ᭞ᬓᬤ᭄ᬬᬵᬗ᭄ᬕᬦᬶᬂᬢᬭᬸᬳᬸᬭᬶᬧ᭄᭞ᬫᬶᬮᬸᬕ᭄ᬲᭂᬂᬬᬦ᭄ᬫᬓᭀᬲᭀᬤ᭄᭞ᬮᬯᬦᬶᬓᬂᬢᬭᬸᬳᬓᬶᬂ᭟ᬳ᭄ᬤᬫᬦ᭄ᬢᬶᬫᬓᬫ᭄ᬧᬸᬂ᭞᭠
[᭗᭐70A]
ᬮᬯᬦ᭄ᬚᬦ᭄ᬫᬳᬮᬓᬃᬫ᭄ᬫᬶ᭞ᬫᬮᬶᬄᬗ᭄ᬮᬯᬦᬵᬢᬸᬓᬵᬭ᭞ᬯ᭄ᬯᬂᬤᬸᬃᬚᬦᬬᬦᬸᬧᬫᬶ᭞ᬤᬤ᭄ᬬᬵᬋᬕᭂᬤ᭄ᬲᬶᬦᬶᬮᬧᬦ᭄᭞ᬦᬧᬶᬫᬮᬶᬄᬕᬸᬢ᭄ᬕᬸᬢ᭄ᬘᬶᬘᬶᬂ
᭟ᬳᬶᬓᬂᬤᬸᬃᬚ᭄ᬚᬦᬧᬸᬦᬶᬓᬵᬧᬢᭂᬄᬓᬤᬶᬢᬶᬗ᭄ᬓᬄᬤᬸᬭᬶ᭞ᬤᬤ᭄ᬬᬵᬤᬬᬦᬾᬕ᭄ᬮᬭᬂ᭞ᬤᬤᬸᬧᬓᬶᬦ᭄ᬫᬶᬯᬄᬓ᭄ᬮᬶᬤᬶᬦ᭄᭞ᬳ᭄ᬚᭀᬳᬶᬦᬶᬓᬲᬂᬤᬸᬃᬚ᭄ᬚᬦᬵ᭞
ᬫ᭄ᬫ᭄ᬯᬂᬫᬸᬲᬸᬳᬶᬦᬧᬂᬚ᭄ᬭᬶᬄ᭟ᬯ᭄ᬯᬂᬤᬸᬃᬚ᭄ᬚᬦᬳ᭄ᬤᬗ᭄ᬕᬸᬕᬸ᭞ᬚᬧᬶᬦᬸᬗ᭄ᬓᬸᬮ᭄ᬲᬓᬶᬂᬮᬫᬶ᭞ᬳᬚᬳᬶᬦ᭄ᬫᬶᬯᬄᬲᬬᬗᬂ᭞ᬳᬸᬧᬫᬶᬓᬤᬶᬮᬮᬶᬧᬶ᭞ᬮᬯᬢ᭄ᬳᬸᬭᬸᬓ᭄
ᬲᬓᬶᬂᬮᬯᬲ᭄᭞ᬤᬶᬳᬶᬗᭂᬦᬾᬬᬫᬗᬸᬢᬶᬮ᭄᭟ᬚᬦ᭄ᬫᬦᬶᬘ᭄ᬙᬵᬓ᭄ᬭᬫᬦᬶᬧᬸᬦ᭄᭞ᬬᬦ᭄ᬗᬢᭀᬦᬂᬳᬦᬓ᭄ᬍᬯᬶᬄ᭞ᬧ᭄ᬭᬦᬫ᭄ᬬᬢᬸᬫᬸᬗ᭄ᬓᬸᬮᬵ᭞ᬳ
Kaca:Bali-lontar-gaguritan-dharmmawisesa-01-350ppi.pdf/70
Kaca puniki sampun kauji-wacén
