Kaca:Bali-lontar-gaguritan-dharmma-gandul-300ppi.pdf/48

Saking Wikisource
Kaca puniki sampun kauji-wacén

[᭔᭗ 47B]
᭔᭗
ᬬ᭄ᬬᬵᬦᬾᬓᬂᬳᬶᬲ᭄ᬮᬫ᭄ᬲᬤ᭄ᬥᬬ᭞ᬳᬶᬗ᭄ᬓᬂᬗᬶᬤᬾᬦᬶᬳᬥᭂᬕᬾ᭞ᬧᬭᬲᬸᬦᬦ᭄ᬲᬥᬵᬭᬸᬫ᭄᭞ᬲᬳᬯᬤ᭄ᬬᬩᬶᬬᬦ᭄ᬢᬸᬓᬵᬧ᭄ᬢᬶ᭞ᬳᬫ᭄ᬩᭂᬤᬄᬫᬚᬍᬗ᭄ᬓ᭞ᬚᬚᬸᬮᬸᬓᬾᬧ᭄ᬭᬪᬸ᭞ᬲᬾᬦᬧᬢᬶᬚᬶᬫ᭄ᬪᬸᬦᬶᬂᬭᬵᬢ᭄᭞ᬓᬂᬧᬶᬦᬸ
ᬚᬶᬓᬂᬤᬾᬦ᭄ᬳᭂᬫ᭄ᬩᬸᬦ᭄ᬯᭀᬂᬲᬪᬸᬫᬶ᭞ᬲᬫᬗ᭄ᬓᬾᬲᬵᬫ᭄ᬧᬸᬦ᭄ᬩᬶᬤᬮ᭄᭟ᬫᬸᬓᬸᬮᬶᬂᬧ᭄ᬭᬂᬦᬕ᭄ᬭᬶᬫᬚᬧᬳᬶᬢ᭄᭞ᬲᬳᬩᬵᬮᬲᬓᬧ᭄ᬭᬪᭀᬦ᭄ᬬᬸᬥ᭞ᬯᬤ᭄ᬬᬢ᭄ᬭᬶᬮᬓ᭄ᬱᬓᬢᬳᬾ᭞ᬫᭂᬗ᭄ᬕᬳᬶᬂᬓᭀᬜ᭄ᬚᭀᬓᬶᬧᬸᬦ᭄᭞ᬫ
ᬳᬧ᭄ᬭᬪᬸᬳᬶᬂᬫᬚᬧᬳᬶᬢ᭄᭞ᬲᬸᬫᬗ᭄ᬕᬮᬸᬭᬄᬧᬢ᭄ᬬ᭞ᬲᬸᬭᬵᬢ᭄ᬢᬶᬢᬶᬲᬵᬫ᭄ᬧᬸᬦ᭄᭞ᬧᬢᬶᬢᬗ᭄ᬕᬮ᭄ᬓᬧᬶᬂ᭠ᬢᬶᬕ᭞ᬯᬸᬮᬦ᭄ᬫᬸᬮᬸᬤ᭄‌ᬢᬳᬸᬦ᭄ᬚᬶᬫᬅ᭄ᬳᬶᬃᬳᬾᬢᬗᬶᬦ᭄᭞ᬰᬾᬯᬸᬢ᭄ᬭᬶᬳᬢᬸᬲ᭄ᬳᬱ᭄ᬝ᭟ᬫᬱᬲᬗ᭄ᬳᬧ᭄ᬭᬗ᭄ᬩᬓᬢ᭄ᬯᬸᬓᬸ᭠
ᬦᬶᬂ᭞ᬓ᭄ᬬᬦᬧᬢᬶᬄᬯᬸᬲ᭄ᬦ᭄ᬬᬫᬳᭀᬲ᭄ᬲᭂᬭᬵᬢ᭄᭞ᬜ᭄ᬚᭂᬦ᭄ᬢᬸᬂᬜ᭄ᬚᭂᬕᬺᬕ᭄ᬓᭂᬭᭀᬢ᭄ᬕᬾᬤᬾᬕ᭄᭞ᬢᬸᬫᭂᬗᬾᬂᬢᬯᬂᬜᭂᬩᬸᬢ᭄᭞ᬬᬪᬝᬵᬭᬤᬾᬯᬓᬂᬮᬸᬯᬶᬄ᭞ᬲᬸᬦ᭄ᬕᬯᭀᬓ᭄ᬭᬢ᭄ᬣᬳᬮ᭞ᬯᭀᬂᬳᬶᬲ᭄ᬮᬫ᭄ᬲᬥᬵᬭᬸᬫ᭄᭞
[᭔᭘ 48A]
ᬢᬦ᭄ᬯ᭄ᬭᬸᬄᬩᭂᬘᬶᬓᬦ᭄ᬭᬚ᭞ᬳᬕᬫᬦᬾᬳᬦᬮ᭄ᬳᬮᬫᬾᬯᭀᬂᬕᬶᬭᬶ᭞ᬫᬸᬜᭂᬂᬳᬗᭂᬦ᭄ᬢᬸᬧ᭄ᬯᬸᬦ᭄ᬢᬢ᭄᭟᭐᭚ᬧᬗ᭄ᬓᬸᬃ᭚ᬓᬶᬧᬢᬶᬄᬯᬗ᭄ᬲᬸᬮ᭄ᬫ᭄ᬭᬶᬂᬧᬸᬭ᭞ᬧ᭄ᬭᬧ᭄ᬢᬾᬗᬵᬃᬱᬦᭂᬫ᭄ᬩᬄᬳᬸᬫᬵᬢᬹᬃᬳᬭᬶᬲ᭄᭞ᬤᬸᬄᬧᬸᬓᬸ
ᬮᬸᬦ᭄ᬫᬳᬵᬧ᭄ᬭᬪᬸ᭞ᬫᬶᬥᬍᬫ᭄ᬳᬸᬜ᭄ᬚᬸᬓ᭄ᬧ᭄ᬭᬶᬓ᭄ᬱ᭞ᬧᬸᬢ᭄ᬭᬥᬍᬫ᭄ᬤᬶᬧᬢᬶᬥᭂᬫᬓ᭄ᬫᬗ᭄ᬓᬾᬯᬸᬲ᭄᭞ᬫᬥᭂᬕ᭄ᬦᬵᬣᬳᬦᬾᬂᬥᭂᬫᬓ᭄᭞ᬚᬚᬸᬮᬸᬓᬶᬧᬸᬦ᭄ᬦᬵᬃᬧ᭄ᬧᬢᬶ᭟ᬰᬾᬦᬧᬢᬶᬚᬶᬫ᭄ᬩᬸᬦᬶᬂᬭᬵᬢ᭄᭞ᬧᬭᬲᬸᬦᬦ᭄ᬳᬶᬗ᭄ᬓᬂᬗᬗ᭄ᬓᬢᬗᬶ
ᬤᬾᬦᬶ᭞ᬮᬯᬵᬦ᭄ᬪᬸᬧᬢᬶᬲᬥᬵᬭᬹᬫ᭄᭞ᬧᬲᬶᬲᬶᬃᬓᬂᬯᬸᬲ᭄ᬳᬶᬲ᭄ᬮᬫ᭄᭞ᬧᬢ᭄ᬭᬥᬍᬫ᭄‌ᬲᬯᬤ᭄ᬬᬓᬸᬤᬮ᭄ᬯᬸ᭠ᬲ᭄᭞ᬳᬗ᭄ᬮᬸᬭᬸᬕ᭄ᬫ᭄ᬭᬶᬂᬫᬚᬍᬗ᭄ᬓ᭞ᬳᬓᬵᬃᬬᬪᬸᬯᬡᬩᬮᬶᬓ᭄᭟ᬓᬕᬾᬢ᭄ᬧ᭄ᬭᬪᬸᬪ᭄ᬭᬯᬶᬚᬬ᭞ᬗ᭄ᬕᭂᬢᬸᬦ᭄ᬗᬸᬦ᭄ᬗᬸᬦ᭄ᬕᬸᬫᬸᬦ᭄ᬤ
ᬗᬸᬢᬦ᭄ᬳᬗ᭄ᬮᬶᬂ᭞ᬜ᭄ᬚᭂᬕᭂᬕ᭄ᬕᭂᬋᬂᬕᭂᬋᬂᬤᬗᬸ᭞ᬗ᭄ᬕᬕᬶᬲ᭄ᬚ᭄ᬭᬵᬦᬶᬂᬯᬃᬤ᭄ᬥᬬ᭞ᬳᬶᬗ᭄ᬓᬂᬧᬸᬢ᭄ᬭᬮᬯᬵᬦ᭄ᬪᬸᬧᬢᬶᬲᬥᬵᬭᬹᬫ᭄᭞ᬓᭀᬮᬸᬗ᭄ᬭᬸᬲᬓ᭄ᬫᬚᬍᬗ᭄ᬓ᭞ᬲᬓᬵᬃᬱᬦᬾᬤᬾᬦ᭄ᬢᬸᬭᬸᬢᬶ᭟ᬳᬶᬗᬶᬤᬾᬦ᭄ᬧᬶᬦᬭᬶᬗ᭄ᬕ᭄ᬬᬦ᭄ᬧᬗ᭄ᬓᬢ᭄᭞