Kaca:Bali-lontar-gaguritan-dharmma-gandul-300ppi.pdf/62

Saking Wikisource
Kaca puniki sampun kauji-wacén

[᭖᭑ 61B]
᭖᭑
ᬢᬶᬳᬶᬂᬓᬸᬦ᭄ᬢᬸᬮ᭄᭞ᬘᭂᬫᭂᬂᬧᬗᬦᬦᬶᬭ᭞ᬧᬸᬢᬶᬄᬜ᭄ᬚᬩᬳᬶᬂᬚ᭄ᬭᭀᬓᬸᬦᬶᬂ᭞ᬢᬦ᭄ᬧᬕᬸᬡᬫᬘᬓᬶᬢᬩ᭄ᬲᬩᬦ᭄ᬤᬶᬦ᭟ᬤᬸᬓᬸᬧ᭄ᬫᬃᬕ᭄ᬕᬶᬦᬾᬳᬾᬬᬗᬶᬭ᭞ᬲᬶᬭᬲᭀᬯᬦ᭄ᬜᬸᬯᬸᬦ᭄ᬳᬶᬤᬶ᭞ᬳᬵᬃᬣᬫ᭄ᬩᭂᬥᬄᬫᬚᬍᬗ᭄ᬓ᭞ᬳᬾᬬᬂᬫᬸ
ᬳᭀᬭᬫᬋᬗᬶ᭞ᬤᬯᬸᬳᬾᬯᬦ᭄ᬢᬶᬯᬦ᭄ᬢᬶ᭞ᬳᬫᬚᬸᬫ᭄ᬲᬸᬄᬮᬦ᭄ᬭᬫᬫᬸ᭞ᬲᬳᬶᬓᬶᬬᬂᬫᬸᬲᬾᬦ᭄ᬥ᭞᭠ᬯᬯᬍᬃᬤᬾᬦ᭄ᬢ᭄ᬭᬚᬂᬯᬦᬶ᭞ᬲᬦ᭄ᬢ᭄ᬭᬶᬳᬧᬯᬍᬲᬾᬳᬾᬬᬂᬢᬶᬦ᭄ᬭᬚᬂ᭟ᬲᬶᬭᬜ᭄ᬚᬮᬸᬓ᭄ᬳᬶᬤᬸᬫ᭄ᬭᬶᬂᬯ᭄ᬯᬂ᭞ᬢᭂᬢᭂᬫᬶᬸᬧ᭄ᬫᬸᬤᬤᬶ
ᬦᬵᬃᬧ᭄ᬧᬢᬶ᭞ᬫᬸᬢᭂᬭᬶᬂᬭᬵᬳᬢ᭄ᬢᬦᬄᬚᬯ᭞ᬳᬶᬗ᭄ᬲᬸᬦ᭄ᬢᬦ᭄ᬯᬚᬶᬩ᭄ᬗᬶᬤᬾᬦᬶ᭞ᬩᬗ᭄ᬲᬘᬶᬮᬶᬓ᭄ᬢᬹᬃᬳᬾᬲ᭄ᬢ᭄ᬭᬶ᭞ᬢᬦ᭄ᬯᬦᬶᬗᬶᬤᬾᬦᬶᬭᬢᬸ᭞ᬳᬭᬦ᭄ᬯᬮᬶᬓ᭄ᬪᬸᬯᬡ᭞ᬳᬶᬤᬶᬓᬸᬢᬫ᭄ᬩᬄᬫ᭄ᬮᬭᬢᬶ᭞ᬩᬮᬶᬓ᭄ᬲᬶᬭᬯᬚᬶᬩ᭄ᬧᬭᬶᬂᬳᬶᬤᬶᬫ᭄ᬭᬶᬂ
ᬯ᭄ᬯᬂ᭟ᬓᬭᬡᬘ᭄ᬙᬵᬮᬶᬧᬮᬸᬮ᭄ᬮᬄ᭞ᬳᬶᬂᬲᬚ᭄ᬭᭀᬦᬶᬂᬢᬦᬄᬚᬯᬶ᭞ᬫᬸᬂᬲᬶᬭᬤᬾᬯᬾᬓᬂᬮᬸᬯ᭞ᬲᬳᬸᬘᬧ᭄ᬫᬸᬳᬶᬤᬸᬕᭂᬦᬶ᭞ᬓᬂᬫᬸᬗ᭄ᬕᬸᬄᬓᬬᬫᬫᬶ᭞ᬢᬸᬯᬢᬸᬯᬲ᭄ᬳᬭᬦᬶᬧᬸᬦ᭄᭞ᬫᭂᬢᬸᬳᬯᬦ᭄ᬓᬫᬸᬮᬦ᭄᭞ᬫᭂᬢᬸᬳᬾᬜ᭄ᬚᬶᬂᬯᭂ᭠
[᭖᭒ 62A]
ᬤᬶᬳᬢᬶᬲ᭄᭞ᬳᬫᬸᬂᬲᬶᬭᬳᬶᬗ᭄ᬓᬂᬢᭂᬢᭂᬧ᭄ᬢᬸᬯᬜᬢ᭟ᬧᬸᬢᬸᬲᬸᬦ᭄ᬫᬶᬲᬶᬮᬶᬲᬶᬭ᭞ᬘᬭᬶᬢ᭄ᬣᬧᬢᬂᬧ᭄ᬭᬦᬯᬶᬲ᭄᭞ᬯᭀᬂᬗ᭄ᬕᬾᬕᬾᬓᬧ᭄ᬭᬪᭀᬦ᭄ᬩᬧ᭞ᬳᬶᬂᬓᬶᬢᬩ᭄ᬳᬶᬓᬬᬢ᭄ᬝᬸᬦᬶ᭞ᬘᬭᬶᬢ᭄ᬣᬢᬦᬄᬫᭂᬲᬶᬃ᭞ᬧᬜ᭄ᬚᭂᬦᭂᬗᬦ᭄ᬦᬪᬶᬤ
ᬯᬸᬢ᭄᭞ᬧᬸᬢ᭄ᬭᬦᬶᬭᬓᬂᬢᬸᬯ᭞ᬳᬩᬾᬲᬮᬫ᭄ᬳᬶᬗ᭄ᬓᬂᬦᬵᬫᬶ᭞ᬫᬸᬗ᭄ᬲᬸᬄᬩᬧᬳᬗ᭄ᬕᬾᬕᬾᬦᬧ᭄ᬭᬪᭀᬦᬶᬭ᭟ᬤᬯᬸᬢ᭄ᬓᬾᬗ᭄ᬲᭂᬃᬲᬓᬶᬂᬧ᭄ᬭᬚ᭞ᬳᬩᬾᬲᬮᬫ᭄ᬓᬂᬕᬸᬫᬦ᭄ᬢᬶ᭞ᬲᬯᬸᬲᬾᬳᬦ᭄ᬢᬭᬯᬃᬱ᭞ᬦᬪᬶᬤᬯᬸᬢ᭄ᬲᬵᬃᬣᬤᬲᬶᬄ᭞
ᬯᬗ᭄ᬲᬸᬮ᭄ᬳᬫᬸᬓᬸᬮ᭄ᬦᬕ᭄ᬭᬶ᭞ᬲᬂᬳᬩᬾᬲᬮᬫ᭄ᬮᬸᬫᬬᬸ᭞ᬳᬗᬸᬗ᭄ᬰᬶᬯᬦᬯᬦ᭞ᬕᬶᬦᬯᬫ᭄ᬩᬦ᭄ᬤᬂᬢᬸᬭᬗ᭄ᬕᬶ᭞ᬧᬦ᭄ᬓᬘᬦ᭄ᬢᭀᬮ᭄‌ᬢᭂᬗ᭄ᬕᬓ᭄ᬜᬳᭀᬬᭀᬤᬶᬂᬯᬺᬓ᭄ᬱ᭟ᬓᬸᬤᬦᬾᬫ᭄ᬩᭂᬂᬭᬸᬂᬮᬸᬫᬚᬃ᭞ᬳᬩᬾᬲᬮᬫ᭄ᬳᬶᬓᬸᬓᬭᬶ᭞ᬢᭂᬗ᭄ᬕᬓ᭄ᬜ
ᬓᬘᬦ᭄ᬢᭀᬮ᭄ᬮᬝ᭞ᬕᬸᬫᬦ᭄ᬢᬸᬂᬯᬺᬓ᭄ᬱᬗᭂᬫᬲᬶ᭞ᬳᬶᬓᬸᬓᬸᬓᬸᬫᬾᬯᬶᬘᬶ᭞ᬬᬾᬦ᭄ᬯᭀᬂᬫᬸᬗ᭄ᬲᬸᬄᬩᬧ᭠ᬭᬢᬸ᭞ᬫᬮᬶᬄᬳᬦᬘᬭᬶᬢ᭄ᬣ᭞ᬳᬶᬂᬢᬦᬄᬚᬯᬭᬸᬫᬶᬬᬶᬦ᭄᭞ᬭᬢᬸᬫᭂᬥᬂᬲᬂᬧ᭄ᬭᬪᬸᬤᬾᬯᬣᬘᭂᬗ᭄ᬓᬃ᭟ᬳᬗ᭄ᬕᬾᬕᬾ