[᭑᭓᭔ 134B]
᭑᭓᭔
ᬗᬺᬢᬶ᭞ᬫᬗᬺᬢᬶᬳᬶᬂᬳᬕᬮ᭄ᬳᬮᬸᬲ᭄᭞ᬳᬫ᭄ᬩᬸᬘᬮ᭄ᬦᬫᬶᬚᬯ᭞ᬬᭂᬓ᭄ᬢᬶᬭᬶᬲᬓ᭄ᬯᬗᬸᬦ᭄ᬲᬵᬃᬣᬢᬾᬓᬤᬶᬧᬸᬦ᭄᭞ᬧᭂᬲ᭄ᬢᬶᬳᬧᭂᬲ᭄ᬕᭂᬲᬗᬶᬭ᭞ᬳᬕᬫᬶᬦᬾᬓᬶᬭᬂᬫᬹᬃᬡ᭄ᬦᬶ᭟ᬳᬗᬦ᭄ᬤᬶᬓᬵᬰ᭄ᬭᬷᬦᬭᬾᬦ᭄ᬤ᭄ᬭᬵ᭞ᬳᬧᬲᬶᬭᬳᭀᬭᬫᬦᬹᬢᬶᬂᬫᬫᬶ᭞ᬓᬶᬰ
ᬩ᭄ᬤᬧᬮᭀᬦ᭄ᬳᬸᬫᬵᬢᬹᬃ᭞ᬫᬦᬹᬢ᭄ᬬᬾᬦ᭄ᬳᬤᬢ᭄ᬮᬫ᭞ᬮᬫᬸᬦ᭄ᬗᬗ᭄ᬕᬾᬳᬕᬫᬶᬳᬾᬗ᭄ᬕᬮ᭄ᬢᬦ᭄ᬫᬦᬸᬢ᭄᭞ᬲᬩᬩᬾᬧ᭠ᬥᬸᬓᬵᬕᬦ᭄ᬢ᭄ᬬ᭞ᬳᬕᬫᬶᬢᬦ᭄ᬳᬦ᭄ᬢᬸᬓ᭄ᬫᬫᬶ᭟ᬦᬧᬧᬥᬸᬓᬵᬓᬶᬮᬧᬦ᭄᭞ᬦᬫᬶᬓᬸᬮᬵᬓᬶᬰᬩ᭄ᬤᬧᬮᭀᬦ᭄ᬦᬶᬓᬶ᭞ᬢᭂᬕᭂᬲᬾ᭠
ᬰᬩ᭄ᬤᬧᬫᬸᬯᬸᬲ᭄᭞ᬧᬮᭀᬦ᭄ᬧᬶᬓᬸᬓᬸᬄᬓᬦ᭄ᬤᬂ᭞ᬦᬫᬶᬦᬬᬳᬶᬓᬸᬳᬸᬮᬢ᭄ᬢᭂᬕᭂᬲᬶᬧᬸᬦ᭄᭞ᬕᬾᬗ᭄ᬕᭀᬂᬮᬗ᭄ᬕᭂᬂᬩᭀᬢᭂᬦ᭄ᬳᬸᬯᬄ᭞ᬲᬳᬸᬘᬧ᭄ᬓᬸᬮᬧᬸᬦᬶᬓᬶ᭟ᬓᬾᬗᬶᬂᬓᬶᬦᬵᬃᬬ᭄ᬬᬧᬶᬓᭂᬓᬄ᭞ᬤᬤᭀᬲ᭄ᬳᬸᬮᬢ᭄ᬧᬲᭂᬫᭀᬦ᭄ᬢᬦᬄᬚᬯᬶ᭞ᬮᬗ᭄ᬕᭂᬗᬶᬂᬲ᭠
ᬮᬫᬶᬦᬶᬧᬸᬦ᭄᭞ᬲᬂᬧ᭄ᬭᬪᬸᬳᬗᬦ᭄ᬤᬶᬓᬵ᭞ᬓᬬᬧ᭄ᬭᬶᬬᬭᬾᬄᬦᬶᬂᬲᬳᬶᬓᬶᬓᬩᬜ᭄ᬚᬸᬃ᭞ᬲᬸᬦ᭄ᬫᬲᬸᬓ᭄ᬳᬕᬫᬲᭂᬮᬫ᭄᭞ᬲᬶᬦᭂᬓ᭄ᬱᬾᬦᬦ᭄ᬮᬦ᭄ᬲᬶᬲᬳᬶᬢ᭄᭟ᬢᬦ᭄ᬓᭂᬦᬫᬗ᭄ᬲᬸᬮᬶᬰᬩ᭄ᬤᬵ᭞ᬳᬶᬗ᭄ᬲᬸᬦ᭄ᬯᬶᬭᬂᬕᬶᬦᬸᬬᬸᬩᬸᬫᬶᬮᬗᬶᬢ᭄᭞ᬓᬶᬰᬩ᭄ᬤᬧᬮᭀ
[᭑᭓᭕ 135A]
ᬦ᭄ᬳᬸᬫᬵᬢᬹᬃ᭞ᬧᬥᬸᬓᬵᬍᬫ᭄ᬧᬳᬦ᭞ᬦᬮᬃᬦᬶᬓᬸᬓᬸᬮᭀᬩᭀᬢᭂᬦ᭄ᬢᬸᬫᬸᬢ᭄ᬢᬸᬫᬸᬢ᭄᭞ᬲᬸᬦᬦ᭄ᬓᬮᬶᬳᬢᬸᬭᬶᬭᬵ᭞ᬤᬸᬄᬧᬸᬓᬸᬮᬸᬦ᭄ᬲᬂᬦᬵᬃᬧ᭄ᬧᬢᬶ᭟ᬳᬧᬩᭂᬦ᭄ᬮᬦ᭄ᬧᬦᬓᬯᬦ᭄᭞ᬢᬦ᭄ᬧᬤᬫᭂᬮ᭄ᬫᬶᬦ᭄ᬤᬓ᭄ᬗ᭄ᬭᬶᬗᭂᬤᬶᬕᬮᬶᬄ᭞ᬧᬥᬸᬓᬵᬯᬸ
ᬲ᭄ᬓᬵᬃᬱᬫᬲᬸᬓ᭄᭞ᬳᬕᬫᬭᬲᬸᬮ᭄ᬮᬸᬮᬄ᭞ᬰᬸᬘᬶᬫᬸᬮ᭄ᬬᬓᬢᬶᬫ᭄ᬩᬂᬮᬦ᭄ᬲᬦᬾᬲᬶᬧᬸᬦ᭄᭞ᬫᬦᬯᬶᬢ᭄ᬬᬲ᭄ᬗ᭄ᬕ᭠ᬮᬶᬄᬳᬸᬯᬲ᭄᭞ᬓᬂᬢᬶᬃᬣᬩᬾᬚᬶᬧᬸᬦᬶᬓᬶ᭟ᬓᬯᬸᬮᬵᬤᬫᭂᬮ᭄ᬧ᭄ᬭᬢᬦ᭄ᬤᬵ᭞ᬳᬸᬮᬸᬦ᭄ᬘᬶᬧ᭄ᬢᬬᬾᬦ᭄ᬢᭀᬬᬤᬤᭀᬲ᭄ᬯᬗᬶ᭞ᬳᬮ᭠
ᬋᬲ᭄ᬳᬕᬫᬶᬳᬵᬃᬪᬸᬫ᭄᭞ᬬᬾᬦ᭄ᬢᭀᬬᬢᬓ᭄ᬲᬶᬄᬢᬯ᭞ᬳᬶᬗ᭄ᬕᬶᬄᬍᬋᬲ᭄ᬳᬕᬫᬶᬩᬸᬤ᭄ᬥᬧᬸᬓᬸᬮᬸᬦ᭄᭞ᬓᬂᬢᭀᬬᬲᬶᬖᬺᬘᬶᬦᬶᬧ᭄ᬢ᭞ᬥᬢᭂᬂᬚᬜ᭄ᬚᭂᬂᬲᬸᬦᬦ᭄ᬓᬮᬶ᭟ᬲᬓᬵᬮᬢᬂᬢᬶᬃᬣᬤᬤ᭄ᬬ᭞ᬲᭂᬦ᭄ᬤᬂᬳᬭᬹᬫ᭄ᬕᬡ᭄ᬥᬳᬭᬹᬫᬯᬗᬶ᭞ᬚᭂᬂᬲᬸᬦᬦ᭄ᬓᬵ
ᬮᬶᬳᬸᬫᬵᬢᬹᬃ᭞ᬧᬸᬦᬶᬓᬸᬰ᭄ᬭᬶᬦᬭᬾᬦ᭄ᬤ᭄ᬭᬵ᭞ᬧᬺᬢᬦ᭄ᬤᬦᬾᬳᬍᬋᬲ᭄ᬳᬕᬫᬶᬳᬵᬃᬪᬸᬦ᭄᭞ᬰᬩ᭄ᬤᬵᬧᬮᭀᬦ᭄ᬳᬢᬹᬭᬶᬭ᭞ᬧᬸᬦᬶᬓᬵᬰ᭄ᬭᬶᬦᬭᬧᬢᬶ᭟ᬳᬶᬗ᭄ᬕᬶᬄᬓᬲᭂᬓ᭄ᬢᬾᬦ᭄ᬧᬸᬦᬧ᭞ᬓᬰᬓ᭄ᬢᬾᬦᬾᬳᬸᬬᬸᬄᬓᬸᬮᬤᬸᬓ᭄ᬯᬶᬗᬶ᭞ᬤᬾᬦ᭄ᬧᬫᬾᬭᬓᬾ
Kaca:Bali-lontar-gaguritan-dharmma-gandul-300ppi.pdf/135
Kaca puniki sampun kauji-wacén
