[᭕ 5B]
᭕᭞
ᬗᬧ᭄ᬢᬶᬦᬾᬲᬶᬦᬄ᭞ᬢᬦ᭄ᬲᬓᬾᬂᬦᬺᬱᬗ᭄ᬰᬩᬸᬤ᭄ᬥᬶ᭟ᬅᬯᬶᬦᬦ᭄ᬲᬂᬓ᭄ᬱᬢ᭄ᬭᬶᬬᬵᬇᬓᬸ᭞ᬓᬮᬫᬬᬸᬤ᭄ᬥᬢᬦ᭄ᬕᬶᬗ᭄ᬲᬶᬃ᭞ᬬᬦᬶᬂᬮᬫ᭄ᬧᬸᬲ᭄ᬭᬶᬂᬧᬬᬸᬤᬦ᭄᭞ᬯᬶᬱ᭄ᬡᬸᬮᭀᬓᬦᬾᬓᬧᬗ᭄ᬕᬶᬄ᭞ᬓᬾ
ᬢᭀᬓᬩᬯᭀᬲ᭄ᬭᬶᬂᬕᬶᬢᬵ᭞ᬧᬓᬾᬮᬶᬂᬰ᭄ᬭᬷᬓᬺᬱ᭄ᬡᬚᬢ᭄ᬣᬶ᭟ᬦᬵᬗᬶᬂᬫᬲᬶᬄᬳᬧᬂᬢᬳᬸ᭞ᬗᬸᬦᬤᬶᬓᬚ᭄ᬭᭀᬦᬶᬂᬇᬦ᭄ᬤᬶᬓ᭄᭞ᬭᬾᬄᬧᬗ᭄ᬓᭂᬤ᭄ᬳᬸᬦᬶᬗᬾᬓᬢᬄ᭞ᬫᬃᬕᬶᬦᬾᬫᬲᬶᬄᬢᬦ᭄ᬓᬶᬤᬶ᭠
ᬓ᭄᭞ᬓᬗ᭄ᬕᭀᬦ᭄ᬜᬸᬚᬸᬄᬲ᭄ᬯᬃᬕ᭄ᬕᬮᭀᬓ᭞ᬩᬶᬦᬵᬯᬓ᭄ᬬᬢᬸᬗ᭄ᬕᬶᬮ᭄ᬓᬵᬧ᭄ᬢᬶ᭟ᬇᬦ᭄ᬤᬶᬓᬾᬫᭂᬧᬮᬶᬄᬮᬶᬬᬸ᭞ᬲᬗ᭄ᬓᬦ᭄ᬬᬕᬮᬶᬄᬕᬮᬶᬳᬶᬦ᭄᭞ᬫᬗ᭄ᬤᬾᬦ᭄ᬜᬢᬦ᭄ᬲᬮᬄᬕ᭄ᬦᬄ᭞ᬇᬯᬂᬲᬸᬤᬸᬓ᭄ᬫᬶᬦᬓ
ᬤᬶ᭞ᬧᬸᬧᬸᬢ᭄ᬦᬾᬧᬢᬸᬢ᭄ᬏᬮᬶᬗᬂ᭞ᬲ᭄ᬯᬥᬃᬫ᭄ᬫᬦᬾᬳᭂᬦ᭄ᬢᭀᬘᭂᬦᬶᬂ᭟ᬦᬄᬳᬫᭀᬦ᭄ᬢᭀᬘ᭄ᬦᬶᬂᬫᬮᬸ᭞ᬩᬧᬫᬓᬾᬮᬶᬂᬭᬶᬂᬘ᭄ᬦᬶᬂ᭞ᬦᬾᬗ᭄ᬦᬶᬦᬶᬦ᭄ᬳᬶᬫ᭄ᬱᬓᬃᬫ᭄ᬫ᭞ᬦᬾᬚᬦᬶᬩᭂᬘᬶᬓ᭄ᬯᬮᬶ
[᭖ 6A]
ᬦᬶᬦ᭄᭞ᬤᬱᬰᬶᬮᬦᬾᬮᬦ᭄ᬢᬸᬭᬂ᭞ᬢᬸᬃᬋᬱᭂᬧᬂᬚ᭄ᬭᭀᬦᬶᬂᬳᬢᬶ᭟ᬓᬃᬭ᭄ᬯᬩ᭄ᬭᬳ᭄ᬫᬵᬘᬭᬶᬇᬓᬸ᭞ᬢᬦ᭄ᬭᬸᬗᬸᬭᬶᬂᬳᬦᬓ᭄ᬳᬶᬲ᭄ᬢ᭄ᬭᬶ᭞ᬤᬶᬦᬶᬦ᭄ᬭᬸᬲ᭄ᬓᬳᬶᬧ᭄ᬬᬦ᭄᭞ᬢᬦ᭄ᬓᬕᭀᬤᬵᬲᬗᬧ᭄ᬓᬶᬓ᭄᭞ᬅᬦ᭄ᬢᬸᬓ᭄ᬳ
ᬧᬶᬓ᭄ᬗᬫᭀᬂᬩ᭄ᬭᬢ᭄ᬣᬵ᭞ᬢᬧᬮᬦ᭄ᬲᬵᬫᬤ᭄ᬥᬶᬮ᭄ᬯᬶᬄ᭟ᬲᬂᬩ᭄ᬭᬳ᭄ᬫᬵᬘᬭᬶᬲᬢᬸᬯᬸᬓ᭄᭞ᬢᭂᬓᭂᬓ᭄ᬗᬫᭀᬂᬰᬶᬮᬬᬸᬓ᭄ᬢᬶ᭞ᬲᬳᬶᬢᬫ᭄ᬧᭂᬓ᭄ᬭᬶᬂᬲᬂᬕᬸᬭᬸ᭞ᬪᬓ᭄ᬢᬶᬫᬜᭂᬭᬳᬂᬤᬶᬭᬶ᭞ᬳᬧᬦ᭄ᬤᬶᬦᬵᬓ
ᬗ᭄ᬕᬾᬦ᭄ᬮᬶᬗ᭄ᬕᬵ᭞ᬫᬦᬸᬜ᭄ᬘᬧ᭄ᬦᬶᬃᬪᬡᬵᬪᬸᬫᬶ᭟ᬲᬂᬕᬸᬭᬸᬫᬮᬶᬄᬫᬯᬸᬯᬸᬲ᭄᭞ᬅᬍᬧ᭄ᬩᬦ᭄ᬩᬦ᭄ᬦᭂᬓᬾᬂᬳᬢᬶ᭞ᬯᬶᬯᬾᬓᬦᬾᬢᬦ᭄ᬓᬢᬶᬗ᭄ᬕᬮ᭄᭞ᬯᬾᬭᬕ᭄ᬬᬓᬗ᭄ᬕᬾᬦᬵᬲᬭᬶᬦ᭄᭞
ᬓᬾᬢᭀᬕᬸᬭᬸᬦᬾᬉᬢᬫ᭄ᬫ᭞ᬗᭂᬚᬸᬓ᭄ᬫᬸᬭᬶᬤ᭄ᬫᬳᭂᬗ᭄ᬓᭂᬢ᭄ᬓᬮᬶᬲ᭄᭟ᬧᬧᬶᬓᬢᬾᬩᬯᭀᬲ᭄ᬳᬮᬸᬲ᭄᭞ᬦᬾᬤᭀᬄᬲᬓᬶᬂᬓᬬᬸᬦ᭄ᬧ᭄ᬭᬶᬄ᭞ᬫᬩᬯᬫᬸᬓᬦᬾᬕᬮᬂ᭞ᬩᬗᭂᬢ᭄ᬦᬸᬤᬸ
Kaca:Bali-lontar-gaguritan-dharmma-prawreti-350ppi.pdf/6
Kaca puniki sampun kauji-wacén
