[᭘᭒ 82B]
᭘᭒
ᬫᬶ᭞ᬦᬤ᭄ᬬᬦ᭄ᬧ᭄ᬭᬂᬕᭂᬥᬾᬕᭂᬫ᭄ᬧᬸᬭᬦ᭄᭞ᬮᬦ᭄ᬳᬦᬓ᭄ᬳᬶᬗ᭄ᬲᬸᬦ᭄ᬢᬦ᭄ᬳᬶᬲᬶᬦ᭄᭞ᬫᬦᬶᬭᬢᬦ᭄ᬗᬯᬶᬢᬶ᭞᭠ᬢᬶᬗ᭄ᬕᬮ᭄ᬘᬭᬦᬾᬯᭀᬂᬳᬕᬸᬂ᭞ᬲᬸᬦᬦ᭄ᬓᬮᬶᬫ᭄ᬬᬵᬃᬱ᭞ᬤᬯᬸᬳᬾᬰ᭄ᬭᬷᬦᬭᬧᬢᬶ᭞ᬤᭂᬍᬕ᭄ᬤᬶᬍᬕ᭄ᬗᬦ᭄ᬤᬶᬓᬲᬚ᭄ᬭᭀ
ᬦᬶᬂᬤ᭄ᬭᬶᬬ᭟ᬢᬦ᭄ᬘᬶᬤ᭄ᬭᬮᬦ᭄ᬤᬯᬸᬳᬶᬭ᭞ᬜᬳᬶᬳᬕᭂᬂᬗᬫ᭄ᬧᬾᬮ᭄ᬕᬥᬶᬂ᭞ᬲᬶᬳᬾᬬᬂᬯᬸᬗ᭄ᬓᬸᬓ᭄ᬫ᭄ᬩᬺᬕᬕᬦ᭄᭞ᬫ᭄ᬩ᭄ᬭᬶᬕᬶᬕᬶᬄᬗ᭄ᬕᬕᬳᬶᬦᬵᬕ᭄ᬭᬶ᭞ᬢᬦ᭄ᬫᬶᬬᬢ᭄ᬯᬸᬚᬸᬤ᭄ᬤᬶᬭᬶ᭞ᬓᬸᬮᬶᬢ᭄ᬓᬶᬲᬸᬢ᭄ᬕᭂᬕᭂᬃᬯᬸᬗ᭄ᬓᬸᬓ᭄᭞ᬮᬫᬸᬦ᭄ᬳᬶᬓᬶᬫ᭄ᬩᬜ᭄ᬚᬸᬭ᭞ᬳᬜ
ᬩ᭄ᬭᬂᬫᬭᬂᬳᬶᬂᬩᬮᬶ᭞ᬳᭀᬭᬯᬸᬭᬸᬂᬓᬵᬃᬬ᭄ᬬᬵᬧ᭄ᬭᬂᬩ᭄ᬭᬢ᭄ᬣᬬᬸᬤ᭄ᬥ᭟ᬢᬹᬥᭂᬫᬓ᭄ᬫᬲᬫᭂᬦᬗ᭞ᬓ᭄ᬭᬡᬓᬢᬶ᭠ᬦ᭄ᬤᬶᬳᬦ᭄ᬲᬶᬲᬶᬧ᭄᭞ᬫᬸᬗ᭄ᬲᬸᬄᬭᬢᬸᬧᬶᬦ᭄ᬤᭀᬩᬧ᭞ᬓᬧᬶᬂᬢᭂᬮᬸᬦᬾᬫ᭄ᬩᭂᬘᬶᬓᬶ᭞ᬬᭂᬓ᭄ᬢᬶᬯᭀᬂᬢᬦᬄᬚᬯᬶ᭞ᬓᬂᬤᬸ
ᬭᬸᬂᬳᬶᬲ᭄ᬮᬫ᭄ᬲᬢᬸᬳᬸ᭞ᬳᬲᬶᬳᬶᬂᬭᬢᬸᬢᬸᬯ᭞ᬳᬗᬦ᭄ᬢᭂᬧ᭄ᬢᬗ᭄ᬓᭂᬧᬶᬂᬚᬸᬭᬶᬢ᭄᭞ᬬᭂᬓ᭄ᬢᬶᬳᬲᭀᬃᬯᭀᬂᬳᬶᬲ᭄ᬮᬫ᭄ᬢᬸᬫ᭄ᬧᭂᬲᬶᬂᬳᬧ᭄ᬭᬂ᭟ᬯᬸᬲᬦᬵᬳᬮᭀᬦ᭄ᬢᬸᬭᬶᬭ᭞ᬤᬸᬄᬧᬸᬓᬸᬮᬸᬦ᭄ᬰ᭄ᬭᬷᬪᬸᬧᬢᬶ᭞ᬲᬸᬧᬫᬶᬢᬸᬯᬦ᭄ᬮᬚᭃᬂᬦ᭞ᬭᬯᬸᬳᬶᬂ
[᭘᭓ 83A]
ᬦᬵᬕ᭄ᬭᬶᬩᬵᬮᬶ᭞ᬦᬶᬫ᭄ᬩᬮᬶᬧ᭄ᬭᬦᬵᬃᬧ᭄ᬧᬢᬶ᭞ᬬᭂᬓ᭄ᬢᬶᬧ᭄ᬭᬂᬕᭂᬫ᭄ᬧᬹᬃᬕᬶᬦᭂᬫ᭄ᬧᬹᬃ᭞ᬧᬸᬦᬧᬩᭀᬢᭂᬦ᭄ᬗᬾᬫᬦ᭄᭞ᬭᬶᬲᬓᬾᬦᬵᬕ᭄ᬭᬶᬚᬯᬶ᭞ᬲᬬᭂᬓ᭄ᬢᬶᬦᬾᬧᬸᬢ᭄ᬭᬧᬤᬸᬓᬓᬲᭀᬭᬦ᭄᭟ᬧᬥᬸᬓᬚᬸᬫᭂᬦᭂᬂᬦᬵᬣ᭞ᬢᬦ᭄ᬮᬫᬲᬸᬭᬸᬤ᭄ᬲᬂ
ᬳᬚᬶ᭞ᬓᬧ᭄ᬭᬪᭀᬦ᭄ᬚᬯᬓᭂᬮ᭄ᬬ᭞ᬲᬦᬾᬲ᭄ᬤᬭᬄᬧᬥᬸᬓᬳᬚᬶ᭞ᬲᬸᬧᬫᬶᬦᬶᬧᬸᬦ᭄ᬳᬜ᭄ᬚᬶᬂ᭞ᬋᬩᬢᬦ᭄ᬩ᭠ᬢᬶᬂᬗᬶᬂᬕᭂᬫ᭄ᬩ᭄ᬮᬸᬓ᭄᭞ᬓᬂᬓᭂᬭᬄᬢᬸᬮᬸᬲ᭄ᬓᭂᬭᬄ᭞ᬢᬸᬫ᭄ᬧᭂᬲᬦ᭄ᬲᬫᬶᬗᭂᬫᬲᬶ᭞ᬤᬕᬶᬂᬫᬦᬄᬓᬢᭂᬤᬲᬦᬾᬲᬶᬂᬲᭀᬦ᭟
ᬗᬦ᭄ᬤᬶᬓᬲᬂᬩᬺᬯᬶᬚᬬ᭞ᬮᬸᬯᬶᬄᬓᬵᬃᬱᬦᬾᬳ᭄ᬬᬂᬯᬶᬥᬶ᭞ᬳᬶᬗ᭄ᬲᬸᬦ᭄ᬭᬢᬸᬩᬶᬦᬢᬭ᭞ᬦᭂᬢᭂᬧᬶᬫᬢᬓᬸᬲᬶᬚᬶ᭞ᬢᬦ᭄ᬗᬗ᭄ᬕᭀᬫᬢᬓᬮᬶᬄ᭞ᬲᬶᬚᬶᬩᭂᬦᭂᬃᬧᬦᬶᬗᬮ᭄ᬓᬸ᭞ᬳᬶᬗ᭄ᬓᬂᬫᬶᬢᬸᬭᬸᬢ᭄ᬲᬭᬓ᭄᭞ᬧ᭄ᬭᬦᬵᬣᬦᬾᬩᬗ᭄ᬰᬢᬶ᭠
ᬗ᭄ᬕᬶ᭞ᬬᬾᬦ᭄ᬲᬶᬧᬢᬄᬗ᭄ᬭᬱᬤ᭄ᬯᬾᬩᬧᬦᬶᬸᬫ᭄ᬭᬶᬂᬯᬂ᭟ᬓᬧᬾᬗᬶᬦ᭄ᬤᬤᬶᬦᬭᬾᬦ᭄ᬤ᭄ᬭᬵ᭞ᬤᬸᬲᬸᬯᬸᬦᬓ᭄ᬭᬡᬩᭂᬘᬶᬓ᭄᭞ᬓᬭᬣᭀᬦᬶᬂᬢᬦᬄᬚᬯ᭞ᬲᬸᬦ᭄ᬧᬭᬶᬗ᭄ᬓᬾᬢᬦᬩᭂᬘᬶᬓ᭄᭞ᬳᬶᬗ᭄ᬲᬸᬦ᭄ᬯᬸᬲ᭄ᬓᬓᬶᬓᬓᬶ᭞ᬯᬸᬲ᭄ᬯᬋᬕ᭄ᬚᬸᬫᭂᬦᭂᬂ᭠
Kaca:Bali-lontar-gaguritan-dharmma-gandul-300ppi.pdf/83
Kaca puniki sampun kauji-wacén
