Kaca:Bali-lontar-gaguritan-dharmma-gandul-300ppi.pdf/132

Saking Wikisource
Kaca puniki sampun kauji-wacén

[᭑᭓᭑ 131B]
᭑᭓᭑
ᬧᬸᬦ᭄ᬓᬯᬸᬮᬢᬶᬢᬶ᭞ᬜᬢᬦᬾᬕᬕᬤᬸᬳᬦ᭄᭞ᬲᬶᬧᬢᬾᬳ᭄ᬬᬂᬳᬕᬸᬂ᭞ᬲᬵᬫ᭄ᬧᬸᬦ᭄ᬗᬦ᭄ᬢᭀᬲ᭄ᬓᬲᬫᬭᬦ᭄᭞ᬲᬗ᭄ᬓᬦ᭄ᬧᬭᬦ᭄‌ᬓᬾᬲᬄᬫᬦ᭄ᬢᬸᬓ᭄ᬲᬸᬭᬸᬧ᭄ᬤᬶᬭᬶ᭞ᬳᬾᬗᭂᬢ᭄ᬳᬮᬫᬾᬮᬫᬵ᭟ᬓᭀᬘᬧ᭄ᬓᬤᬶᬲ᭄ᬤᬹᬃᬬ᭄ᬬᬢ᭄ᬲᬸᬓ᭄ᬱ᭄ᬫᬚᬦ᭄ᬫᬶ᭞᭠
ᬳᬲᬮᬶᬧᬸᬦ᭄ᬲᬓᬶᬂᬲᬸᬮ᭄ᬩᬶᬳᬥᬫ᭄᭞ᬯᬗ᭄ᬲᬸᬮᬲᬸᬮ᭄ᬩᬶᬳᬥᬫᬾ᭞ᬤᬤᭀᬲᬢᬧᭂᬮᬶᬧᬸᬦ᭄᭞ᬯᭀᬦ᭄ᬢᭂᬦ᭄ᬢᭂᬗᬄᬲᬸᬯᬃᬕ᭄ᬕᬗᬹᬦᬶ᭞ᬲᬫᬗ᭄ᬓ᭄ᬬᬢᬧᭂᬮ᭄ᬭᬶᬲᬓ᭄᭞ᬕᬦ᭄ᬢᭀᬲ᭄ᬢᬧᭂᬮ᭄ᬩᬭᬸ᭞ᬯᭀᬦ᭄ᬢᭂᬦᬢᭂᬗᬄᬲᬸᬯᬃᬕ᭄ᬕ᭞ᬫ᭄ᬮᬫ᭄ᬧᬄᬢᭂᬭᬸᬲ᭄᭞ᬲᬸ
ᬭᬸᬧ᭄ᬢᬸᬯᬳᬦᭀᬫ᭄ᬤᬭᬶ᭞ᬗᬦ᭄ᬢᭀᬲ᭄ᬭᭀᬄᬮᬧᬶᬲ᭄ᬳᬾᬗ᭄ᬕᬮ᭄᭟ᬮᬫᬸᬦ᭄ᬲᬹᬓ᭄ᬱ᭄ᬫᬯᬶᬰ᭄ᬫᬚ᭄ᬭᭀᬦᬶᬂᬲᬶᬣᬶ᭞ᬳᬦᭂᬗ᭄ᬕᬦᬶᬕᬥᬸᬳᬦ᭄ᬯᬶᬲ᭄ᬭᬶᬲᬓ᭄᭞ᬯᬸᬲ᭄ᬯᬗ᭄ᬲᬸᬮ᭄ᬥᬢᭂᬂᬳᬚᬮᬾ᭞ᬲᬹᬓ᭄ᬱ᭄ᬫᬦᬾᬩᭀᬢᭂᬦ᭄ᬯᬗ᭄ᬲᬸᬮ᭄᭞ᬥᬢᭂᬂᬲᬸᬮ᭄ᬩᬶᬳᬥᬫᬾᬫ᭠
ᬮᬶᬄ᭞ᬦᬶᬓᬸᬲᬹᬓ᭄ᬱ᭄ᬫᬘᬶᬮᬓᬵ᭞ᬦ᭄ᬤᭂᬮᬸᬚᬹᬃᬦᬾᬂᬚ᭄ᬭᭀᬓᬸᬩᬹᬃ᭞ᬓᬶᬭᬂᬓᬯ᭄ᬭᬸᬄᬓᬳᬾᬗᭂᬢᬦ᭄᭞ᬲᬓᬶᬂᬩᭀᬤᭀᬕᭂᬲᬗᬾᬮᬶᬃᬓᭂᬩᭀᬲᬧᬶ᭞ᬗ᭄ᬕᬾᬦᬶᬧᬸᬦ᭄ᬲᬩᬤᬸᬦ᭄ᬬ᭟ᬭᬕᬢᬸᬯ᭄ᬯᬲᬹᬓ᭄ᬱ᭄ᬫᬫᬸᬤᬩᬺᬲᬶᬄ᭞ᬲᬹᬓ᭄ᬱ᭄ᬫ᭄ᬫᬸᬤ᭞ᬦᭂᬫᬸ
[᭑᭓᭒ 132A]
ᬯᬓᬫᬸᬮ᭄ᬬᬦ᭄᭞ᬲᬹᬓ᭄ᬱ᭄ᬫᬲᭂᬧᬸᬄᬤᬾᬦ᭄ᬲᭂᬧᬸᬳᬾ᭞ᬤᬶᬫᬾᬦᬾᬳᬦᭀᬫ᭄ᬩᬕᬸᬲ᭄᭞ᬬᬾᬦ᭄ᬯᬸᬲ᭄ᬳᬦᭀ᭠ᬫ᭄ᬤᬶᬦᬫᬶᬫᬮᬶᬄ᭞ᬓᬢᬶᬕ᭄ᬜᬦ᭄ᬓᬧ᭄ᬭᬯᬶᬭᬦ᭄᭞ᬮᬗ᭄ᬓᬸᬗᬓᬂᬲᬵᬫ᭄ᬧᬸᬦ᭄᭞ᬫᬦᬹᬢ᭄ᬲᬭᬓ᭄ᬮᬸᬭᬶᬭᬵᬚ᭞ᬲᬵᬫ᭄ᬧᬸᬦ᭄ᬲᬸᬧᬾᬢ᭠
ᬮᬧ᭄ᬭᬚᬳᬤᬢ᭄ᬚᬶᬦᬶᬲ᭄᭞ᬲᬵᬫ᭄ᬧᬸᬦ᭄ᬕᭀᬜ᭄ᬚᬶᬂᬳᬶᬂᬫᬦᬄ᭟ᬕᭀᬜ᭄ᬚᬂᬕᬜ᭄ᬚᬶᬂᬓᬕᭀᬓ᭄ᬮᬭᬵᬦᬗᬶᬲ᭄᭞ᬲᬹᬓ᭄ᬱ᭄ᬫᬳᬶᬮᬂᬚᬢᬶᬓᬾᬦ᭄ᬤᬂᬗᬤᬂ᭞ᬳᬗ᭄ᬭᬯᬦᬸᬦᬹᬢ᭄ᬮᬫ᭄ᬧᬳᬾ᭞ᬩᭀᬬᭀᬂᬫ᭄ᬭᬶᬂᬓᬸᬯᬸᬂᬓᬸᬯᬸᬂ᭞ᬭᬗᬸᬭᬗᬸᬦᬾᬂᬕᬸᬦᬸᬂᬲᬵᬭᬷ᭞ᬲ
ᬭᬷᬭᬱᬓᬂᬫᬸᬮ᭄ᬬ᭞ᬕᬫ᭄ᬩᬶᬃᬲᬯᬶᬢᬶᬧᬸᬦ᭄᭞ᬘᬭᬩᬮᬾᬦᬾᬯᬗ᭄ᬲᬸᬮ᭄ᬦ᭞ᬧᬘᬸᬮ᭄ᬕᭀᬯᬂᬓᬼᬦ᭄ᬢᬸᬂᬓᭂᬦ᭄ᬢᬸᬮ᭄ᬳᬸᬢᬸᬄ᭠ᬫᬮᬶᬄ᭞ᬕᬦ᭄ᬢᭂᬂᬲᭂᬓᬭᬾᬢᬾᬚ᭟ᬲᭂᬓᬃᬕᬥᬸᬂᬮᬶᬗ᭄ᬓᭀᬮᬶᬗ᭄ᬓᭀᬓᬯᬶᬢ᭄᭞ᬕ᭄ᬮᬾᬬᬃᬕ᭄ᬮᬾᬬᭀᬃᬦᬹᬢ᭄ᬩᬸᬚᬗ᭄ᬕᭂᬍᬫ᭠
ᬦ᭄᭞ᬤᬶᬮᭀᬩᭀᬂᬳᬶᬂᬳᬦ᭄ᬤᭀᬂᬳᬦ᭄ᬤᭀᬂ᭞ᬕᬦ᭄ᬤᬭᬶᬬᬢᬸᬓ᭄ᬓᭀᬮᬸᬓ᭄᭞ᬳᬾᬮᬳᬾᬮᭀᬚᬶᬗ᭄ᬕᬓ᭠ᬮᭀᬗ᭄ᬓᬶᬂ᭞ᬮᬫ᭄ᬩᬂᬲᬭᬶᬦᬾᬓᬸᬭᬂ᭞ᬢᭀᬓ᭄ᬮᬾᬭᬸᬚᬓ᭄ᬲᭂᬦ᭄ᬢᬸᬮ᭄᭞ᬓᬶᬤᬸᬂᬓᬶᬤᬸᬂᬫᬦᬸᬲ᭄ᬮᬤ᭄ᬭᬂ᭞ᬳᬾᬮᬶᬂᬮᬶᬸᬂᬚᬓᬵᬚᬓ