[᭑᭒᭔ 124B]
᭑᭒᭔
ᬗᬾᬢᬸᬂᬩᬺᬲᬶᬄ᭞ᬲᬶᬤᬓᭂᬧ᭄ᬲᬸᬭᬯᬬᬦ᭄᭞ᬓᬧᬶᬮ᭄ᬲᬮᬢᬶᬧᬸᬦ᭄᭞ᬢᬦ᭄ᬤᬸᬫᬸᬦᬸᬂᬓᬯ᭄ᬭᬸᬳᬶᬭ᭞ᬫᬢᬶᬲᬲᬃ᭞ᬚᬶᬮ᭄ᬫᬤᬤᬶᬯᬮᬂᬓᬚᬶ᭞ᬢᬸᬢᬸᬭᬾᬭᬤᬾᬦ᭄ᬩᬸᬤ᭄ᬥ᭟ᬲᬤᬸᬭᬸᬗᬾᬗᭂᬤᬄᬫᬚᬧᬳᬶᬢ᭄᭞ᬤᬸᬭᬸᬂᬳᬦᬳᬭᬦ᭄ᬓᬤᬸᬂᬯᬮᬂ᭞
ᬳᬦᬦᬾᬯᬸᬲᬾᬩᭂᬤᬳᬾ᭞ᬓᬭᬣᭀᬦ᭄ᬫᬚᬮᬗᬹ᭞ᬚᬦ᭄ᬫᬚᬯ᭄ᬯᬫ᭄ᬭᬶᬂᬫᭂᬓᬄᬓᬚᬶ᭞ᬩᬸᬯᬂᬳᬭᬦᬾᬚᬯ᭞ᬕᬦ᭄ᬢᬶᬲᬭᬓ᭄ᬭᬲᬸᬮ᭄᭞ᬳᬭᬦ᭄ᬚᬯᬦ᭄ᬭᬩ᭄ᬳᬶᬭᬶᬩᬦ᭄᭞ᬕᬸᬲ᭄ᬢᬶᬳᬮᬄᬗᬸᬚᬸᬤ᭄ᬓᭂᬦ᭄ᬲᭂᬲᭂᬫᭀᬦ᭄ᬕᬳᬶᬩ᭄᭞ᬳᬭᬦᬾᬓᬤᬸᬂᬯ
ᬮᬂ᭟ᬓᬤᬸᬂᬓᬤᬸᬂᬲᬘᬶᬧ᭄ᬢᬦᬾᬲᬶᬲᬶᬧ᭄᭞ᬗ᭄ᬭᬱᬩᬶᬲᬗ᭄ᬮᬸᬫ᭄ᬧᬢᬶᬮᬳᬸᬢᬦ᭄᭞ᬢᭂᬓᬵᬧᬭᬦ᭄ᬲᬘᬶᬧ᭄ᬢᬦᬾ᭞ᬲᬋᬂᬓᬶᬓᬵᬃᬬ᭄ᬬᬫᬵᬩᬹᬃ᭞ᬫᬸᬂᬲᬘᭂᬗ᭄ᬓᬮ᭄ᬤᬢᬦ᭄ᬤᬸᬫᬸᬗ᭄ᬲᬶ᭞ᬳᬓᬤᬸᬂᬢᬸᬦᬤᬸᬗ᭄ᬓᬧ᭄᭞ᬕᭂᬩ᭄ᬬᬸᬃᬳᬮᬫ᭄ᬮᬳᬸᬢ᭄᭞ᬳᬗ᭄ᬮᬗᬸᬢ᭄ᬢᬦ᭄ᬧ
ᬯᬦᭂᬗᬦ᭄᭞ᬲᬋᬂᬫᭂᬦ᭄ᬢᬲ᭄ᬢᬸᬓᬸᬮ᭄ᬚᬶᬮ᭄ᬫᬯᬮᬂᬓᬚᬶ᭞ᬍᬫᬓᬕᭂᬤᬾᬦ᭄ᬧᬦ᭄ᬢᬢ᭄᭟᭜᭚ᬧᬗ᭄ᬓᬹᬃ᭚ᬬᬾᬦ᭄ᬧᬥᬸᬓᬵᬫᬳᬶᬩᭂᬦ᭞ᬥᬢᭂᬂᬰᬰ᭄ᬢ᭄ᬭᬲ᭄ᬭᬢᬦᬾᬳ᭄ᬬᬂᬯᬶᬥᬶ᭞ᬲᬶᬦ᭄ᬢᭂᬦ᭄ᬓᬵᬃᬬ᭄ᬬᬩᬤᬦᬶᬓᬸ᭞ᬲᬶᬦ᭄ᬢᭂᬦ᭄ᬓᬂᬧᬭᬶᬂᬳᬭᬦ᭄᭞᭠
[᭑᭒᭕ 125A]
ᬳᬫᬸᬂᬤᬾᬯᬓᬂᬳᬕᬸᬂᬓᬂᬫᬳᬵᬮᬸᬳᬹᬃ᭞ᬬᬾᬦ᭄ᬧᬥᬸᬓᬵᬫᬳᬶᬩᭂᬦ᭞ᬢᭂᬢᭂᬧ᭄ᬬᬾᬦ᭄ᬧᬥᬸᬓᬵᬓᬧᬶᬃ᭟ᬓᬧᬶᬭᬦ᭄ᬲᬾᬤᬧᬤᬸᬓᬵ᭞ᬢᬦ᭄ᬧ᭄ᬭᬘᬬᬲᭂᬭᬢᬦᬾᬳ᭄ᬬᬂᬯᬶᬥᬶ᭞ᬮᬯᬵᬦ᭄ᬫᬹᬃᬢ᭄ᬢᬢᬶᬂᬮᬮ᭄ᬳᬹᬃ᭞ᬮᬸᬳᬸᬃᬚᬯᬶᬲᬤᬬ᭞ᬧᭂ᭠
ᬚᬄᬲᬲᬃᬤᬤᭀᬲ᭄ᬤᭂᬫᬶᬢᬼᬗᬸᬓᬼᬗᬸᬓ᭄᭞ᬤᬤᭀᬲ᭄ᬲᬾᬢᬦᬶᬂᬓᬸᬩᬸᬭᬦ᭄᭞ᬕ᭄ᬭ᭄ᬬᬵᬭᬶᬲᬓ᭄ᬤᬾᬦ᭄ᬢᭂᬗ᭄ᬕᬦᬶ᭟ᬬᬾᬦ᭄ᬧᬥᬸᬓᬵᬢᬦ᭄ᬲᬕᭂᬤ᭞ᬫᬳᬶᬰ᭄ᬰᬲ᭄ᬢ᭄ᬭᬲᭂᬭᬢᬦᬶᬂᬳ᭄ᬬᬂᬯᬶᬥᬶ᭞ᬩᬾᬜ᭄ᬚᬶᬂᬲᬾᬤᬚᬶᬮ᭄ᬫᬲᬢᬸ᭞ᬲᬫᬃᬧᬗᬗ᭄ᬕᬾᬮᬫ᭞
ᬮᬫᬸᬦ᭄ᬲᬕᭂᬤ᭄ᬫᬳᭀᬰ᭄ᬰᬲ᭄ᬢ᭄ᬭᬦᬾᬳ᭄ᬬᬂᬳᬕᬸᬂ᭞ᬢᬦ᭄ᬲᬫᬵᬃᬧᬗᬗ᭄ᬕᬾᬮᬫᬵ᭞ᬫᬗ᭄ᬓᬾᬚᬦ᭄ᬫᬩᬾᬜ᭄ᬚᬶᬂᬚᬮ᭄ᬫᬶ᭟ᬓᬲᭂᬩᬸᬢ᭄ᬓᬶᬢᬩ᭄ᬳᬦ᭄ᬩᬶᬬ᭞ᬧᬜ᭄ᬚᭂᬦᭂᬗᬦ᭄ᬦᬪᬶᬫᬸᬱᬓᬭᬶᬬᬶᬦ᭄᭞ᬢᬶᬬᬂᬧᭂᬚᬄᬯᭀᬦ᭄ᬢᭂᬦ᭄ᬓᬸᬩᬹᬃ᭞ᬧᬸᬦᬶᬓᬵᬢᬗᬶᬕᭂᬲᬂ᭞ᬕᭂᬲᬗᬶᬭᬕ᭠
ᬦ᭄ᬢᭀᬲ᭄ᬭᭀᬄᬳᬶᬮᬧᬶᬲ᭄ᬩᬭᬸ᭞ᬕᬦ᭄ᬢᭀᬲ᭄ᬭᭀᬄᬮᬧᬶᬲ᭄ᬮᬧᬶᬲᬦ᭄᭞ᬓᬳᬸᬫᬾᬲᬮᬄᬧᬗᬺᬢ᭄ᬢᬶ᭟ᬓᬶᬦᬶᬭᬚᬦ᭄ᬫᬓᬂᬫᭀᬤᬃ᭞ᬓᬂᬧᬶᬦᭂᬦ᭄ᬤᭂᬫ᭄ᬚ᭄ᬭᭀᬲᬶᬣᬶᬕᭂᬲᬂᬫᬮᬶᬄ᭞ᬦᬶᬓᬸᬓᬮᬾᬦ᭄ᬢᬸᬦᬾᬓᬯ᭄ᬭᬸᬄ᭞ᬫᬮᬶᬄᬳᬶᬗ᭄ᬓᬂᬯᬸᬲ᭄ᬓᭀᬘᬧ᭄᭞
Kaca:Bali-lontar-gaguritan-dharmma-gandul-300ppi.pdf/125
Kaca puniki sampun kauji-wacén
