Kaca:Bali-lontar-gaguritan-dharmmapada-350ppi.pdf/58

Saking Wikisource
Kaca puniki sampun kauji-wacén

[᭕᭗ 57 B]
᭕᭗
᭞ᬲᬯᬢᭂᬓ᭄ᬫᬦᬸᬱᬢᬸᬗ᭄ᬕᬮ᭄᭟᭑᭒᭙᭟ᬬᬦ᭄‌ᬚ᭄ᬯᬦᬾᬦᬾᬳᬕᭂᬂᬩᬸᬥ᭄ᬬᬂ᭞ᬫᬗ᭄ᬤᬾᬦ᭄ᬧᬢᭂᬄᬫᬭᬶᬂᬘ᭄ᬦᬶᬂ᭞ᬦᬾᬳᬮᬶᬢ᭄ᬲᬗᭂᬢ᭄ᬚᭂᬓ᭄ᬚᭂᬓᬂ᭞ᬧᬱ᭄ᬝᬶᬩᬵᬦ᭄ᬗᭂᬘᬧᬶᬦ᭄ᬗᬸᬲᬸᬤ᭄᭞
ᬬᬾᬦ᭄ᬓᬾᬢᭀᬢ᭄ᬯᬭᬧᬲᬚᬵ᭞ᬢᬦ᭄ᬚᬵᬬᬸᬓ᭄ᬢᬶ᭞ᬘ᭄ᬦᬶᬂᬫᬼᬤ᭄‌ᬓᬧᬢᬸᬳᬦ᭄᭟᭑᭓᭐᭟ᬦᬾᬭᬋᬫ᭄ᬓᬵᬤᬦᬶᬦ᭄‌ᬫ᭄ᬮᬄ᭞ᬢᭀᬲᬭᬢᬂᬢᭀᬫᬼᬤᬶᬦ᭄᭞ᬢᭀᬳᬚᬶᬦᬶ
ᬦ᭄ᬲᬳᬶᬩᬸᬥ᭄ᬬᬂ᭞ᬳᬗ᭄ᬳᬶᬂᬦᬾᬫᬗᬯᬾᬳᬶᬤᬸᬧ᭄᭞ᬢᬜ᭄ᬚᬯᬾᬦ᭄ᬢᬦ᭄ᬫᬗᬺᬗᬬᬂ᭞ᬳᬧᬦ᭄ᬢᬸᬲᬶᬂ᭞ᬫ᭄ᬮᬶᬲᬫ᭄ᬧᬸᬦ᭄ᬫᬓᭀᬮᬶᬳᬂ᭟᭑᭓᭑᭟ᬬᬾᬦ᭄ᬘᭂᬦᬶᬂᬦᬕᬶᬄᬩᭂᬓ᭄ᬩᭂᬓᬦ᭄
᭞ᬳᬦ᭄ᬢᬸᬓ᭄ᬓᬧᭂᬕᬢᬦ᭄ᬳᬗᬶᬦ᭄᭞ᬤᬶᬢᬸᬫᬭᬧᬘᬂᬗ᭄ᬭᬱ᭞ᬢ᭄ᬓᬾᬦ᭄ᬕᬸᬡᬦ᭄ᬳᬗᬶᬦ᭄ᬳᬶᬓᬸ᭞ᬲᬓ᭄ᬯᬾᬳᬶᬂᬩ᭄ᬭᬡᬚ᭄ᬯᬦᭀᬭ᭞ᬩᬦ᭄ᬤᬶᬗᬂᬭᬶᬂ᭞ᬳᬗᬶᬦᬾᬳᬩᭂᬦ᭄ᬢᬗ᭄ᬓᬄ᭟
[᭕᭘ 58 A]
᭑᭓᭒᭟ᬢᭀᬓ᭄ᬭᬡᬫᬗ᭄ᬤᬾᬧ᭄ᬭᬲᬶᬤ᭄ᬥ᭞ᬩᬶᬲᬗᬶᬗᭂᬢᬶᬦ᭄ᬦᬾᬬᬸᬓ᭄ᬢᬶ᭞ᬫᬗ᭄ᬤᬾᬦ᭄ᬜᬢᬦ᭄ᬓᬤᬸᬭᬸᬲᬦ᭄᭞ᬢᬶᬦ᭄ᬤᬶᬄᬭᬶᬂᬦᬾᬢᬦ᭄ᬢᬸᬳᬸ᭞ᬓᬤᬸᬗ᭄ᬓᬾᬘ᭄ᬦᬶᬂᬦᬸᬩᬶᬲ᭞ᬗ᭄ᬭᬲᬂ
ᬦᬾᬳᬮᬶᬢ᭄᭞ᬬᬾᬦ᭄ᬮᬶᬫ᭄ᬩᬓᬂᬲᬶᬦᬄᬫᬺᬱᬄ᭟᭑᭓᭓᭟ᬳᬗ᭄ᬕᬾᬦ᭄ᬦᬫ᭄ᬩᬦᬶᬦ᭄ᬦᬾᬘᭀᬭᬄ᭞ᬳᬸᬓᬸᬫᬦ᭄ᬭᬕ᭄ᬭᬕᬦ᭄‌ᬘ᭄ᬦᬶᬂ᭞ᬗ᭄ᬳᬶᬂᬦ᭄ᬢᬸᬦ᭄ᬯᬾᬦ᭄ᬢᭂᬦ᭄‌ᬳᬸᬓᬸᬫᬦ᭄᭞ᬘᭀᬭᬄ
ᬚᬕᬢᬾᬫᬯᬸᬯᬸᬄ᭞ᬗ᭄ᬭᬕ᭄ᬭᬕ᭄ᬤᬬᬫᬯᬸᬓ᭄ᬩᭀᬩᬩ᭄᭞ᬢᬦᬵᬚ᭄ᬭᬶᬄ᭞ᬧᬘᬂᬫᬗ᭄ᬕᬶᬳᬶᬦ᭄ᬳᬸᬓᬸᬫᬦ᭄᭟᭑᭓᭔᭟ᬮᬶᬧᬢ᭄ᬮᬶᬧᭂᬢᬂᬦᬸᬢᬸᬭᬂ᭞ᬩᬸᬮᬓ᭄ᬩᬮᬶᬓᬶᬦ᭄‌ᬗᭂ
ᬢᬾᬓᬶᬦ᭄᭞ᬤ᭄ᬬᬧᬶᬦ᭄ᬓᬸᬤ᭄ᬬᬂᬩᬵᬦ᭄ᬗᭂᬗ᭄ᬓᭂᬩᬂ᭞ᬦᬾᬚᬵᬢᬶᬯᬦ᭄ᬢᬄᬧᬶᬢᬸᬳᬸᬚᬕᬢᬾᬓᬮᬶᬧᬸᬢ᭄ᬲᬗ᭄ᬳᬭ᭞ᬲᬳᬶᬲᭂᬤᬶᬳ᭄᭞ᬢᬦ᭄ᬲᬄᬗᭂᬢᬾᬮᬂᬬᬾᬄᬫᬢ᭟