Kaca:Bali-lontar-gaguritan-dharmma-gandul-300ppi.pdf/46

Saking Wikisource
Kaca puniki sampun kauji-wacén

[᭔᭕ 45B]
᭔᭕
ᬱ᭄ᬝᬭᬾᬓ᭄ᬓᬾᬳᬶᬂᬲᬓᬵᬃᬱᬦᬶᬭ᭞ᬲᬂᬳᬤᬶᬧᬢᬶᬳᬥᭂᬕᬾ᭞ᬕ᭄ᬬᬳᬶᬗᬾᬤᬾᬦᬦ᭄ᬲᬵᬫ᭄ᬧᬸᬦ᭄᭞ᬲᬂᬤᬶᬧᬢᬶᬚᭂᬫᭂᬦᭂᬂᬳᬚᬶ᭞ᬳᬫᭂᬗ᭄ᬓᬸᬢᬦᬄᬚᬯ᭄ᬯ᭞ᬚᬚᬸᬮᬸᬓᬾᬭᬢᬸ᭞ᬲᬂᬦᬵᬃᬧ᭄ᬧᬢᬶᬚᬶᬫ᭄ᬩᬸᬦᬶᬂᬭᬵᬢ᭄᭞ᬓᬂᬧᬶᬦᬸ
ᬚᬶᬤᬾᬦ᭄ᬳᭂᬫ᭄ᬩᬸᬦ᭄ᬳᬸᬯᭀᬂᬲᬩᬸᬫᬶ᭞ᬓᬂᬤᬬᬧᬢᬶᬳᬶᬭ᭟ᬢ᭄ᬬᬂᬲᬓᬶᬂᬦᬕ᭄ᬭᬶᬳᬢᬲ᭄ᬳᬗᬶᬦ᭄᭞ᬳᬚᬚᬸᬮᬸᬦ᭄ᬓᬶᬧᬢᬶᬄᬫᬗ᭄ᬓᬸᬭᬵᬢ᭄᭞ᬓᬂᬤᬬᬕᬕᬸᬦᬸᬗᬦᬾ᭞ᬯᬤ᭄ᬬᬳᬶᬲ᭄ᬮᬫ᭄ᬲᬥᬵᬭᬸᬫ᭄᭞ᬲᬾᬦᬵᬧᬢᬶᬫᬗ᭄ᬕᬮᬾᬂᬚᬸᬭᬶ
ᬢ᭄᭞ᬓᬓᬮᬶᬳᬾᬧ᭄ᬭᬲᬸᬦᬦ᭄᭞ᬗᬸᬤᬸᬂᬮᬦ᭄ᬳᬶᬂᬓᬸᬤᬸᬲ᭄᭞ᬳᬧᬦ᭄ᬲᬵᬫ᭄ᬧᬸᬦ᭄ᬳᬶᬗᬾᬲ᭄ᬢ᭄ᬭᬾᬦᬦ᭄᭞ᬕᭂᬃ᭠ᬕᬸᬫᬸᬭᬸᬄᬳᬸᬃᬫ᭄ᬫᬢ᭄ᬫ᭄ᬭᬶᬬᭂᬫ᭄ᬯᬦ᭄ᬢᬶᬯᬦ᭄ᬢᬶ᭞ᬲᬸᬦᬦ᭄ᬯᬸᬲᬾᬳᬶᬮ᭄ᬮᬮ᭄ᬮᬄ᭟ᬲᬋᬂᬳᬾᬜ᭄ᬚᬶᬂᬲᬫᭂᬓ᭄ᬢᬗᬚᬸᬭᬶᬢ᭄᭞ᬧᬭᬲᬸᬦ
ᬦ᭄᭞ᬮᬦ᭄ᬲᬕᬸᬂᬪᬸᬧᬢ᭄ᬬ᭞ᬏᬫ᭄ᬩᬕᬺᬩᭂᬕᬦ᭄ᬮᬓᬸᬦᬾ᭞ᬭᬶᬬᬬᬩᬓ᭄ᬤᬫᬸᬮᬸᬤ᭄᭞ᬯᬤ᭄ᬬᬳᬮᬶ᭠ᬢ᭄ᬢᬦ᭄ᬳᬦᬗᬺᬢ᭄ᬢᬶ᭞ᬳᬶᬂᬯᬤᬶᬦᬶᬭᬵᬮᬫ᭄ᬧᬄ᭞ᬳᬫᬸᬂᬧ᭄ᬭᬢᬸᬫᭂᬗ᭄ᬕᬸᬂ᭞ᬓᬂᬲᬵᬫ᭄ᬧᬸᬦ᭄ᬳᬕᬫᬶᬳᬶᬲ᭄ᬮᬫ᭄᭞ᬧᬭᬲᬸᬦᬦ᭄ᬭᬸ
[᭔᭖ 46A]
ᬫᬦ᭄ᬢᬶᬲᬶᬓᭂᬧ᭄ᬳᬚᬸᬭᬶᬢ᭄᭞ᬲᬸᬦᬦ᭄ᬕᬶᬭᬶᬮᬦ᭄ᬩᬾᬦᬂ᭟ᬤᬭᬢ᭄ᬚᬸᬫᬸᬢ᭄ᬫᬭᬂᬫᬚᬧᬳᬶᬢ᭄᭞ᬲᬤᬬᬦᬾᬯᬸᬲ᭄ᬲᭂᬧᬸᬄᬢᬦ᭄ᬓᬸᬯᬢ᭄᭞ᬳᬫᬸᬂᬧᬭᬶᬂᬳᬶᬤᬶᬩᬳᬾ᭞ᬭᬳᬬᬸᬦᬶᬭᬮᬓᬸᬲᬮᬢ᭄ᬓᬚᬢ᭄ᬯᭀᬦ᭄ᬢᭂᬦᬶᬂᬫᬲ᭄ᬚᬶᬤ᭄᭞ᬳᬫᬸᬂᬓᬂ
ᬧᬭᬲᬸᬦᬦ᭄᭞ᬪᬸᬧᬢᬶᬲᬥᬵᬭᬸᬫ᭄᭞ᬳᬸᬫᬶᬭᬶᬂᬲᬸᬮ᭄ᬢᬦ᭄ᬪᬶᬦ᭄ᬢᬭ᭞ᬢᬦ᭄ᬯᬶᬦᬵᬃᬡ᭄ᬦᬳᬶᬂᬫᬵᬃᬕ᭄ᬕᬮᬫ᭄ᬧᬳᬶᬂᬩᬭᬶᬲ᭄᭞ᬓᭀᬘᬧᬫᬚᬵᬍᬗ᭄ᬓ᭟ᬧᬢᬶᬄᬕᬚᬄᬫᬥᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬲᬓᬶᬂᬕᬶᬭᬶᬮᬚᭂᬫᬜ᭄ᬚᬶᬂᬧᬸᬭ᭞ᬧ᭄ᬭᬧ᭄ᬢᬗᬃ᭠
ᬱᬦᬾᬲᬂᬭᬚᬾᬂ᭞ᬦᭂᬫ᭄ᬩᬄᬲᬵᬃᬯ᭄ᬯᬶᬳᬸᬫᬵᬢᬹᬃ᭞ᬳᬩ᭄ᬤᬶᬤᬍᬫ᭄ᬓᬤᬸᬢᬧ᭄ᬭᬳᬧ᭄ᬢᬶ᭞ᬫᬸᬓᬸᬮ᭄ᬧ᭄ᬭᬂᬕᬶᬭᬶᬭᬹᬧ᭞ᬮᬸᬫᬯᬦᬶᬂᬕᬸᬧᬸᬄ᭞ᬰᬾᬦᬧᬢᬶᬦᬾᬗᬬᬸᬤ᭄ᬥ᭞ᬩᬗ᭄ᬰᬘᬶᬦ᭄ᬢᭂᬦ᭄ᬓᬂᬲᬫᬶᬫᬲᬸᬓ᭄ᬳᬕᬫᬶ᭞ᬯᬱ᭄ᬝᬦᬾᬲᭂᬘᬰᬾᬦᬵ᭟
ᬫᬗ᭄ᬲᬄᬫᭂᬜ᭄ᬘᬓ᭄ᬤᬤᬫᭂᬮᬾᬳᬩᬶᬃ᭞ᬲᬯᬤ᭄ᬬᬦᬾ᭞ᬢ᭄ᬭᬶᬳᬢᬸᬲ᭄ᬲᬥᬬ᭞ᬲᬫᬶᬫᭂᬜ᭄ᬘᬓ᭄ᬓᬯᬶᬚ᭄ᬜᬦᬾ᭞ᬩᬺᬗᭀᬲ᭄ᬘᬧᬂᬦ᭄ᬤᬲ᭄ᬕᬸᬦ᭄ᬤᬸᬮ᭄᭞ᬫᬯᬶᬲᬺᬩᬦ᭄ᬧᬗᬗ᭄ᬕᬾᬓᬚᬶ᭞ᬫᬗ᭄ᬲᬄᬧ᭄ᬭᬂᬲᬸᬭᬓ᭄ᬫᭂᬜ᭄ᬘᬓ᭄᭞ᬓᬤᬶᬯᬮᬂ᭠

Kapolihang saking "https://ban.wikisource.org/w/index.php?title=Kaca:Bali-lontar-gaguritan-dharmma-gandul-300ppi.pdf/46&oldid=29938"