[᭕᭙59B]
᭕᭙
ᬦᬸᬮᬸᬲ᭄᭞ᬗ᭄ᬕᬯᬾᬲᬸᬓᬢᬺᬱ᭄ᬡᬦᬶᬂᬯ᭄ᬯᬂ᭟ᬳ᭄ᬤᬗᬸᬢᬂᬫᬰᬲᬳᬶ᭞ᬗᬮᬶᬄᬧᬶᬓᭀᬮᬶᬳᬾᬢᬶᬕ᭞ᬥᬃᬫ᭄ᬫᬵᬅᬃᬣᬮᬦ᭄ᬓᬫᬦᬾ᭞ᬳᬧᬂᬲᬚᬩᬦ᭄ᬜ
ᬮᬦᬂ᭞ᬳᭂᬦᬾᬧᬢᬸᬢ᭄ᬧᬸᬘᬸᬓᬂ᭞ᬥᬶᬳᬶᬥᬸᬧᬾᬤᬓᬢᬸᬗ᭄ᬓᬸᬮ᭄᭞ᬢᬓᬸᬢ᭄ᬓᬲᬾᬧ᭄ᬕᭂᬮᬶᬲᬦ᭄ᬧ᭄ᬚᬄ᭟ᬲᬢᬦ᭄ᬫᬤ᭄ᬭᬸᬯᬾᬧᬓᬾᬃᬢ᭄ᬢᬶ᭞ᬓᬲᬶ
ᬤ᭄ᬥᬦᬶᬂᬥᬃᬫ᭄ᬫᬅᬃᬣ᭞ᬓᬫᬵᬫᬶᬯᬄᬓᬲ᭄ᬫᭀᬓ᭄ᬱᬦᬾ᭞ᬳᬗᭂᬦ᭄ᬫᬭᬾᬂᬓᬳᬸᬭᬶᬧᬦ᭄᭞ᬲᬢᬢᬗᬶᬗᬸᬳᬯᬓ᭄᭞ᬲᬸᬩᬫᭀᬓᭀᬄᬧᬲᬘᬂᬓᬵᬢᬸᬃ᭞
ᬭᬶᬂᬳᬶᬤᬲᬂᬓᬮᬵᬦ᭄ᬢᬓᬵ᭟ᬲᬗ᭄ᬓᬦ᭄ᬓᬲᬸᬕ᭄ᬬᬦᬾᬚᬦᬶ᭞ᬢᬶᬗ᭄ᬕᬮᬂᬧᬢᬸᬢ᭄ᬥᬦᬬᬂ᭞ᬧᬶᬮᬶᬄᬧᬶᬮᬶᬄᬫᬲᬶᬄᬫᬯᬾᬄ᭞ᬓᬬᬾᬓᬪᭀᬕᬧ
[᭖᭐60A]
ᬪᭀᬕ᭞ᬮᬦ᭄ᬲᬮ᭄ᬯᬶᬃᬭᬦᬶᬂᬯᬶᬱᬬ᭞ᬪᬸᬓ᭄ᬢᬶᬲᬳᬾᬦᬓᬶᬂᬓᬬᬸᬦ᭄᭞ᬧᬦ᭄ᬫᬺᬢ᭄ᬬᬸᬢᬦ᭄ᬓᭂᬦᬾᬂᬢᬸᬮᬓ᭄᭟ᬤᬾᬦᬶᬂᬓ᭄ᬭᬫᬦᬶᬓᬂᬚᬦ᭄ᬫᬶ᭞ᬲᬸᬓᬫᬗ᭄ᬓᬾᬦ᭄ᬭ
ᬓᬭᬶᬯ᭄ᬓᬲ᭄᭞ᬯ᭄ᬓᬲᬦ᭄ᬲᬸᬓᬦ᭄ᬭᬓᬫᬗ᭄ᬓᬾ᭞ᬲᬸᬓᬫᬗ᭄ᬓᬾᬲᬸᬓᬭᬶ᭠ᬯ᭄ᬓᬲ᭄᭞ᬧᬶᬮᬶᬳᬶᬦ᭄ᬢᬂᬚᬮᬦ᭄ᬚᬢᬸᬃ᭞ᬳᬧᬂᬲᬚᬩᬦ᭄ᬜᬮᬦᬂ᭟ᬓᬧ᭄ᬭᬢᬵ
ᬫᬦᬶᬂᬧᬫᬃᬕ᭄ᬕᬶ᭞ᬚᬦ᭄ᬫᬲᬸᬳᬶᬄᬢᬦ᭄ᬧᬳᬶᬗᬦ᭄᭞ᬲᭀᬓ᭄ᬓᬪᬸᬓ᭄ᬢᬶᬮᬦᬶᬗᬗ᭄ᬕᬾ᭞ᬧᬶᬮᬶᬳᬶᬦ᭄ᬢᬂᬚᬮᬦ᭄ᬚᬢᬸᬃᬃ᭞ᬳᬧᬂᬲᬚᬩᬦ᭄ᬜᬮᬦᬂ᭟ᬓ᭄ᬭᬢᬵ
ᬫᬦᬶᬂᬧᬫᬃᬕ᭄ᬕᬶ᭞ᬚᬦ᭄ᬫᬲᬸᬕᬶᬄᬢᬦ᭄ᬧᬳᬶᬗᬦ᭄᭞ᬲᭀᬓ᭄ᬓᬪᬸᬓ᭄ᬢᬶᬮᬦᬶᬗᬗ᭄ᬕᬾ᭞ᬳᬦᬫᬮᬶᬄᬓᬫᬃᬕ᭄ᬕᬬᬂ᭞ᬳᬲᬥᬦᬥᬃᬫ᭄ᬫᬵᬓ᭄ᬭᬶᬬ᭞ᬧ᭄ᬭᬯᬺ
ᬢ᭄ᬢᬶᬦ᭄ᬚᬦ᭄ᬫᬧᬸᬦᬶᬓᬸ᭞ᬲᬸᬓᬵᬦᬭᬓᬭᬶᬯ᭄ᬓᬲ᭄᭟ᬳᬦᬯ᭄ᬯᬂᬢᬦ᭄ᬲᬄᬳᬲᬫᬥᬶ᭞ᬚ᭄ᬦᭂᬓ᭄ᬗᬫᬃᬕ᭄ᬕᬶᬬᬂᬢᬧ᭞ᬲᬤᬶᬦᬦᭀᬭᬚᬓᬲᬾᬧ᭄᭞
Kaca:Bali-lontar-gaguritan-dharmmawisesa-01-350ppi.pdf/60
Kaca puniki sampun kauji-wacén
