Kaca puniki sampun kauji-wacén
[᭕᭐50B]
ᬗ᭄ᬕᬄᬳᬦᬓ᭄ᬗᬭᬦᬶᬂ᭞ᬲᬗᬤᬤ᭄ᬬᬰᬭᬦᬦᬶᬂᬳᬦᬢᬵᬦᬸᬮᬸᬂᬓᬥᬂᬮᬭᬋᬓᬾ᭞ᬳᬦ᭄ᬢᬸᬓᬶᬂᬰᬓ᭄ᬢᬶᬦᬶᬧᬸᬦ᭄᭞ᬫᬥᬦᬬᬂᬲᬓᬬᬚᬢᬶ᭞
ᬧᬶᬲᬥ᭄ᬬᬦᬾᬫᬯᬾᬄᬢ᭄ᬥᬵ᭞ᬫᬭᬾᬂᬯᭀᬂᬗᬮᬘᬸᬃ᭞ᬫᬗ᭄ᬓᬦᬢᬳᬶᬓᬂᬚᬦ᭄ᬫᬵ᭞ᬳᬶᬓᬂᬗᬦᬓ᭄ᬚᬢᬶᬍᬯᬶᬄ᭞ᬬᬦ᭄ᬤᬸᬤᬸᬕ᭄ᬬᬦᭀᬭ᭟ᬯ᭄ᬯᬂᬧᬶᬦ
ᬰ᭄ᬭᬬᬦᬶᬂᬓᬥᬂᬲᬫᬶ᭞ᬓᬤᬶᬫᬃᬕ᭄ᬕᬦᬶᬂᬳ᭄ᬬᬂᬇᬦ᭄ᬤ᭄ᬭ᭞ᬫᬓᬳᬸᬭᬶᬧᬶᬂᬲᬃᬯ᭄ᬯᬪᬯᬦᬾ᭞ᬫ᭄ᬯᬂᬓᬤᬶᬮ᭄ᬯᬶᬃᬦᬶᬂᬓᬬᬸ᭞ᬫᬓᬧᬗᬸᬭᬶᬧᬦᬶᬂᬧᬓ᭄ᬱᬶ᭞ᬢᬸᬳᬸᬯᬦ᭄ᬢᬄᬫ
ᬗ᭄ᬓᬦ᭞ᬳᬶᬓᬂᬚᬢᬶᬧᬢᬸᬢ᭄᭞ᬬᬦ᭄ᬫᬓᬧᬗᬸᬭᬶᬧᬦ᭄᭞ᬲᬧᬓᬸᬋᬦᬦ᭄ᬬᬲᬫᬶ᭞ᬬᬳᬦᬓ᭄ᬗᬭᬦᬶᬓᬵ᭟ᬲᬶᬓᬥᬂᬫᬗᬰ᭄ᬭᬬᬵᬭᬶᬂᬲᬸᬕᬶᬄ᭞ᬯ
[᭕᭑51A]
ᬲ᭄ᬢᬸᬓᬶᬦᬯᬾᬳᬦ᭄ᬚᬸᬕᬤᬾᬦ᭄ᬬ᭞ᬢᬸᬬᬸᬄᬢᬃᬯ᭄ᬭᬸᬳᬾᬂᬧᬗᬦᬾ᭞ᬓᬤᬶᬮ᭄ᬯᬶᬃᬓᬶᬥᬂᬳᬶᬓᬸ᭞ᬫᬗᬰ᭄ᬭᬬᬵᬭᬶᬂᬓᬬᬸᬳᬓᬶᬂ᭞ᬮᬦᬕ᭄ᬲᭂᬂᬢᬶ
ᬦᬸᬦ᭄ᬯᬦ᭄᭞ᬯᭀᬂᬓᬤ᭄ᬬᬧᬸᬦᬶᬓᬸᬓ᭄ᬭᬫᬦᬶᬭᬂᬲᬫᬗ᭄ᬓᬦ᭞ᬓᬲ᭄ᬫᬮᬤᬳᬢ᭄ᬲᬢᬶᬗ᭄ᬓᬄᬢᬃᬯ᭄ᬦᬂᬢᬫ᭄ᬧᬶ᭞ᬧ᭄ᬭᬥᬾᬫᬫᬯᬾᬄᬥᬦ᭟ᬲᬂᬯ᭄ᬦᬂᬳᬚ
ᬓ᭄ᬚᬸᬫᬄᬦᬾᬫᬗᬦ᭄ᬢᬶ᭞ᬮ᭄ᬯᬶᬃᬦ᭄ᬬᬦ᭄ᬓᬥᬂᬢᬶᬓᬂᬓᬫᬾᬯᭂᬳᬦ᭄᭞ᬯᭀᬂᬳᬕᬸᬂᬮᬘᬸᬃᬦ᭄ᬭᬓᬦᬾ᭞ᬫᬮᬶᬄᬲᬯᬶᬢ᭄ᬭᬮᬘᬸᬃ᭞ᬯᬤ᭄ᬯᬦᬶᬂᬫᬸᬲᬸᬄᬩ᭄ᬮᬶᬤᬂᬳᬸ
ᬭᬶᬧ᭄᭞ᬧᬸᬦᬶᬓᬵᬲᬦᬾᬧᬵᬢ᭄ᬧᬢ᭄ᬧᬢ᭄᭞ᬢᬸᬃᬲ᭄ᬥᭂᬂᬬᬵᬳᬶᬦᬶᬗᬸ᭞ᬳᬚᬓ᭄ᬫᬗᬦ᭄ᬢᬶᬚᬸᬫᬄ᭞ᬳᬦᬾᬮ᭄ᬬᬦ᭄ᬢᬦ᭄ᬯᭂᬦᬂᬳᬚᬓ᭄ᬫᬗᬦ᭄ᬢᬶ᭞ᬢᬯ᭄ᬦᬂᬯᬾ
