Kaca:Bali-lontar-gaguritan-dharmma-prawreti-350ppi.pdf/23

Saking Wikisource
Kaca puniki sampun kauji-wacén

[᭒᭒ 22B]
᭒᭒᭞
ᬭᬸᬗᬦ᭄᭞ᬲᬋᬂᬲᬫᬶᬫᬗ᭄ᬕᬶᬄᬢᬺᬧ᭄ᬢᬶ᭟ᬅᬗ᭄ᬕᬾᬦ᭄ᬧᬯᭂᬯᭂᬄᬓᭂᬤᭂᬄᬩᬧᬫᬜᬢ᭄ᬯᬬᬂ᭞ᬦᬾᬓᬩᬯᭀᬲ᭄‌ᬘᬢᬸᬃᬯᬃᬡ᭄ᬦᬶ᭞ᬦᬾᬲᬵᬫ᭄ᬧᬸᬦ᭄ᬓᬮᭀᬓ᭄ᬢᬄ᭞ᬭᬢᬸᬜᬲᬓᬶᬂᬦᭂᬕᬭᬵ᭞
ᬳᬶᬦ᭄ᬥᬸᬲ᭄ᬢᬦ᭄‌ᬓᬲᬸᬩ᭄ᬤᬸᬓ᭄‌ᬗᬸᬦᬶ᭞ᬧᬫᬸᬕᭂᬭᬦ᭄ᬓᬜ᭄ᬘᬦ᭄ᬳᬕᬫᬦᬾᬲᬫᬶ᭟ᬦᬾᬫᬗ᭄ᬭᬶᬧ᭄ᬢᬲᬂᬘᬢᬸᬃᬯᬃᬡ᭄ᬦᬧᬸᬦᬶᬓ᭞ᬳ᭄ᬬᬂᬫᬦᬸᬓᬲᬸᬩ᭄ᬦᬾᬭᬶᬳᬶᬦ᭄᭞ᬫᬗ᭄ᬤᬾᬦ᭄ᬜᬓᬲᬶᬤᬦ᭄᭞ᬚᬕ
ᬢᬾᬫᬗ᭄ᬕᬸᬄᬲᬵᬦ᭄ᬢᭀᬱ᭞ᬥᬃᬫ᭄ᬫᬦᬶᬂᬲᬂᬘᬢᬸᬃᬯᬃᬡᬶ᭞ᬓᭂᬫᬃᬕ᭄ᬬᬂ᭞ᬫᬦᬸᬢ᭄ᬱ᭄ᬯᬥᬃᬫ᭄ᬫᬦ᭄ᬜᬲᬫᬶ᭞ᬰ᭄ᬯᬥᬃᬫ᭄ᬫᬦ᭄ᬲᬂᬩ᭄ᬭᬳ᭄ᬫᬵᬡᬵᬚᬦᬶᬢᬢᬲᬂ᭞ᬫᬗᬚᬄᬫᬗᬸᬭᬸᬓ᭄‌ᬲᬳᬶ᭞ᬲᬓᬗ᭄ᬘᬵ
ᬦᬶᬂᬢᬢ᭄ᬯ᭞ᬯᬶᬥᬶᬢᬢ᭄ᬯᬳᬢ᭄ᬫᬵᬢᬢ᭄ᬯᬵ᭞ᬓᬵᬃᬫ᭄ᬫᬨᬮᬳᭂᬦ᭄ᬢᭀᬫᬮᬶᬄ᭞ᬧᬸᬡᬃᬪᬯᬵ᭞ᬫᭀᬓ᭄ᬱᬵᬢᬢ᭄ᬯᬧᬶᬦᬶᬄᬍᬯᬶᬄ᭟ᬅᬦ᭄ᬢᭀᬲᬫᬶᬧᬵᬜ᭄ᬘᬰ᭄ᬭᬤ᭄ᬥᬓᭂᬩᬯᭀᬲᬂ᭞ᬳᬶ
[᭒᭓ 23A]
ᬦ᭄ᬥᬸᬢᬢ᭄ᬯᬵᬳᭂᬦᭀᬚᬢ᭄ᬣᬶ᭞ᬢᬼᬩᬂᬤᬶᬫᬦᬄ᭞ᬓᬰᬸᬰᬶᬮᬦ᭄ᬳᬗ᭄ᬕᬾᬦ᭄ᬗᭂᬫ᭄ᬩᬦ᭄᭞ᬓᬯ᭄ᬭᬸᬄᬳᬾᬅᬗ᭄ᬕᬾᬦ᭄ᬧᬢᬶᬢᬶᬲ᭄᭞ᬓᬯᬶᬘᬓ᭄ᬱᬡᬦ᭄᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬦᬶᬫ᭄ᬩᬗᬶᬦ᭄᭟ᬫᬸ᭠
ᬯᬸᬄᬫᬮᬶᬄᬰ᭄ᬯᬓᬾᬃᬢ᭄ᬣᬶᬦ᭄ᬲᬂᬩ᭄ᬭᬳ᭄ᬫᬵᬡ᭞ᬧᬢᬸᬢ᭄‌ᬗᬫᭀᬂᬰᬶᬮᬵᬬᬸᬓ᭄ᬢᬶ᭞ᬫᬤᬦᬵᬢᬦ᭄ᬢᭂᬮᬤ᭄᭞ᬩ᭄ᬭᬢ᭄ᬣᬢᬧᬫᬶᬯᬄᬬᭀᬕ᭄ᬕᬵ᭞ᬫᬬᬚ᭄ᬜᬵᬫᬕ᭄ᬦᬶᬂᬕ᭄ᬦᬶᬂ᭞ᬢᭀᬲᬫ᭄ᬬᬦ᭄᭞ᬳᬫᭀᬗᬦ᭄ᬲᬂ
ᬩ᭄ᬭᬳ᭄ᬫᬵᬡᬵᬚᬢ᭄ᬣᬶ᭟ᬲᬸᬮᬶᬢ᭄ᬚᬢᬶᬬᬦᬶᬂᬩᬧᬵᬫᬫᬶᬦᭂᬳᬂ᭞ᬲᬂᬤᬤᬶᬩ᭄ᬭᬳ᭄ᬫᬡᬵᬚᬢ᭄ᬣᬶ᭞᭠ᬳᭂᬦ᭄ᬢᭀᬓᬭᬦᬦ᭄ᬜ᭞ᬳ᭄ᬤᬵᬳᬫ᭄ᬧᬄᬫᬓ᭄ᬢᬭᬕ᭄ᬕᬵ᭞ᬩᭂᬘᬶᬓ᭄ᬦᬾᬫᬗ᭄ᬓᬶᬦ᭄ᬓᬯᬶᬢᬶᬦ᭄᭞ᬢᬸᬃᬳᬾᬮᬶ᭠
ᬗᬂ᭞ᬰ᭄ᬯᬤ᭄ᬥᬃᬫ᭄ᬫᬦᬾᬳᬧᬂᬧᬲ᭄ᬢᬶ᭟ᬅᬦᬾᬚᬦᬶᬚᬮᬦ᭄ᬓᬾᬮᬦ᭄ᬢᬸᬭᬂᬦᬦᬓ᭄᭞ᬰ᭄ᬯᬥᬃᬫᬦ᭄‌ᬓ᭄ᬱᬢ᭄ᬭᬶᬬᭀᬢᬫᬶ᭞ᬧᬢᬸᬢ᭄ᬫᬫᬸᬦᬳᬂ᭞ᬓᬜ᭄ᬘᬦ᭄ᬫᬸᬲᬸᬳᬾᬥᬸᬃᬰᬶᬮ᭞ᬢᬸᬃᬢᬦ᭄ᬋ