Kaca:Bali-lontar-gaguritan-dharmma-gandul-300ppi.pdf/141

Saking Wikisource
Kaca puniki sampun kauji-wacén

[᭑᭔᭐ 140B]
᭑᭔᭐
ᬦᬬ᭞ᬲᬫ᭄ᬬᬫᬸᬱ᭄ᬡᬵᬓᬤᬸᬂᬰ᭄ᬭᬷᬦᬭᬧᬢᬶ᭞ᬓᬮᬗ᭄ᬓᬸᬂᬧᬗᬸᬗᬸᬦᬶᬧᬸᬦ᭄᭞ᬦ᭄ᬚᭂᬢᬸᬂᬳᬦᭂᬗ᭄ᬕᬓ᭄ᬯᬱ᭄ᬧ᭞ᬳᬗᬦ᭄ᬤᬶᬓᬵᬳᬾᬲᬳᬶᬢ᭄ᬓᬯ᭄ᬭᬸᬳᬦᬫᬸ᭞ᬳᬶᬂᬩᬾᬲᬸᬓ᭄ᬦᬵᬕ᭄ᬭᬶᬩ᭄ᬮᬫ᭄ᬩᬗᬦ᭄᭞ᬳᬭᬦ᭄ᬦᬵᬕ᭄ᬭᬶᬩᬜᬸᬯᬗᬶ᭟ᬬᬳᬶᬓᬸᬢᭂᬗ᭄ᬭᬦ᭄ᬦᬶᬭ᭞ᬦᬬᬕᬾ
ᬗ᭄ᬕᭀᬂᬩᬮᬶᬫ᭄ᬭᬶᬂᬢᬦᬄᬚᬯᬶ᭞ᬳᬗ᭄ᬕᬯᬫᭀᬫᭀᬗᬦᬶᬧᬸᬦ᭄᭞ᬫᬢᬲᬶᬚᬶᬓᬂᬯᬶᬕ᭄ᬜ᭞ᬯᬦᬶᬮᬸᬗ᭄ᬕᬸᬄᬳᬦ᭄ᬚᬚᬭᬶᬫ᭠ᬭᬶᬂᬳᬶᬗ᭄ᬲᬸᬦ᭄᭞ᬢᬦ᭄ᬯ᭄ᬭᬸᬳᬲᬮ᭄ᬧᭀᬩᬢ᭄ᬓᭂᬦᬮ᭄᭞ᬬᬾᬦ᭄ᬦᬓᬮ᭄ᬩᬶᬦᬸᬯᬂᬢᭂᬩᬶᬄ᭟ᬢ᭄ᬬᬲᬶᬭᬳᬗ᭄ᬓᬭᬫᬹᬃᬓ᭄ᬓ᭞ᬓᬸᬫᭂᬢ᭄ᬮᬸᬫᬓ᭄ᬭᬾ
ᬡᬄᬯᬶᬢᭂᬦᬄᬤᬤᬶ᭞ᬤᬦᬓᬯ᭄ᬭᬸᬄᬤᬦᬮᬓᬸ᭞ᬫ᭄ᬭᬶᬄᬳᬵᬃᬚ᭄ᬚᬢᬦᬄᬚᬯ᭄ᬯ᭞ᬰᬩ᭄ᬥᬧᬮᭀᬦ᭄ᬳᬶᬲᬶᬄᬳᬲᬩ᭄ᬭᬂᬩ᭄ᬮᬶ᭠ᬫ᭄ᬧᬸᬢ᭄᭞ᬢᭂᬗᭂᬭᬦᬾᬳᬶᬓᬶᬲᭂᬦ᭄ᬤᬂ᭞ᬩᬜᬸᬦᬾᬬᬾᬦ᭄ᬫᬭᬶᬯᬗᬶ᭟ᬯᭀᬂᬚᬯᬕᬦ᭄ᬢᬶᬳᬕᬫ᭞ᬳᬓᬾᬄᬢᬶᬗ᭄ᬕᬮ᭄ᬳᬕᬫᬳᬶ᭠
ᬲ᭄ᬮᬫ᭄ᬩᬾᬜ᭄ᬚᬶᬂ᭞ᬳᬕᬦ᭄ᬢᬶᬳᬕᬫᬓᬯ᭄ᬭᬸᬄ᭞ᬲᬸᬦᬦ᭄ᬓᬮᬶᬢᬸᬭᬶᬭᬵ᭞ᬬᬾᬦ᭄ᬫᬓᬢᭂᬦ᭄ᬳᬸᬢᬫᬶᬦᬶᬭᬲᬂᬧ᭄ᬭᬪᬸ᭞ᬓᬯᬸᬮᬧ᭄ᬭᬬᭀᬕᬶᬫ᭄ᬩᭂᬓ᭄ᬢ᭞ᬢᭀᬬᬯᬗᬶᬲᭂᬦ᭄ᬤᬂᬦᬶᬓᬶ᭟ᬲᬸᬦᬦ᭄ᬓᬮᬶᬲᬶᬖ᭄ᬭᬵᬓᬵᬃᬬ᭄ᬬ᭞ᬩᬸᬫ᭄ᬩᬸᬂᬓᬮᬶᬄᬧ᭄ᬭᬶᬂᬚᬯᬓᬂᬯᬸᬲ᭄ᬕᬭᬶᬂ᭞ᬢᬶᬕᬂᬳᭂ
[᭑᭔᭑ 141A]
ᬭᭀᬲ᭄ᬧᬜ᭄ᬚᬂᬳᬶᬧᬸᬦ᭄᭞ᬓᬮᬶᬄᬗᬶᬲᬾᬦᬦ᭄ᬢᭀᬬ᭞ᬳᬶᬗ᭄ᬓᬂᬲᬶᬚᬶᬳᬶᬗᬶᬲᬾᬦᬦ᭄ᬩᬜᬸᬳᬭᬸᬫ᭄᭞ᬳᬶᬗ᭄ᬓᬂᬲᬶᬚᬶ᭠ᬢᬸᬬᬢᬯ᭞ᬢᬶᬦᬸᬢᬸᬧ᭄ᬭᭀᬦ᭄ᬧᬡ᭄ᬥᬦ᭄ᬲᬶᬮᬶ᭟ᬲᬩᬢ᭄ᬓᬮᬶᬄᬓᬶᬦᬾᬦ᭄‌ᬫ᭄ᬩᭂᬓ᭄ᬢ᭞ᬲᬶᬚᬶᬲᬤᬢ᭄ᬳᬫ᭄ᬩᭂᬓ᭄ᬢᬩᬸᬫ᭄ᬩᬸᬂᬲᬶᬚᬶ᭞ᬰᬶᬖᬺ᭠
ᬲᬋᬂᬳᬗ᭄ᬓᬢᬶᬧᬸᬦ᭄᭞ᬲᬓᬶᬂᬳᬶᬂᬲᭂᬦ᭄ᬤᬂᬯᬗ᭄ᬬ᭞ᬰ᭄ᬭᬷᬦᬭᬾᬦ᭄ᬤ᭄ᬭᬵᬳᬶᬗ᭄ᬓᬂᬢᬸᬫᬶᬦ᭄ᬤᬓᬶᬂᬳᬬᬸᬦ᭄᭞ᬲᬸᬦᬦ᭄ᬓᬮᬶᬫᬸᬗ᭄ᬕᬾᬂᬢᭂᬗᬄ᭞ᬲᬓᬩᬢ᭄ᬓᬮᬶᬄᬓᬂᬗᬶᬭᬶᬂ᭟ᬘᬶᬦᬭᬶᬢ᭄ᬣᬢᬶᬕᬂᬤᬶᬦᬵ᭞ᬰ᭄ᬭᬶᬦᬭᬾᬦ᭄ᬤ᭄ᬭᬵᬓᬮᬯᬵᬦ᭄ᬲᬸᬦᬦ᭄ᬓᬮᬶ᭞ᬤᬾᬦᬶᬭᬵ
ᬳᬋᬩᬸᬢ᭄ᬓᬯ᭄ᬭᬸᬄ᭞ᬳᬦᬾᬂᬗ᭄ᬕᬾᬦ᭄ᬲᭂᬦ᭄ᬤᬂᬯᬗ᭄ᬬ᭞ᬯᬸᬲ᭄ᬫᬗ᭄ᬓᬦᬵᬰᬶᬖ᭄ᬭᬮᬚᭂᬂᬮᬫ᭄ᬧᬳᬶᬧᬸᬦ᭄᭞ᬓᬮᬗ᭄ᬓᬸᬂᬋ᭠ᬓᬲᬦᬶᬭ᭞ᬳᬋᬫ᭄ᬩᭂᬦ᭄ᬤᬾᬦ᭄ᬬᬮᬸᬫᬭᬶᬲ᭄᭟ᬓᬤᬮᭀᬦ᭄ᬯᭀᬦ᭄ᬢᭂᬦᬶᬂᬫᬵᬃᬕ᭄ᬕ᭞ᬲᬸᬫ᭄ᬩᭂᬃᬯᬭᬸᬜᬭᬾᬰ᭄ᬭᬷᬦᬭᬧᬢᬶ᭞ᬏ᭠
ᬜ᭄ᬚᬶᬂᬩᬶᬦᬸᬓᬓ᭄ᬓᬂᬩᬫ᭄ᬩᬸᬂ᭞ᬕᬶᬦᬦ᭄ᬤᬓᬦ᭄ᬤᬦᬶᬭ᭞ᬫᬓ᭄ᬲᬶᬄᬤᬤᬶᬕᬦ᭄ᬤᬦᬾᬓᬂᬯᬳᬸᬯᬳᬸ᭞ᬮᬚᭂᬂᬢᬶᬦ᭄ᬤᬓᬾᬲᬂᬦᬵᬣ᭞ᬳᬶᬂᬫᬵᬃᬕ᭄ᬕᬤᬢᬦ᭄ᬯᬶᬦᬵᬃᬡ᭄ᬦᬶ᭟ᬲᬸᬭᬸᬧ᭄ᬧ᭄ᬭᬧ᭄ᬢᬧᬦᬭᬸᬓᬦ᭄᭞ᬰ᭄ᬭᬷᬦᬭᬾᬦ᭄ᬤ᭄ᬭᬵᬜᬭᬾᬗ᭄ᬭᬶᬓᬸᬲᬭᬢ᭄ᬭᬶ᭞ᬏ᭠