[᭓᭖ 36B]
᭓᭖
ᬲᬶᬩᬢᬾᬳᬮ᭄ᬮᬄ᭞ᬦᬵᬕᬭᬶᬘᬶᬮᬓᬳᬭᬦᬾ᭞ᬢᬶᬬᬂᬜᭂᬩᬸᬢ᭄ᬲᬶᬬᬲᬶᬬ᭞ᬤᬢᭂᬂᬳᬰ᭄ᬫᬦᬶᬂᬳᬮ᭄ᬮᬄ᭞ᬓᬢᬄᬯᬥᬾᬩᬗ᭄ᬰᬦᬶᬧᬸᬦ᭄᭞ᬓᬶᬦᬵᬃᬬ᭄ᬬᬩᬸᬤᬓ᭄ᬢᬸᬫ᭄ᬩᬲᬦ᭄᭟ᬚᬶᬦᬫᬄᬓᬂᬢᬦ᭄ᬧᬓᬯᬶᬦ᭄᭞ᬧᬶ
ᬦᬤᬓ᭄ᬓᬾᬲᬢᭀᬓᬾᬯᬦ᭄᭞ᬢ᭄ᬬᬂᬓᬂᬲᬦᬾᬰᬕᬫᬶᬦᬾ᭞ᬢᬦ᭄ᬳᬾᬗᭂᬢ᭄ᬲᬫᬶᬫᬦᬸᬱ᭞ᬲᬫᬶᬢᬸᬭᬸᬦᬾᬳᬥᬫ᭄᭞ᬧᬥᬸᬓᬓᭂᬲᬄᬤᬾᬦ᭄ᬕᬸᬧᬸᬄ᭞ᬧᬥᬸᬓᬢᬶᬬᬂᬤᬸᬭᬓ᭟ᬯᭀᬦ᭄ᬢᭂᬦᬶᬂᬗ᭄ᬭᬶᬓᬶᬫᬭᬳᬶ᭞
ᬲᬓᬶᬢ᭄ᬳᬬᬦ᭄ᬢᬶᬬᬂᬓᬢᬄ᭞ᬗᬤᭂᬕ᭄ᬫᬤᭂᬧ᭄ᬗᬸᬮᭀᬦ᭄ᬫ᭄ᬩᬾᬗ᭄ᬓᭀᬓ᭄᭞ᬲᬓᭂᬥᬧ᭄ᬳᬘᭂᬮᬸᬫᬶᬓᬦ᭄᭞᭠ᬜ᭄ᬚᬸᬗ᭄ᬓᬶᬃᬳᬗᬭᬲ᭄ᬓᬶᬰ᭄ᬫ᭞ᬲᬭᬯᬬᬦ᭄ᬢᬗᬦᬶᬧᬸᬦ᭄᭞ᬢ᭄ᬬᬂᬓᬵᬮᬧ᭄ᬗ᭄ᬮᬗᬶᬤᬭᬢᬦ᭄᭟ᬦᬵᬕᬭᬶᬓᬥᬶᬭᬶ᭠
ᬗ᭄ᬭᬶᬓᬶ᭞ᬦᬶᬓᬶᬦᬵᬕ᭄ᬭᬶᬰᬸᬘᬶᬫᬮ᭄ᬬ᭞ᬦᬤ᭄ᬬᬦ᭄ᬳᬲᬺᬧ᭄ᬢᬦ᭄ᬧᬦᬲᬾ᭞ᬘᬶᬢᬶᬧᬲᬶᬃᬫᬶᬭᬄᬢᭀᬬ᭞ᬩᬭᬂᬢᬶᬦᬦᭂᬫ᭄ᬫᭂᬤᬮ᭄᭞ᬳᬾᬲ᭄ᬢ᭄ᬭᬶᬳᬬᬸᬚᬍᬃᬩᬕᬸᬲ᭄᭞ᬤᬤ᭄ᬬᬮᬸᬯᭂᬲ᭄ᬓᬂᬯᬶᬘᬭ᭟ᬋᬫ᭄ᬩᬕ᭄ᬧᬤᬸᬓᬧᬸᬦᬶ
[᭓᭗ 37A]
ᬓᬶ᭞ᬤᬾᬤᬾᬋᬫ᭄ᬩᬕ᭄ᬳᬳ᭄ᬮᬶᬧ᭄ᬭᬚ᭞ᬋᬫ᭄ᬩᬕᬾᬢ᭄ᬬᬂᬲᬩᬢᭂᬭᭀᬂ᭞ᬧ᭄ᬭᬘᬬᬓᬂᬳᭀᬭᬳᭀᬭ᭞ᬬᬾᬦ᭄ᬤᬶᬓᬳᬵᬃᬱᬯᬶᬦᬦ᭄᭞ᬢᭂᬗᬳᬾᬚᬕᬤ᭄ᬲᬢᬸᬳᬸ᭞ᬳᬶᬂᬗ᭄ᬭᬶᬓᬶᬗ᭄ᬕᬾᬦ᭄ᬓᬸᬮᬍᬗ᭄ᬕᬄ᭟ᬓᬂᬬᬰ
ᬋᬘᬧᬸᬦᬶᬓᬶᬸᬓᬶ᭞ᬫᬳᬵᬧ᭄ᬭᬪᬸᬚᬬᬪᬬ᭞ᬮᬗ᭄ᬓᬸᬂᬢᬸᬯᬦ᭄ᬤᬶᬕ᭄ᬚᬬᬦᬾ᭞ᬧᬥᬸᬓᬫᬲᬩᬶᬲᬳ᭞ᬗᭂᬧᬮ᭄ᬮᬫ᭄ᬧᬳᬶᬂᬚᬦ᭄ᬫ᭞ᬧᬥᬸᬓᬓᬾᬲᬄᬤᬾᬦ᭄ᬕᬸᬧᬸᬄ᭞ᬬᬾᬦ᭄ᬢᬦ᭄ᬓᬾᬲᬄᬧᬧᬸᬦᬶᬓ᭟ᬲᬸᬦ᭄ᬳᬸᬦ᭄ᬤᬗᬓᬾ
ᬭᬶᬫᬫᬶ᭞ᬢᬸᬗ᭄ᬕᬸᬮ᭄ᬯᬸᬮᬸᬂᬓᭂᬢᬸᬢ᭄ᬳᬃᬕ᭄ᬕ᭞ᬧᬥᬸᬓᬓᬯᬸᬮᬓ᭄ᬭᭀᬬᭀᬓ᭄᭞ᬧᬥᬸᬓᬫᬲᬫᭂ᭠ᬦᬗᭃ᭞ᬦᬸᬦ᭄ᬢᭂᬦ᭄ᬓᬯᬸᬮᬩᭂᬓ᭄ᬢ᭞ᬫᬼᬩᭂᬢ᭄ᬓᬯᬄᬋᬤ᭄ᬥᬶᬓᭂᬮᬸᬢ᭄᭞ᬲᬬᬾᬓ᭄ᬢᬶᬧᬥᬸᬓᬲᬸᬲᬄ᭟ᬦᬧᬧᬥᬸ
ᬓᬓᬧᬾᬗᬶᬦ᭄᭞ᬫᬗ᭄ᬕᬾᬰᬾᬮᬓᬤᭀᬲ᭄ᬓᬸᬮ᭞ᬲᬸᬫᬗ᭄ᬕᬫ᭄ᬭᬶᬂᬰᬾᬮᬩᬮᬾ᭞ᬤᬤᭀᬲᬫᬸᬭᬶᬤ᭄ᬓᬯᬸᬮ᭞ᬲᬸᬦᬦ᭄ᬩᬾᬦᬂᬗᬦ᭄ᬤᬶᬓ᭞ᬢᬦ᭄ᬲᬸᬤ᭄ᬥᬶᬦᬸᬭᬸᬢ᭄ᬋᬫ᭄ᬩᬸᬕ᭄ᬫᬸ᭞ᬲᬶᬭᬲᬾᬢᬦ᭄ᬩ᭄ᬭᬓᬲᬓ᭠
Kaca:Bali-lontar-gaguritan-dharmma-gandul-300ppi.pdf/37
Kaca puniki sampun kauji-wacén
