Kaca puniki sampun kauji-wacén
[᭕᭒52B]
ᬲᬳᬸᬃ᭞ᬧᬾᬢᭂᬦ᭄ᬢᬬᬦᬶᬂᬤᬸᬳ᭄ᬓᬦ᭄ᬬ᭞ᬳᬮᬧᬦᬳᬢᬶᬦ᭄ᬬᬲᬸᬓᬵᬢᬺᬱ᭄ᬡᬵᬲᬶᬄ᭞ᬤᬃᬰ᭄ᬰᬡᬵᬗᬾᬦᬓᬶᬂᬘᬶᬢ᭄ᬢ᭟ᬳᬚᬗᬸᬧᭂᬢ᭄ᬫᬭᬶᬂᬕᬸᬭᬸᬳᬚᬶ᭞
ᬧ᭄ᬭᬤᬾᬦᬾᬲᬮᬄᬳᬸᬮᬳᬦᬶᬭ᭞ᬧ᭄ᬭᬦᬫ᭄ᬬᬵᬲᭀᬧᬓᬭᬦᬾ᭞ᬓᬲᬶᬤ᭄ᬥᬦᬶᬂᬳᬗ᭄ᬕᬸᬭᬸ᭞ᬬᬦᬶᬂᬧ᭄ᬭᬘᬾᬤ᭄ᬥᬕᬸᬭᬸᬳᬚᬶ᭞ᬫᬓ᭄ᬭᬡᬘᭂᬦ᭄ᬤᭂᬢ᭄
ᬬᬸᬱ᭞ᬧᬧᬦ᭄ᬭᬓᬵᬓᬢ᭄ᬫᬸ᭞ᬬᬦ᭄ᬲᬂᬧᬕᭂᬄᬲ᭄ᬣᬶᬢᬶᬪᬓ᭄ᬢ᭄ᬬ᭞ᬭᬶᬂᬩᬧᬾᬩᬸ᭞ᬲᬫᬮᬯᬦᬶᬂᬫᬩᬺᬲᬶᬄ᭞ᬢᬧᬲᬢ᭄ᬬᬮᬦ᭄ᬥᬃᬫ᭄ᬫ᭟ᬬᬦ᭄ᬢᬶᬫ᭄ᬩᬂᬲᬂ
ᬳᬶᬩᬸᬩᭀᬩᭀᬢᬾᬍᬩᬶᬄ᭞ᬮᬯᬦ᭄ᬩᭀᬩᭀᬢ᭄ᬓᬩ᭄ᬯᬢᬦᬶᬂᬢᬤᬄ᭞ᬢᬃᬓ᭄ᬦᬾᬂᬳᬶᬢᬸᬂᬓᬍᬯᬶᬳᬳᬾ᭞ᬢᬂᬩᬧᬵᬍᬯᬶ
[᭕᭓53A]
ᬳᬶᬂᬳᬸᬮᬸᬃ᭞ᬢᬶᬫ᭄ᬩᬂᬮ᭄ᬯᬶᬃᬮᬸᬳᬸᬭᬶᬂᬮᬗᬶᬢ᭄᭞ᬍᬯᬶᬄᬩ᭄ᬘᬢ᭄ᬳᬶᬓᬂᬫᬦᬕ᭄᭞ᬓᬮᬯᬦᬵᬗᬶᬦᬶᬓᬸ᭞ᬓᬯᬾᬳᬦᬶᬓᬂᬳᬗᭂᬦᬗᭂᬦ᭄᭞ᬢᬦ᭄ᬯᬶᬮᬗᭂ
ᬦ᭄᭞ᬮᬯᬦ᭄ᬤᬸᬓᬸᬢ᭄ᬫᬭᬶᬂᬪᬸᬫᬶ᭞ᬋᬲᭂᬧᬶᬦᭂᬄᬫᬭᬶᬂᬫᬦᬄ᭟ᬭᬶᬂᬓᬯᬶᬢᬦ᭄ᬧᬂᬲ᭄ᬣᬶᬢᬶᬪᬓ᭄ᬢᬶ᭞ᬧᬭᬶᬢᬸᬱ᭄ᬝᬵᬤᬾᬦᬶᬭᬓᬯᬶᬢᬦ᭄᭞ᬨᬮ
ᬦ᭄ᬬᬭᬶᬯ᭄ᬓᬲ᭄ᬮᬦ᭄ᬳ᭄ᬬᬂᬫᬗ᭄ᬓᬾ᭞ᬢ᭄ᬕᭂᬕ᭄ᬳᬶᬦᬍᬫᬶᬂᬳᬬᬸ᭞ᬮ᭄ᬯᬶᬃᬢᬢ᭄ᬮᬸᬢᬂᬩᬧᬦᬾᬚᬢᬶ᭞ᬰᬭᬶᬭᬓᬺᬢᬗᬭᬦ᭄ᬬ᭞ᬲᬂᬗ᭄ᬭᬸᬧᬓᬳᬶᬓᬸ᭞ᬧ᭄ᬭ
ᬡᬥᬢᬫᬗᬭᬦᬶᬭ᭞ᬲᬂᬫᬢᬸᬮᬸᬂᬳᬸᬭᬶᬧ᭄ᬫᬮᬶᬄ᭞ᬳᬦᬗᬭᬦᬶᬂᬳᬦᬥᬢᬫᬯᬾᬄᬢ᭄ᬥ᭟ᬳᬶᬓᬂᬗᬭᬦᬶᬂᬳᬦᬓ᭄ᬲᬸᬚᬢᬶᬲᬗ᭄ᬕ
