[᭙᭖ 96B]
᭙᭖
ᬉᬢ᭄ᬢᬫᬶᬦᬶᬧᬸᬦ᭄ᬲᬗᬵᬚᬶ᭞ᬢ᭄ᬭᬸᬱᬮᬳᬶᬃᬪᬢᬶᬦ᭄᭞ᬧᬥᬸᬓᬳᬶᬲ᭄ᬮᬫ᭄ᬲᬢᬸᬳᬸ᭞ᬲᬵᬫ᭄ᬧᬸᬦ᭄ᬩᬢᭀᬲ᭄ᬓᬾᬯᬮ᭞ᬮᬳᬶᬭᬾᬫᬯᬶᬬᬲᬵᬓ᭄ᬱᬶᬧᬭᬲ᭄ᬭᬾᬫᬳᬕᬸᬦ᭄ᬤᬸᬮ᭄ᬓᬤᭀᬲ᭄ᬓᬯᬸᬮᬵ᭟ᬤᬤᭀᬲ᭄ᬩᭀᬢᭂᬦ᭄ᬫᬮᬶᬄᬘᬶᬧ᭄ᬢ
᭞ᬜᬸᬗ᭄ᬓᭂᬫᬶᬳᬕᬫᬦᬵᬪᬶ᭞ᬧᬥᬸᬓᬵᬯᬸᬲ᭄ᬓᬵᬃᬱᬳᬶᬲ᭄ᬮᬫ᭄᭞ᬳᬶᬲ᭄ᬮᬫᬭᬶᬂᬮᬳᬶᬃᬩᬢᬶᬦ᭄᭞ᬫᬯᬶᬬᬲᬓ᭄ᬱᬶᬮᬳᬶᬃ᭞ᬳᬗ᭄ᬮᬫ᭄ᬧᬳᬶᬮᬸᬫᬂᬯᬓ᭄ᬢᬸ᭞ᬓᬢᬶᬗᬮᬳᬶᬂᬓᬢᬄ᭞ᬧᬥᬸᬓᬕᬦ᭄ᬢᭀᬲ᭄ᬳᬕᬫᬶ᭞ᬢᬶᬦᬸᬭᬸᬢᬳᬶᬂᬯᬤ᭄ᬬᬧᬸᬢ᭄ᬭᬲᬦ᭄ᬢ᭠
ᬦ᭟ᬭᬢᬸᬤᬤᭀᬲ᭄ᬢᬢᬸᬭᬸᬢᬦ᭄᭞ᬳᬕᬫᬶᬫᬸᬳᬫᬤ᭄ᬦᬵᬪᬶ᭞ᬳᬶᬂᬩᬾᬜ᭄ᬚᬂᬓᬮᬫᬸᬦ᭄ᬲᬾᬤ᭄ᬥ᭞ᬕ᭠ᬜ᭄ᬚᬭᬦᬶᬧᬸᬦ᭄ᬳ᭄ᬬᬂᬯᬶᬥᬶ᭞ᬦᬶᬓ᭄ᬫᬢ᭄ᬯᭀᬦ᭄ᬢᭂᬦ᭄ᬲᬸᬯᬃᬕ᭄ᬕᬶ᭞ᬫᬸᬮ᭄ᬬᬢᬦ᭄ᬓᬾᬗᬶᬂᬲᬶᬦᬸᬯᬸᬦ᭄᭞ᬦᬸᬕ᭄ᬭᬳᬦᬶᬂᬧᬗᬾᬭᬦ᭄᭟
ᬧᬸᬜ᭄ᬚᬸᬮ᭄ᬲᬫᬦᬶᬂᬦᬵᬃᬧ᭄ᬧᬢᬶ᭞ᬓᬂᬯᬸᬲ᭄ᬓᭀᬘᬧ᭄ᬚ᭄ᬭᭀᬦᬶᬂᬢᬚᬸᬲ᭄ᬲ᭄ᬮᬢᬶᬦ᭄ᬓᬶᬢᬩ᭄᭟ᬗᬦ᭄ᬤᬶᬓᬲᬂᬩ᭄ᬭᬯᬶᬚᬬ᭞ᬬᬧᬭᬲᭂᬦ᭄ᬭᬫ᭄ᬩᬸᬢ᭄ᬫᬫᬶ᭞ᬫᬾᬮᬸᬕᬸᬦ᭄ᬤᬸᬮ᭄ᬓᬬᬲᬶᬭ᭞ᬲᬸᬦᬦ᭄ᬓᬮᬶᬗᬱ᭄ᬝᬕᬸᬦ᭄ᬢᬶᬂ᭞ᬦᬸᬮ᭄ᬬᬤᬶᬧᬸᬦ᭄ᬧᬭᬲᬶ᭞ᬫ
[᭙᭗ 97A]
ᬱ᭄ᬝᬓᬦᬶᬭᬲᬂᬧ᭄ᬭᬪᬸ᭞ᬓᬂᬭᬾᬫᬤᬢᬦ᭄ᬧᬲᬄ᭞ᬳᬸᬫᬵᬢᬹᬃᬚᭂᬂᬲᬸᬦᬦ᭄ᬓᬮᬶ᭞ᬓᬤᭀᬲ᭄ᬧᬸᬦ᭄ᬤᬶᬳᬶᬂᬓᬃᬱᬧᬥᬸᬓᬵᬦᬵᬣ᭟ᬓᬵᬃᬱᬤᬤᬯᬸᬄᬮᬧᬶᬲᬦ᭄᭞ᬢᬦ᭄ᬢᭂᬭᬸᬲᬶᬂᬮᬳᬶᬃᬩᬢᬶᬦ᭄᭞ᬳᬶᬂᬩᬢᭀᬲ᭄ᬯᬸᬲ᭄ᬓᬵᬃᬱᬲᭂᬮᬫ᭄᭞ᬮᬳᬶ
ᬭᬾᬢᬦ᭄ᬲᬶᬄᬗᭂᬓᬳᬶ᭞ᬳᬕᬫᬩᬸᬤ᭄ᬥᬩᬸᬤ᭄ᬥᬶ᭞ᬧᬸᬦᬶᬓᬧ᭄ᬭᬢᬦ᭄ᬤᬦᬶᬧᬸᬦ᭄᭞ᬤᬾᬦᬾᬭᬾᬫᬧᬥᬸᬓᬵ᭞᭠ᬩᭀᬢᭂᬦ᭄ᬧᬲᬄᬳᬸᬮᬸᬦ᭄ᬕᬸᬦ᭄ᬢᬶᬂ᭞ᬳᬶᬲ᭄ᬮᬫ᭄ᬩᬢᭀᬲ᭄ᬦᬫᬶᬦᬾᬳᬶᬲ᭄ᬮᬫ᭄ᬩᬶᬤ᭄ᬥᬮᬄ᭟ᬳᬶᬲ᭄ᬮᬫᬾᬩᬢᭀᬲ᭄ᬓᬾᬯᬮᬵ᭞᭠
ᬳᬶᬂᬮᬳᬶᬭᬾᬢᬓ᭄ᬱᬶᬄᬓᬧᬶᬃ᭞ᬫᬦᬯᬶᬳᬶᬂᬮᬳᬶᬃᬳᬶᬲ᭄ᬮᬫ᭄᭞ᬩᬢᭀᬲᬶᬧᬸᬦ᭄ᬢᬓ᭄ᬱᬶᬄᬓᬧᬶᬃ᭞ᬓᬧᬶᬃᬗᬶ᭠ᬦ᭄ᬤᬶᬦᬲ᭄ᬦᬫᬶ᭞ᬉᬢ᭄ᬢᬫᬶᬦᬶᬧᬸᬦ᭄ᬲᬂᬧ᭄ᬭᬪᬸ᭞ᬮᬳᬶᬃᬩᬢᭀᬲ᭄ᬳᬶᬲ᭄ᬮᬫ᭞ᬩᬢᭀᬲᬶᬧᬸᬦ᭄ᬫᬸᬗᬮ᭄ᬫᬸᬗᬶᬮ᭄᭞ᬳᬗᬦ᭄ᬤᬶᬓᬵ᭠
ᬲᬗᬧ᭄ᬭᬪᬹᬩ᭄ᬭᬯᬶᬚᬬ᭟ᬢᬾᬄᬢᬲᬳᬶᬢ᭄ᬯ᭄ᬭᬸᬳᬦᬶᬭ᭞ᬫᬸᬮᬢ᭄ᬬᬲ᭄ᬲᬸᬦ᭄ᬫᬸᬗᬮ᭄ᬫᬸᬗᬶᬮ᭄᭞ᬫᬲᬸ᭠ᬓ᭄ᬲᬭᬾᬗᬢ᭄ᬫᬸᬳᬫᬤ᭄᭞ᬲᬩᬩᬾᬫᬸᬂᬭᭀᬂᬧ᭄ᬭᬓᬯᬶᬲ᭄᭞ᬲᬩᬗ᭄ᬳᬶᬗ᭄ᬓᬂᬲᬯᬶᬚᬶ᭞ᬳᬶᬗ᭄ᬲᬸᬦᬶᬓᬶᬭᬢᬸᬳ
Kaca:Bali-lontar-gaguritan-dharmma-gandul-300ppi.pdf/97
Kaca puniki sampun kauji-wacén
