Kaca:Bali-lontar-gaguritan-dharmmawisesa-01-350ppi.pdf/69

Saking Wikisource
Kaca puniki sampun kauji-wacén

[᭖᭘68B]
᭖᭘
ᬧᬂᬬᬢ᭄ᬦᬵᬲᬢᬸᬗ᭄ᬕᬸᬦᬶᬤᬸᬧ᭄᭞ᬗᬮᬶᬄᬳᬫ᭄ᬩᬄᬦᬾᬦᬾᬩ᭄ᬘᬶᬓ᭄᭞ᬗᬮᬶᬄ᭞ᬫ᭄ᬦᬾᬓ᭄ᬲᭂᬗ᭄ᬓᬵᬧᬶᬲᬦ᭄᭞ᬢᬶᬗ᭄ᬓᬄᬗᬮᬶᬄᬧᬸᬜ᭄ᬘᬓ᭄ᬩᬓᬶᬢ᭄᭞ᬜ᭄ᬩᬸᬭᬶᬦ᭄ᬧ
ᬗ᭄ᬓᬸᬂᬤᬗᬦ᭄ᬧᬶᬲᬦ᭄᭞ᬧ᭄ᬢᭂᬂᬓᬢᭀᬦ᭄ᬮᬸᬤᬶᬦ᭄ᬲᬓᬶᬢ᭄᭟ᬳᬧᬦ᭄ᬲᬂᬫᬓᬃᬫ᭄ᬫᬵᬳᬬᬸ᭞ᬢ᭄ᬓᬦᬶᬭᬲᬓᬶᬂᬲ᭄ᬯᬃᬕ᭄ᬕᬶ᭞ᬬᬦᬶᬂᬫᬭᬾᬫᬺᬘᬧᬤ᭞ᬢᬶᬗ᭄ᬓᬄᬩ᭄ᬘᬶᬓ᭄ᬗᬭᬦ᭄ᬓᬶᬃ
ᬢ᭄ᬢᬶ᭞ᬗ᭄ᬕᬯᬾᬳᬬᬸᬧᬕᭂᬄᬲᬢᬢ᭞ᬬᬗᬭᬦ᭄ᬫᬦᬹᬱᬵᬚᬢᬶ᭞ᬳᬶᬓᬂᬓᬶᬃᬢ᭄ᬢᬶᬲᬓ᭄ᬱᬢ᭄ᬳᬶᬩᬸ᭞ᬲᬓᬾᬂᬉᬭᬶᬧ᭄ᬢᭂᬓᬭᬶᬂᬧᬢᬶ᭞ᬦ᭄ᬤᬢᬦᬶᬮᬂᬓᬶᬃᬢ᭄ᬢᬶᬦᬶ
ᬭ᭞ᬲᬂᬤᬸᬃᬬᬰᬲᬫᬦᬶᬂ᭞ᬫᬺᬢ᭄ᬬᬸᬳᬶᬓᬂᬗ᭄ᬕᬯᬾᬮᬭ᭞ᬫᬢᬶᬳᬶᬤᬸᬧ᭄ᬓᬲᬓᬶᬢᬶᬦ᭄᭟ᬬᬫᬗ᭄ᬕᬫᭂᬮ᭄ᬓᬶᬃᬢ᭄ᬢᬶᬳᬬᬸ᭞ᬳ᭄ᬤᬤ᭄ᬭᭀᬯᬓᬭᬶᬂᬓᬓᬲᬶᬄ᭞᭠
[᭖᭙69A]
ᬭᬶᬂᬓᬡ᭄ᬝᬶᬮᬦ᭄ᬳᭂᬦᬾᬧᬃᬘ᭄ᬘᬬ᭞ᬭᬶᬂᬲᬂᬫᬯᬾᬄᬗᬶᬤᬶᬄᬦᬲᬶ᭞ᬗᭂᬧᬾᬢ᭄‌ᬧᬢᬶᬗᬭᬦ᭄‌ᬤ᭄ᬭᭀᬯᬓ᭞ᬓᬺᬢᬖ᭄ᬦᬵᬧᬧᬍᬯᬶᬄ᭟ᬩ᭄ᬭᬳ᭄ᬫᬵᬖ᭄ᬦᬵᬗᬭ
ᬦᬶᬧᬸᬦ᭄᭞ᬲᬂᬩ᭄ᬭᬳ᭄ᬫᬵᬡᬓᬵᬧᬢᬾᬓᬦᬶᬦ᭄᭞ᬮᬦ᭄ᬗᬶᬮᬗᬂᬩ᭄ᬭᬳ᭄ᬫᬵᬫᬦ᭄ᬢ᭄ᬭ᭞ᬪᬖ᭄ᬬᬵᬩ᭄ᬭᬢᬗᬭᬦᬾᬓᬶ᭞ᬚᬦ᭄ᬫᬵᬳᬶᬓᬂᬗᬼᬩᬸᬃᬩ᭄ᬭᬢ᭞ᬲᬸᬭᬲᬂᬗᬶᬦᬸᬫ᭄ᬢ᭄ᬯᬓ᭄ᬫᬮᬶᬄ
᭟ᬮᬦ᭄ᬘᭀᬭᬄᬲᬫᬶᬧᬸᬦᬶᬓᬸ᭞ᬧᬧᬦᬶᬭᬮᬗ᭄ᬓᬸᬂᬍᬯᬶᬄ᭞ᬗ᭄ᬳᬶᬂᬳᬦᬫᬫ᭄ᬭᬬᬰ᭄ᬘᬶᬢ᭞ᬓᬺᬢᬖ᭄ᬦᬵᬫᬸᬗ᭄ᬕᬸᬳᬾᬂᬳᬃᬱᬶ᭞ᬢᬦ᭄ᬧᬢᬫ᭄ᬩᬵᬧᬦᬶᬭ᭞ᬬᬤᬶᬦ᭄
ᬧᬶᬦ᭄ᬭᬬᬰ᭄ᬘᬶᬢᬍᬯᬶᬄ᭟ᬯ᭄ᬯᬂᬫᬳᬮᬩᬸᬤ᭄ᬥᬶᬦᬶᬧᬸᬦ᭄᭞ᬫᬭᬭᬶᬲᬂᬩᬸᬤ᭄ᬥᬶᬲᬸᬘᬶ᭞ᬤ᭄ᬫᬦ᭄ᬬᬗ᭄ᬕᬯᬾᬧᬧ᭞ᬓ᭄ᬭᬫᬦᬶᬓᬂᬧᭀᬂᬧᬸᬦᬶᬓᬶ᭞ᬫᬃᬕ᭄ᬕᬦ᭄ᬓᬯᬳᬾᬢᬶ