[᭓᭗ 37B]
᭓᭗᭞
ᬘᬶᬓ᭄ᬦᬵᬦᬓ᭄ᬳᬧᬂᬢᬢᬲ᭄᭞ᬦᬾᬓᬯᬸᬯᬸᬲ᭄᭞ᬘᬢᬸᬃᬤᬦᬵᬳᭂᬦ᭄ᬢᭀᬲᬫᬶ᭞ᬧᬢ᭄ᬧᬢ᭄ᬧᬯᬶᬮᬗᬦ᭄ᬳᬶᬧᬸᬦ᭄᭞ᬤᬺᬯ᭄ᬬᬵᬤᬦᬵᬓᬧᭂᬃᬢᬫᬵ᭞ᬢᭀᬲᬂᬮᬾᬤᬂ᭞ᬫᬳᬶᬘᬬᬂ᭠
ᬧᬗᬦ᭄ᬓᬶᬦᬸᬫ᭄᭞ᬢᭂᬕᬮ᭄ᬘᬭᬶᬓ᭄ᬫᬶᬯᬄᬅᬃᬢ᭄ᬣ᭞ᬲᬓᬶᬂᬍᬕᬯᬦᬶᬂᬳᬢᬶ᭟ᬓᬵᬧᬶᬂᬓᬮᬶᬄᬧ᭄ᬭᬶᬬᬵᬤᬦᬵ᭞ᬢᭀᬲᬂᬢᬸᬮᬸᬲ᭄᭞ᬫᬤᬦᬬᬂᬧᬸᬢ᭄ᬭᬭᬪᬶ᭞ᬦᬾᬲᬶᬦᬄᬲᬗ᭄ᬓᬦᬶᬂᬧᬢᬸᬢ᭄᭞
ᬫᬦᬸᬢ᭄ᬓᭂᬘᬧᬶᬂᬲᬰᬦᬵ᭞ᬗᬯᬾᬮᬾᬤᬂ᭞ᬲᬂᬫᬦᬸᬤᬸᬄᬮᬦ᭄ᬓᬢᬸᬤᬸᬄ᭞ᬓᬾᬢᭀᬫᬰᬶᬄᬲᬂᬫᬦᬸᬦᬲ᭄᭞ᬲᬫᬶᬧᬢᬸᬢ᭄ᬫᬦᬸᬢ᭄ᬳᬶᬦ᭄ᬤᬶᬓ᭄᭟ᬮᬳᬸᬢᬂᬚᬦᬶᬧᭂᬤᬲᬂ᭞ᬦᬾᬧᬶᬂᬢᭂᬮᬸ᭞
ᬲᬭᬶᬭᬵᬤᬦᬾᬍᬯᬶᬄ᭞ᬦᬾᬲᬸᬚᬵᬢ᭄ᬯᬶᬲᬓᬶᬂᬧᬸᬭᬸᬦ᭄᭞ᬫᬤᬵᬦᬬᬂᬚᬶᬯ᭄ᬯᬭᬕᬵ᭞ᬓᬘᬭ᭄ᬯᬂ᭞ᬓᬗ᭄ᬕᬾᬗᬃᬤ᭄ᬥᬶᬚᬕᬢ᭄ᬮᬦ᭄ᬥᬸᬄ᭞ᬢᬦ᭄ᬧᬾᬦ᭄ᬤᬄᬓᬤᬶᬓ᭄ᬱᬢ᭄ᬭᬶᬬᬵ᭞ᬫᬬᬸᬤ᭄ᬥᬫᬾᬮ᭠
[᭓᭘ 38A]
ᬦᬶᬦ᭄ᬕᬸᬫᬶ᭟ᬓᬾᬢᭀᬩᬕᬸᬲ᭄ᬳᬧᬂᬢᬢᬲ᭄᭞ᬦᬾᬓᭂᬘᬢᬸᬃ᭞ᬫᭂᬮᬄᬚᬦᬶᬬᬯᬶᬮᬗᬶᬦ᭄᭞ᬅᬪᬬᬵᬤᬦᬵᬓᬯᬸᬯᬸᬲ᭄᭞ᬩᬧᬲᬸᬩᬫᬜᬶᬦᬳᬂ᭞ᬯᬦ᭄ᬢᬄᬳᬶᬦᬵ᭞ᬲᬂᬢᬦ᭄ᬲᬄᬫᬲᭀ
ᬮᬳᬬᬸ᭞ᬳᭂᬦ᭄ᬢᭀᬲᬳᬶᬓᬵᬤᬦᬬᬂ᭞ᬫᬋᬧ᭄ᬭᬶᬂᬇᬲᬵᬃᬯ᭄ᬯᬧ᭄ᬭᬡ᭄ᬦᬶ᭟ᬅᬫᭀᬦ᭄ᬢᭀ᭠ᬫᬮᬸᬮᬸᬧᬸᬢᬂ᭞ᬦᬾᬓᬯᬸᬯᬸᬲ᭄᭞ᬘᬢᬸᬃᬤᬦᬵᬳᭂᬦ᭄ᬢᭀᬘ᭄ᬦᬶᬂ᭞ᬦᬾᬚᬦᬶᬚᬮᬦ᭄ᬬᬵᬢᬸᬮ
ᬤ᭄᭞ᬦᬾᬫᬤᬦ᭄ᬪᬓ᭄ᬢᬶᬢ᭄ᬭᬗᬂ᭞ᬫᬗ᭄ᬤᬾᬦ᭄ᬲᬶᬦᬄ᭞ᬳᬃᬣᬶᬮᬦ᭄ᬢᬢ᭄ᬯᭂᬓᬶᬧᬸᬦ᭄᭞ᬪᬓ᭄ᬢᬶᬳᭂᬦ᭄ᬢᭀᬓᭂᬳᬃᬢ᭄ᬬᬂ᭞ᬲᬂᬳᬸᬦᬶᬂᬦᬭᭀᬲᬂᬳᬢᬶ᭟ᬫᬦᬸᬢ᭄ᬩᬩᬯᭀᬲ᭄ᬲᬂᬧ᭄ᬭᬤ᭄ᬜᬦ᭄᭞
ᬦᬾᬓᭂᬘᬢᬸᬃ᭞ᬧᬢᬸᬢ᭄ᬩᬓ᭄ᬢᬶᬦᬶᬦ᭄ᬢᬶᬦ᭄ᬤᬶᬳᬶᬦ᭄᭞ᬢᬦ᭄ᬮ᭄ᬬᬦ᭄ᬲᬂᬘᬢᬸᬃᬕᬸᬭᬸ᭞ᬕᬸᬭᬸᬭᬸ᭠ᬧᬓᬧᭂᬃᬢᬫ᭞ᬦᬾᬧᬶᬂᬭ᭄ᬯᭀ᭞ᬕᬸᬭᬸᬧᭂᬗᬚᬶᬬᬦ᭄ᬩᬕᬸᬲ᭄᭞ᬦᬾᬧᬶᬂᬢᭂᬮᬸᬓᬲᬶᬦᬳᬂ᭞ᬕᬸ᭠
Kaca:Bali-lontar-gaguritan-dharmma-prawreti-350ppi.pdf/38
Kaca puniki sampun kauji-wacén
