Kaca:Bali-lontar-gaguritan-dharmma-gandul-300ppi.pdf/113

[᭑᭑᭒ 112B]
᭑᭑᭒
ᬯ᭄ᬭᬸᬄ᭞ᬳᬶᬘᬮ᭄ᬦᬫᬶᬦᬾᬢ᭄ᬬᬂᬚᬯ᭞ᬚᬯᬚᬯᬶᬓᬂᬫᬗᬺᬢ᭄ᬢᬶᬮᬳᬶᬃᬩᬢᬶᬦ᭄᭞ᬦᬶᬓᬸᬳᬭᬦ᭄ᬯᭀᬂᬚᬯ᭟ᬢᬶᬬᬂᬓᬂᬚᬯᬚᬯᬶᬳᬳ᭄ᬮᬶᬩᬸᬤ᭄ᬥᬶ᭞ᬦᬭᬓᬵᬦᬾᬲᬤᬬᬭᬶᬦᬵᬣ᭞ᬓᬾᬭᬢᬾᬓᬤᬫᭂᬮ᭄ᬲᬳᬾ᭞ᬭᬶᬦᭂᬗ᭄ᬕᬰ᭄ᬯᬃᬕ᭄ᬕᬦᬶᬧᬸᬦ᭄᭞ᬫᬶ
ᬮᬵᬳᬶᬂᬧ᭄ᬭᬪᬸᬳᬶᬂᬦᬸᬱᬰᬺᬗ᭄ᬕᬶ᭞ᬦᬵᬭᬓᬧᬦ᭄ᬦᬵᬭᬓᬵ᭞ᬫᬵᬃᬕ᭄ᬕᬶᬤᬫᭂᬮ᭄ᬩᬕᬸᬲ᭄᭞ᬓᬾᬭᬵᬢ᭄ᬩᬸᬫᬶᬲᬶᬦᬳᬾᬦᬦ᭄᭞ᬲᭀᬓ᭄ᬯᬃᬕ᭄ᬕᬦᬾᬢᬶᬬᬂᬦᬸᬱᬲᬺᬗ᭄ᬕᬶᬓᬢᬶᬢᬶ᭞ᬓᬧ᭄ᬭᬶᬓ᭄ᬱᬲᬩᭂᬦ᭄ᬤᬶᬦᬵ᭟ᬬᬾᬦ᭄ᬢᬦ᭄ᬯᬶᬓᬦ᭄ᬓᬾᬭᬵᬢᬾᬲᬫᬗ᭄ᬓᬶᬦ᭄᭞ᬓᬾᬭᬵ
ᬢ᭄ᬩᬜ᭄ᬚᬶᬂᬫᬮᬶᬄᬬᬾᬦ᭄ᬯᬶᬓᬦᬵ᭞ᬢᬦ᭄ᬯ᭄ᬭᬸᬄᬳᬭᬄᬮᬦ᭄ᬯᬸᬚᬸᬤᬾ᭞ᬢᬶᬬᬂᬩ᭄ᬮᬶᬮᬸᬢᬦ᭄ᬧᬯ᭄ᬭᬸᬄ᭞ᬲᬓᬾᬄᬚᬭᬾᬤᬶᬧᬸᬦ᭄ᬢᬸᬮᬶᬲ᭄᭞ᬯᬶᬦᬵᬃᬢᬓ᭄ᬓᬾᬳᬶᬂᬓᬢᬄ᭞ᬤᭀᬭᬓᭂᬦ᭄ᬤᭂᬮ᭄ᬳᬸᬫᬸᬓ᭄᭞ᬯᬶᬦᬭᬶᬓ᭄ᬱᬲᬲᬭᬶᬂᬓᬢᬄ᭞ᬳᬶᬗ᭄ᬕᬶᬄᬦᬶᬓᬸᬓᬯ᭄ᬭᬸᬄᬳᬾ
ᬢ᭄ᬬᬂᬫᬢᬓᬮᬶᬄ᭞ᬭᬜ᭄ᬚᬯᬦ᭄ᬭᬵᬩ᭄ᬩᬶᬭᬶᬩᬦ᭄᭟ᬧᬦᬶᬗ᭄ᬳᬮᬾᬫᬵᬯᬲ᭄ᬓᬾᬩ᭄ᬮᬢ᭄ᬓᬮᬶᬄ᭞ᬫᬢᬮᭀᬭᭀᬩ᭄ᬮᬾᬭᭀᬓᬯ᭄ᬭᬸᬳᬶᬭ᭞ᬲᬫᬃᬓᬮᬶᬗᬦ᭄ᬧᬶᬦ᭄ᬢᭂᬭᬾ᭞ᬳᬗ᭄ᬕᭂᬃᬫ᭄ᬮᬾᬓ᭄ᬓᬸᬫ᭄ᬭᬸᬯᬸᬓ᭄᭞ᬤᬮᬶᬮ᭄ᬓᬶᬢᬩ᭄ᬓᬂᬤᬾᬦ᭄ᬫᬓ᭄ᬦᬦᬶ᭞ᬓᬵᬗ᭄ᬓᬭᬦ᭄ᬭᬶ
[᭑᭑᭓ 113A]
ᬦᬫᭂᬲᬦ᭄᭞ᬫ᭄ᬭᬶᬂᬓᬮᬮᬾᬕᬸᬮᬸ᭞ᬲᬸᬕᬶᬳᬾᬤᬕᬶᬂᬤᬕᬗᬦ᭄᭞ᬫᬶᬦ᭄ᬢᬓ᭄ᬫᬶᬦ᭄ᬢᬸᬓ᭄ᬲᬤ᭄ᬬᬦ᭄ᬭᬬᬧ᭄ᬤᬾᬦ᭄ᬫᬵᬢᬶ᭞᭠ᬕᭀᬕ᭄ᬭᬕ᭄ᬫᬦ᭄ᬫᬸᬓᬶᬂᬳᬚᬮ᭄᭟ᬯᬚᬶᬩ᭄ᬯᭂᬦᬂᬢᬶᬬᬂᬕᭂᬲᬂᬗᬯ᭄ᬭᬸᬳᬶ᭞ᬰ᭄ᬯᬃᬕ᭄ᬕᬦ᭄ᬭᬵᬓᬵᬓᬾᬭᬵᬢ᭄ᬓᬮᬳᬶᬭᬦ᭄᭞ᬳᬶᬗ᭄ᬓᬂᬓᬢᬶ᭠
ᬗ᭄ᬳᬵᬮ᭄ᬯᬸᬚᬸᬤᬾ᭞ᬓᬾᬭᬵᬢ᭄ᬰ᭄ᬯᬃᬕ᭄ᬕᬩᬾᬲᬸᬓ᭄᭞ᬯᭀᬢᭂᬦ᭄ᬓᬾᬗᬶᬦ᭄ᬕᬶᬦᬬᬸᬄᬩᬸᬤ᭄ᬥᬶ᭞ᬮᬗ᭄ᬓᬸᬂᬓᬵᬃᬱᬦᬶᬂᬤᬾᬯᬵ᭞ᬳᬶᬂᬓᬂᬓᬵᬃᬬ᭄ᬬᬧᬦ᭄ᬤᬸᬫ᭄᭞ᬯᬚᬶᬩᬾᬓᬂᬦᬫᬶᬢᬶᬢᬄ᭞ᬦᬫ᭄ᬧᬶᬓ᭄ᬫᬶᬮᬶᬄᬰ᭄ᬯᬃᬕ᭄ᬕᬦ᭄ᬭᬓᬵᬓᬾᬭᬵᬢ᭄ᬮᬳᬶᬃ᭞ᬲ᭄ᬓᬃᬧᬗ᭄ᬓᬸᬃᬕᬸᬫᬦ᭄ᬢ᭄ᬬ
᭟᭐᭚ᬧᬗ᭄ᬓᬸᬃ᭚ᬧᬥᬸᬓᬾᬦ᭄ᬤ᭄ᬭᬵᬲᬵᬫ᭄ᬧᬸᬦ᭄ᬯᬶᬓᬦ᭄᭞ᬓᬾᬭᬵᬢ᭄ᬦ᭄ᬭᬓᬵᬳᬶᬬᬰᬦᬾᬳ᭄ᬬᬂᬯᬶᬥᬶ᭞ᬧᬸᬦ᭄ᬤᬶᬧᬶᬦᬶᬮᬶᬄᬚᬶᬦᬸᬚᬸᬂ᭞ᬧᬥᬸᬓᬵᬍᬩᭂᬢᬦ᭞ᬫᭂᬗ᭄ᬕᬄᬳᬸᬮᬸᬦ᭄ᬲᬵᬫ᭄ᬧᬸᬦ᭄ᬗᬦ᭄ᬢᭀᬲ᭄ᬫᭂᬗ᭄ᬕᬄᬫᬸᬗ᭄ᬕᬸᬄ᭞ᬮᬸᬫᭂᬩᭂᬢ᭄ᬓᬾ᭠
ᬭᬵᬢ᭄ᬫᭂᬮᬭᬵᬢ᭄᭞ᬬᬾᬦ᭄ᬓᬾᬗᬶᬦ᭄ᬓᬸᬮᬵᬲᬶᬗ᭄ᬓᬶᬭᬶ᭟ᬫᬵᬦ᭄ᬢᬸᬓ᭄ᬥᬢᭂᬂᬓᬫ᭄ᬮᬭᬢᬦ᭄᭞ᬢᬸᬯᬶᬦ᭄ᬫᬶᬗ᭄ᬕᬄᬳᭂᬭᬵᬢ᭄ᬳᬤᬶ᭠ᬮ᭄ᬦᬵᬕᬭᬶ᭞ᬍᬧᬢᬼᬋᬱ᭄ᬚᬯᬩᬶᬧᬸᬦ᭄᭞ᬫᬲ᭄ᬢᬶᬫᬗ᭄ᬕᬶᬄᬳᬸᬓᬸᬫᬦ᭄᭞ᬗᬗ᭄ᬕᬾᬭᬡ᭄ᬝᬾᬜᬗ᭄ᬕᬶᬓᬵᬃᬬ᭄ᬬᬧᬓ᭄ᬱᬦᬶᬓᬸ᭞᭠