Kaca:Bali-lontar-gaguritan-dharmma-gandul-300ppi.pdf/95

Saking Wikisource
Kaca puniki sampun kauji-wacén

[᭙᭔ 94B]
᭙᭔
ᬲ᭄ᬚᬶᬤ᭄᭞ᬳᬗ᭄ᬭᬶᬲᬓ᭄ᬧ᭄ᬭᬦᬵᬣᬭᬢᬸ᭞ᬫᬶᬮᬦᬾᬓᬶᬦᭂᬮᬶᬭᬦ᭄᭞ᬳᬶᬂᬲᬭᬓ᭄ᬓᬭᬾᬗᬢ᭄ᬦᬵᬪᬶ᭞ᬬᬾᬦ᭄ᬓᬯ᭄ᬬᬓ᭄ᬳᬗ᭄ᬭᬶᬲᬓ᭄ᬧ᭄ᬭᬦᬵᬣᬳᬕᬫ᭟ᬳᬯᬶᬲ᭄ᬚᬦ᭄ᬫᬧᬸᬭᬸᬦ᭄ᬲᬮᬕ᭞ᬮᬦ᭄ᬜᭂᬩᬸᬢ᭄ᬳᬰ᭄ᬫᬦᬶᬂᬦᬵᬪᬶ᭞ᬳᬗ᭄ᬕᭂᬃᬚᬦ᭄ᬫᬗᬓᭂᬦ᭄ᬳᬮ᭄ᬮᬄ᭞ᬫᬶᬮ
ᬦᬾᬤᬶᬧᬸᬦ᭄ᬓᭂᬮᬶᬭᬶ᭞ᬲᬭᬓ᭄ᬲᬭᬾᬗᬢ᭄ᬦᬵᬪᬶ᭞ᬓᬂᬫᬶᬦᬗ᭄ᬓᬧᬕᭂᬃᬕᬸᬓᬸᬄ᭞ᬲᬵᬫ᭄ᬧᬸᬦ᭄ᬗᬦ᭄ᬢᭀᬲ᭄ᬓᬢᬶᬗᬮ᭄᭞ᬫᬸᬭᬸᬩᬾᬓᬯᬸᬮᬕᬸᬲ᭄ᬢᬶ᭞ᬬᬾᬦ᭄ᬓᬢᬶᬗ᭄ᬳᬵᬮ᭄ᬓᬶᬲᬹᬃᬚ᭄ᬚᬦᬶᬗᬓᭂᬦ᭄ᬳᬮ᭄ᬮᬄ᭟ᬲᬸᬚᬦ᭄ᬫᬓᬂᬧᬦᬳᬶᬂᬤᬢ᭄᭞ᬗᬯᬸᬮᬫᬭᬂᬳ᭄ᬬᬂᬯᬶᬥᬶ
ᬫᬗᬾᬭᬦᬶᬂᬓᬳᬾᬮᬶᬗᬦ᭄᭞ᬢᬶᬬᬂᬧᬦᬵᬲᬶᬧᬢ᭄ᬧᬸᬦᬶᬓᬶ᭞ᬗᬯᬸᬮᬫᬓᬫ᭄ᬤᬶᬭᬶ᭞ᬦᬸᬭᬸᬢᬶᬫᬓᬫᬾᬭᬲᬸᬮ᭄᭞ᬢᬶᬬᬂᬧᬦᬫ᭄ᬭᬶᬂᬳᬰ᭄ᬫᬵ᭞ᬳᬗᬗ᭄ᬕᬾᬘ᭄ᬙᬓᬾᬧ᭄ᬭᬶᬩᬤᬶ᭞ᬳᬫᬶᬢᬸᬭᬸᬢ᭄ᬳᬧᬲᭂᬦᭂᬗᬦᬾᬫᬦᬄ᭟ᬢᬶᬬᬂᬳᬶ
ᬗ᭄ᬓᬂᬳᬳ᭄ᬮᬶᬲᬭᬓ᭄᭞ᬦᬫ᭄ᬧᬶᬓᬶᬸᬓ᭄ᬫᬶᬮᬶᬄᬳᬮᬩᭂᬘᬶᬓ᭄᭞ᬢᬶᬬᬂᬓᬂᬳᬳ᭄ᬮᬶᬲᬭᬾᬗᬢ᭄᭞ᬜᬮᬶᬸᬃᬭᬶᬂᬳᬸᬘ᭠ᬧ᭄ᬮᬳᬶᬃᬩᬢᬶᬦ᭄᭞ᬢᬶᬬᬂᬳᬳ᭄ᬮᬶᬢᬭᬾᬓᬢᬶᬂ᭞ᬢᬭᬾᬦ᭄ᬳᬶᬫ᭄ᬩᬂᬓᬜ᭄ᬘᬩᬢᬹᬃ᭞ᬢᬶᬬᬂᬳᬳ᭄ᬮᬶᬓᬓᬾᬓᬢ᭄᭞ᬳᬗᬗ᭄ᬕᭀ
[᭙᭕ 95A]
ᬘ᭄ᬮᬓᬾᬧ᭄ᬭᬶᬩᬤᬶ᭞ᬢᬶᬬᬂᬫᬓ᭄ᬭᬶᬧᬢ᭄ᬳᬫᭂᬗ᭄ᬓᬸᬩᭂᬘᬶᬓ᭄ᬮᬦ᭄ᬳᬮᬵ᭟ᬳᬮᬵᬳᬮᬫᬸᬧ᭄ᬭᬶᬩᬤ᭄ᬬ᭞ᬩᭂᬘᬶᬓ᭄ᬩᭂᬘᬶᬓ᭄ᬫᬸᬧ᭄ᬭᬶᬩᬤᬶ᭞ᬯᬸᬲ᭄ᬧᬶᬦᬲ᭄ᬢᬶᬓᭀᬤ᭄ᬭᬢᬶᬂᬳ᭄ᬬᬂ᭞ᬧᬱ᭄ᬝᬾᬦᬶᬂᬯᭀᬂᬲᬶᬚᬶᬲᬶᬚᬶ᭞ᬢᬦᬵᬃᬱᬳᬫᬳᭀᬦᬶ᭞ᬢᬶᬗ᭄ᬓᬳᬾᬚᬦ᭄ᬫᬲᬥᬵᬭᬹ
ᬫ᭄᭞ᬳᬮᬩᭂᬘᬶᬓᬂᬮ᭄ᬬᬦ᭄᭞ᬢᬦ᭄ᬳᬵᬃᬱᬵᬗᬸᬘᬧ᭄ᬗ᭄ᬭᬱᬦᬶ᭞ᬲᬗᭂᬢ᭄ᬳᬚ᭄ᬭᬶᬄᬫᬳᭀᬦᬶᬓᭀᬤ᭄ᬭᬢᬶᬂᬳᬮ᭄ᬮᬄ᭟ᬤᬾᬦᬾᬲᬮᬢ᭄ᬓᬮᬳᬶᬭᬦ᭄᭞ᬳᬶᬗ᭄ᬓᬂᬲᬫᬶᬲᬸᬚᬸᬤ᭄‌ᬜ᭄ᬚᬸᬗ᭄ᬓᬶᬃ᭞ᬦᬶᬓᬸᬲᬮᬢ᭄ᬢᬢᬓ᭄ᬭᬫ᭞ᬧᬸᬭᬸᬦ᭄ᬩᭂᬘᬶᬓ᭄‌ᬩᭀᬢᭂ
ᬦ᭄ᬩᭂᬘᬶᬓ᭄᭞ᬫᬓ᭄ᬲᬸᬤᬾᬥᬢᭂᬂᬗᬾᬮ᭄ᬫᬶ᭞ᬦᬶᬓᬸᬤᬸᬤᬸᬓ᭄ᬲᬮᬢ᭄ᬜᬳᬸᬃ᭞ᬓᬗᬾᬮᬦᬾᬧᬸᬦ᭄ᬩᬧ᭞ᬤᬸᬓ᭄ᬲᬸᬚᬸ᭠ᬤ᭄ᬦᬾᬂᬚᬶᬦᭂᬫ᭄ᬯᬗᬶ᭞ᬤᬾᬲ᭄ᬲᬳᬸᬭᬶᬲᬵᬫ᭄ᬧᬸᬦ᭄ᬗᬦ᭄ᬢᭀᬲ᭄ᬓᬧᭀᬢᬗᬦ᭄᭟ᬭᬸᬓᬸᬦᬾᬳᬶᬲ᭄ᬮᬫ᭄ᬮᬮᬶᬫ᭞ᬲᬸᬓᬸᬓᬮᬶᬄ
ᬳᬱ᭄ᬝᬓᬮᬶᬄ᭞ᬕᬗ᭄ᬲᬮ᭄ᬓᬮᬫ᭄ᬯᬤᬶᬦᬶᬭ᭞ᬢᭂᬧᬂᬮᬯᬦ᭄ᬧᬺᬚᬶᬯᬤᬶ᭞ᬲᬶᬦ᭄ᬢᭂᬦ᭄ᬢᬦ᭄ᬳᬗ᭄ᬮᬫ᭄ᬧᬳᬶ᭞ᬓᬮᬶᬫᬄᬓᬮᬶᬄᬧᬸᬦᬶᬓᬸ᭞ᬩᭀᬢᭂᬦ᭄ᬲᬄᬲᬤᬢ᭄‌ᬲ᭄ᬭᬾᬗᬢ᭄᭞ᬢᬦ᭄ᬯᬶᬓᬦ᭄ᬦᬶᬓ᭄ᬫᬢᬶᬂᬧᬺᬚᬶ᭞ᬲᬫᬶᬲᬤᬢ᭄‌ᬳᬾᬯᬄᬳ