Kaca:Bali-lontar-gaguritan-dharmma-gandul-300ppi.pdf/114

Saking Wikisource
Kaca puniki sampun kauji-wacén

[᭑᭑᭓ 113B]
᭑᭑᭓
ᬲᬩᭂᬦ᭄ᬤᬶᬦᬵᬜᬫ᭄ᬩᬸᬢ᭄ᬓᬃᬬ᭄ᬬ᭞ᬓᬼᬩᭂᬢ᭄ᬓᭀᬭᬦ᭄ᬦᬸᬱᬲᬺᬗ᭄ᬕᬶ᭟ᬢᭂᬕᭂᬲᬾᬦᬸᬱᬫᬦᬸᬱ᭞ᬲᭂᬋᬂᬦᬶᬓᬸᬓᬵᬃᬬ᭄ᬬᬳᬯ᭄ᬭᬢ᭄ᬗ᭄ᬮᬗ᭄ᬓᬸᬗᬶ᭞ᬳᭂᬗ᭄ᬕᬶᬕᬯᬾᬢᭂᬕᭂᬲᬶᬧᬸᬦ᭄᭞ᬚᬦ᭄ᬫᬧᬶᬦᬶᬓ᭄ᬱᬓᬃᬬ᭄ᬬ᭞ᬫᬭᬶᬂᬭᬢᬸᬦᬸᬱᬲᬺᬗ᭄ᬕᬶᬯᬶᬰ᭄ᬫᬦᬶᬧᬸᬦ᭄᭞ᬫᬮ
ᬭᬢ᭄ᬢᬦ᭄ᬳᬗ᭄ᬲᬮ᭄ᬳᬃᬣ᭞ᬲᭀᬓ᭄ᬯᬃᬕ᭄ᬕᬦᬾᬫᬸᬂᬲᬓᬢᬶ᭟ᬢᬦ᭄ᬧᬳᬸᬮᬫ᭄ᬲᬫ᭄ᬩᭂᬮ᭄ᬚᬗᬦ᭄᭞ᬦᬶᬓᬸᬓᬾᬭᬵᬢ᭄ᬓᬂᬓᬢᭀᬦ᭄ᬢᬢᬵᬮᬳᬶᬃ᭞ᬫᬮᬄᬓᬾᬭᬢᬾᬢ᭄ᬬᬂᬮᬫ᭄ᬧᬸᬲ᭄᭞ᬮᬗ᭄ᬓᬸᬂᬲᬓᬶᬂᬧᬸᬦᬶᬓᬵ᭞ᬫᬮᬭᬢᬾᬫᬶᬮᬮᬫᬸᬦ᭄ᬓᬾᬗᬶᬂᬮᬫ᭄ᬧᬸ
ᬲ᭄᭞ᬮᬗ᭄ᬓᬸᬂᬲᬓᬶᬂᬧᬸᬦᬶᬓᬵ᭞ᬫᬮᬭᬢᬾᬫᬶᬮᬮᬫᬸᬦ᭄ᬓᬾᬗᬶᬂᬮᬫ᭄ᬧᬸᬲ᭄᭞ᬮᬸᬫᭂᬩᭂᬢ᭄ᬓᬾᬭᬵᬢ᭄ᬫᬮᬭᬵᬢ᭄᭞ᬮᬦ᭄ᬲᬵᬫ᭄ᬧᬸᬦ᭄ᬫᬶᬗ᭄ᬕᬄᬲᭀᬓ᭄ᬯᬃᬕ᭄ᬕᬶ᭟ᬢᭂᬢᭂᬧᬾᬧᬥᬸᬓᬵᬲᬲᬃ᭞ᬢ᭄ᬬᬂᬘᬶᬮᬓᬧᬸᬭᬸᬦ᭄ᬫᬶᬗ᭄ᬕᬄᬲᭀᬓ᭄ᬯᬃᬕ᭄ᬕᬶ᭞ᬓ᭄ᬩᭀᬲᬧᬶ
ᬚᬭᬦ᭄ᬯᭂᬤᬸᬲ᭄᭞ᬦᬶᬓᬸᬫᭂᬗ᭄ᬕᬄᬲᭀᬓ᭄ᬯᬃᬕ᭄ᬕ᭞ᬲᭀᬓ᭄ᬯᬃᬕ᭄ᬕᬦᬾᬢᬶᬦᭂᬤᬶᬓᬮᬶᬄᬮᬸᬫᬓᬸ᭞ᬦ᭄ᬭᬶᬫᬄᬦᬫᬶᬭᬚᬓᬵᬬ᭞ᬲᬭᬾᬓᬫᬸᬦ᭄ᬢᬾᬦᬾᬂᬲᬶᬣᬶ᭟ᬕᭂᬲᬂᬜᬗ᭄ᬕᬶᬓᬵᬃᬬ᭄ᬬᬧᬓ᭄ᬱ᭞ᬢᬦ᭄ᬧᬍᬧᬢ᭄ᬓᬧ᭄ᬭᬕᬢ᭄ᬤᬶᬧᬸᬦ᭄ᬢᭂᬤᬶ᭞ᬓᬸᬮᬧ᭄ᬭᬶ᭠
[᭑᭑᭔ 114A]
ᬓ᭄ᬱᬓᬕᬾᬢ᭄‌ᬜ᭄ᬚᬸᬫ᭄ᬩᬸᬮ᭄᭞ᬮᬭᬾᬯᭀᬦ᭄ᬢᭂᬦ᭄ᬧᬗᬾᬦᬦ᭄‌᭞ᬜᭂᬧᭂᬂᬕᭂᬩᬕ᭄‌ᬓᬸᬮᬢᬗᬼᬢ᭄ᬓᬃᬬ᭄ᬬᬦᬶᬧᬸ᭠ᬦ᭄᭞ᬕᭂᬩᬕᬾᬲᬤᬶᬬᬦ᭄ᬫᬮ᭞ᬗ᭄ᬕᭂᬫ᭄ᬩᬕᬶᬲᬂᬭᬵᬚᬲᬸᬕᬶᬄ᭟ᬓᬂᬲᬫᬶᬫᬶᬗ᭄ᬕᬄᬲᭀᬓ᭄ᬯᬃᬕ᭄ᬕ᭞ᬲᭀᬓ᭄ᬯᬃᬕ᭄ᬕᬦᬾᬤᬾᬦ᭄ᬢᭂᬤᬶ
ᬤᬾᬦ᭄ᬗ᭄ᬭᬶᬓᬶᬢᬶ᭞ᬦᬶᬓᬸᬧᬤᬸᬓᬵᬤᬾᬦ᭄ᬳᬾᬫᬸᬢ᭄᭞ᬲᬵᬫ᭄ᬧᬸᬦ᭄ᬫᬶᬗ᭄ᬕᬄᬲᭀᬓ᭄ᬯᬃᬕ᭄ᬕ᭞ᬩᭀᬓ᭄ᬫᬦᬯᬶᬩᬾᬜ᭄ᬚᬶᬂᬲᬾᬤᬵᬜ᭄ᬚᬶᬮ᭄ᬫᬶᬍᬫ᭄ᬩᬸ᭞ᬘᬶᬮᬓᬵᬕᬶᬲᬂᬦᬾᬂᬤᬸᬦ᭄ᬬ᭞ᬮᬦ᭄ᬲᬵᬫ᭄ᬧᬸᬦ᭄ᬲᭀᬯᬦ᭄ᬳ᭄ᬬᬂᬯᬶᬥᬶ᭟ᬢᬦ᭄ᬧᬳᬭᬄᬗ᭄ᬕᭀᬦ᭄ᬓᬂᬧᬺ᭠
ᬡᬄ᭞ᬢᬦ᭄ᬧᬯᬸᬚᬸᬤ᭄ᬮᬦ᭄ᬕᬡ᭄ᬝᬕᬢ᭄ᬭᬯᬵᬃᬡ᭄ᬦᬶ᭞ᬳᬰ᭄ᬫᬯᬸᬚᬸᬤᬾᬧᬸᬦᬶᬓᬸ᭞ᬧᬶᬦᬸᬚᬸᬲᬶᬧᬢ᭄ᬕᭂᬲᬂ᭞ᬯᭀᬦ᭄ᬢᭂᬦ᭄ᬤᬸᬦ᭄ᬬᬯᭀᬦ᭄ᬢᭂᬦ᭄ᬓᬾᬭᬵᬢ᭄ᬳᬗᬮᬶᬧᬸᬢ᭄᭞ᬤᬾᬭᬾᬂᬢᭂᬧᬂᬤᬾᬭᬾᬂᬯᬶᬓᬦ᭄᭞ᬥᬍᬫᬾᬳ᭄ᬬᬂᬫᬳᬵᬢᬶᬗ᭄ᬕᬶ᭟ᬢᭂᬧ
ᬗᬾᬫᬸᬂᬢᭂᬧᬂᬘᬳ᭄ᬬ᭞ᬮᬶᬃᬘᬳ᭄ᬬᬦᬾ ᬲᬹᬃᬬ᭄ᬬᬮᬶᬦ᭄ᬢᬂᬮᬦ᭄ᬰᬰᬶ᭞ᬧᬢᭂᬫᭀᬦᬾᬘᬳ᭄ᬬᬫᬸᬭᬸᬩ᭄᭞ᬚᬸᬫ᭄ᬩᬸᬄᬤᬤᭀᬲ᭄ᬲᬢᬸᬗ᭄ᬕᬮ᭄᭞ᬩᭀᬢᭂᬦ᭄ᬧᬶᬲᬄᬧᬸᬦᬶᬓᬸᬩᭀᬢᭂᬦ᭄ᬳᬦᬸᬫ᭄ᬧᬸᬮ᭄᭞ᬢᭂᬩᬶᬳᬾᬢᬦ᭄ᬧᬯᬗᭂᬦᬦ᭄᭞ᬧᬋᬓ᭄ᬢᬦ᭄ᬧ