Kaca:Bali-lontar-gaguritan-dharmma-gandul-300ppi.pdf/130

Saking Wikisource
Kaca puniki sampun kauji-wacén

[᭑᭒᭙ 129B]
᭑᭒᭙
ᬮᬦ᭄ᬓᬓᬾᬓᬢ᭄‌ᬯᬓ᭄ᬭᬶᬧᬢ᭄ᬲᬵᬫ᭄ᬧᬸᬦ᭄ᬲᬬᭂᬓ᭄ᬢᬶ᭞ᬫᬸᬚᬶᬤᬢᬾᬧ᭄ᬭᬶᬩᬤ᭄ᬬ᭟ᬳᬸᬲ᭄ᬘᭂᬓ᭄ᬓᬶᬬᬾᬫᬾᬦ᭄ᬤᭀᬮ᭄ᬫᬾᬦ᭄ᬤᭀᬮ᭄ᬦᭂᬤᬶ᭞ᬯᭀᬄᬯᬶᬢ᭄ᬩᬸᬤ᭄ᬥᬶᬲᬫᬶᬓᬳᬾᬮᬶᬗᬦ᭄᭞ᬯᭀᬄᬓᬯ᭄ᬭᬸᬄᬳᬶᬂᬓᬯᬶᬕ᭄ᬜᬦᬾ᭞ᬩᬕᬯᬦ᭄ᬤᬂᬤᬸᬂᬤᬂᬕᬸᬓ᭄᭞ᬮᬶᬓ
ᬓ᭄ᬮᬶᬓᬸᬓᬶᬧᬸᬦ᭄ᬫᬗᬺᬢᬶ᭞ᬓᬯᬸᬮᬗᬺᬱᬩᬶᬲ᭞ᬩᭂᬓ᭄ᬱᬕᭂᬦ᭄ᬤᬶᬂᬳᬗ᭄ᬓ᭄ᬭᬸᬓ᭄᭞ᬫᬗ᭄ᬓ᭄ᬭᬸᬓ᭄ᬫᬗ᭄ᬓ᭄ᬭᬸᬓ᭄ᬲᬮᬢ᭄ᬓᬚᬢ᭄᭞ᬤ᭠ᬭᬸᬤᭂᬫ᭄ᬩ᭄ᬮᬾᬦᬾᬂᬤᬤᬵᬳᬾᬲ᭄ᬢ᭄ᬭᬶᬓᬭᭀᬦ᭄ᬲᬶᬄ᭞ᬓ᭄ᬭᬱᬗ᭄ᬭᬱᬭᬸᬫᬱ᭟ᬓ᭄ᬭᬱᬦᬶᬧᬸᬦ᭄ᬤᬸᬫᬸᬦᬸᬂᬦᬾᬂᬤᬶᬭᬶ᭞ᬧᬗ᭄ᬭᬱᬦᬾᬤᬸᬫᬸ
ᬦᬸᬂᬦᬾᬂᬫᬦᬄ᭞ᬓᬂᬭᬸᬫᬲᬓᬾᬮᬶᬗᬦᬾ᭞ᬗᬾᬮ᭄ᬫᬸᬦᬾᬯᬸᬲ᭄ᬓᬢᭂᬫᬸ᭞ᬗᬾᬮ᭄ᬫᬸᬭᬱᬳᬶᬗ᭄ᬓᬂᬲᬚᬢᬶ᭞ᬲᬚᬢᬶᬦᬾᬓᬫᬸᬮ᭄ᬬᬦ᭄᭞ᬳᬯᬮ᭄ᬳᬓᬶᬭᬶᬧᬸᬦ᭄᭞ᬳᬯᬮ᭄ᬳᬓᬶᬃᬮᬯᬲ᭄᭞ᬳᬯᬮ᭄ᬳᬓᬶᬃᬓᬍᬗ᭄ᬕᬳᬦ᭄ᬲᬧᬸᬦᬶᬓᬶ᭞ᬲᬮᬄᬲᬤᬢ᭄ᬲᬵᬫ᭄ᬧᬹᬃ
ᬡ᭄ᬦ᭟ᬭᬓ᭄ᬲᬭᬾᬗᬢ᭄‌ᬜ᭄ᬚᭂᬗᬢ᭄ᬮᬫᬸᬂᬕᬸᬮᬶᬂ᭞ᬭᬦ᭄ᬢᬭᬾᬓᬢ᭄ᬢᬭᬾᬦ᭄ᬫᬭᬂᬕᬃᬯ᭄ᬯ᭞ᬓᬓᬾᬓᬢ᭄ᬧᬥᬓᬵᬋᬧᬾ᭞ᬫᬓ᭄ᬭᬶᬧᬢ᭄ᬯ᭄ᬭᬸᬄᬲᬸᬫᬸᬭᬸᬧ᭄᭞ᬲᬭᬓ᭄ᬲᬭᬵᬢ᭄ᬳᬮᬓᬶᬭᬩᬶ᭞ᬳᬶᬗᬶᬤᬾᬦ᭄ᬬᬬᬄᬭᬾᬡ᭞ᬓᬧᬶᬦ᭄ᬤᭀᬳᬶᬂᬭᬢᬸ᭞ᬧᬶᬂᬢᬶᬕ᭠
[᭑᭓᭐ 130A]
ᬲᬓ᭄ᬱᬶᬲᬲᬫ᭞ᬫ᭄ᬭᬶᬄᬭᬳᬬᬸᬳᬮᬓᬶᬭᬩᬶᬓᬭᭀᬦ᭄ᬲᬶᬄ᭞ᬳᬤᬸᬳᬲᬵᬥᬸᬳᬮ᭟ᬬᬾᬦ᭄ᬢᬶᬬᬂᬜ᭄ᬚᬍᬃᬲᬭᬾᬗ᭠ᬢ᭄ᬯᬤᭀᬲᬶᬂ᭞ᬬᬾᬦ᭄ᬢᬶᬬᬂᬳᬾᬲ᭄ᬢ᭄ᬭᬶᬯᬤᭀᬲᬾᬲᬭᬾᬗᬢ᭄᭞ᬬᬾᬦ᭄ᬩᭀᬢᭂᬦ᭄ᬫᬗᬧ᭄ᬳᬾᬲ᭄ᬢ᭄ᬭᬶᬦᬾ᭞ᬗᬾᬮ᭄ᬫᬸᬩᭀᬢᭂᬦ᭄ᬓᬢᭂ
ᬫᬸ᭞ᬩᭀᬢᭂᬦ᭄ᬩᬸᬤ᭄ᬥᬲ᭄ᬮᬫ᭄ᬮᬦ᭄ᬓᬧᬶᬃ᭞ᬩᭀᬢᭂᬩ᭄ᬳᬲᬵᬥᬸᬳᬮ᭞ᬓᬮᬶᬫᬳᬾᬯᬸᬭᬸᬂᬢᬗ᭄ᬕᬾᬄᬯ᭄ᬭᬸᬄᬭᬱᬓᬂᬫᬸᬮ᭄ᬬ᭞ᬓᬂᬲᬶᬤᬶᬫ᭄ᬧᭂᬦ᭄‌ᬚ᭄ᬭᭀᬫᬼᬓᬄᬲᬶᬧᬢ᭄ᬭᭀᬄᬓᬮᬶᬄ᭞ᬚᭂᬗᬹᬃᬢᬦ᭄ᬧᬮᬯᬵᬦᬦ᭄᭟ᬲᬭᬓ᭄ᬦᬶᬓᬸᬳᬶᬲᬭᬵᬢᬶᬂᬳᬸᬭᬶᬧ᭄᭞ᬦ᭠
ᬫ᭄ᬧᬶᬓ᭄ᬫᬶᬮᬶᬄᬗ᭄ᬕᬳᭀᬢᬳᬶᬲ᭄ᬢᬶᬬᬃ᭞ᬲᬭᬾᬗᬢ᭄ᬲᬲᬭᬶᬗᬦᬾ᭞ᬓᬯ᭄ᬭᬸᬓᬂᬗᬭᬮ᭄ᬳᬮᬸᬲ᭄᭞ᬢᬭᬾᬓᬢᬾᬓᬂᬦᬶᬫ᭄ᬩᬂᬦᬦ᭄ᬢᬶᬂ᭞ᬩᭂᬦᭂᬃᬮᬦ᭄ᬮᬸᬧᬸᬢ᭄ᬳᬶᬭ᭞ᬓᬓᬾᬓᬢᬾᬯᬸᬚᬸᬤ᭄ᬓᬵᬋᬧᬾᬲᬹᬓ᭄ᬱ᭄ᬫᬵ᭞ᬓᬂᬗᭀᬩᬄᬓᬾᬗᭀᬲᬶᬦ᭄ᬓᭂᬦ᭄ᬭᬳᬤᬾᬦ᭄ᬩᬸᬤ᭄ᬥᬶ
᭞ᬯᬶᬓᬦ᭄ᬢᬦ᭄ᬓᬲᬫᬭᬦ᭄᭟ᬇᬗ᭄ᬓᬂᬳᬭᬦ᭄ᬲᬭᬾᬗᬢ᭄ᬧᬸᬦᬶᬓᬶ᭞ᬧᬢᭂᬫᬸᬦᬾᬩᬤᬦ᭄ᬮᬯᬦ᭄ᬮᬾᬲᬦ᭄᭞ᬢᬭᬾᬓ᭠ᬢ᭄ᬳᬶᬓᬸᬢᭂᬫᭀᬦᬾ᭞ᬮᬾᬱᬦ᭄ᬓᬮᬯᬵᬦ᭄ᬓᬬᬸᬦ᭄᭞ᬓᬂᬓᬭᬾᬓᬢ᭄ᬳᬶᬓᬸᬦᭂᬫᭀᬦᬶ᭞ᬳᬢᬶᬮᬯᬵᬦ᭄ᬭᭀᬳᬶᬭ᭞ᬫᬓ᭄ᬭᬶᬧᬢ᭄ᬧᬸᬦᬶ᭠