[᭑᭐᭑ 101B]
᭑᭐᭑
ᬦᬶᬓᬸᬳᬲᬶᬮᬾᬧᬸᬦᬧ᭞ᬧᬦ᭄ᬯᬸᬲ᭄ᬲᬾᬤ᭄ᬥᬓᬯᬸᬮᬧᬶᬲᬄᬕᬸᬲ᭄ᬢᬶ᭞ᬮᬫᬸᬦ᭄ᬲᬳᬾᬢᬾᬓᬤᬶᬧᬸᬦ᭄᭞ᬲᬸᬯᬯᬶᬤᬶᬓᬚᬯᬩ᭄᭞ᬳᬢᬹᬃᬓᬸᬮᬵᬧᬸᬦᬶᬓᬶᬤᬶᬧᬸᬦ᭄ᬓᬧᬗ᭄ᬕᬸᬄ᭞ᬲᬵᬫ᭄ᬧᬸᬦ᭄ᬳᬕᬾᬳᬕᬾᬗᬚᬓ᭄᭞ᬫᬶᬢᬸᬭᬸᬢ᭄ᬳᬕᬫᬶᬳᬃᬪᬶ᭟ᬳᬗ
ᬦ᭄ᬤᬷᬓᬰ᭄ᬭᬶᬦᬳᬾᬦ᭄ᬤᬵ᭞ᬩ᭄ᬭᬯᬶᬚᬫᬸᬮᬶᬄᬫᬭᬂᬳᬲᬮᬶᬂ᭞ᬳᬲᬮᬾᬦᬹᬃᬩᬵᬮᬶᬫ᭄ᬭᬶᬂᬦᬹᬃ᭞ᬰᬩ᭄ᬥᬧᬮᭀᬦ᭄ᬢᬹᬭᬶᬭᬵ᭞ᬳᬶᬗ᭄ᬕᬶᬄᬦᬶᬓᬵᬓᬯ᭄ᬭᬸᬳᬾᬢᬶᬬᬂᬩᬶᬗᬸᬂᬧᭂᬗᬸᬂ᭞ᬲᬶᬚᬶᬫᬸᬂᬯᬗ᭄ᬲᬸᬮ᭄ᬲᬢᬸᬗ᭄ᬕᬮ᭄᭞ᬲᬩᬤᬸᬜᬕᭂᬲᬂ᭠
ᬭᬸᬕᬶ᭟ᬤᬸᬓ᭄ᬕᭂᬲᬗᬾᬤᬾᬭᬾᬂᬦᭂᬤ᭞ᬯᭀᬄᬯᬶᬢ᭄ᬓᬯ᭄ᬭᬸᬄᬓᬮᬯᬵᬦ᭄ᬯᭀᬄᬯᬶᬢ᭄ᬩᬸᬤ᭄ᬥᬶ᭞ᬳᬲᬮ᭄ᬲᬶᬚᬶᬫᬵᬦ᭄ᬢᬸᬓ᭄ᬲᬢᬸ᭞ᬤᬾᬤᬾᬧᬢᬶᬉᬢ᭄ᬢᬫ᭞ᬓᬂᬉᬢ᭄ᬢᬫᬲᬾᬯᬸᬲᬢᬸᬲ᭄ᬢᭂᬮᬸᬂᬧᬸᬮᬸᬄ᭞ᬲᬢᬸᬲ᭄ᬧᬸᬢᬸᬲ᭄ᬢᭂ᭠
ᬮᬸᬢᬶᬮᬲ᭄᭞ᬧᬸᬮᬸᬄᬧᬸᬮᬶᬄᬯᬸᬚᬸᬤ᭄ᬫᬮᬶᬄ᭟ᬮᬗ᭄ᬕᭂᬂᬭᬶᬲᬓ᭄ᬯᬸᬚᬸᬤᬶᬭ᭞ᬳᬶᬗ᭄ᬓᬂᬭᬶᬲᬓ᭄ᬳᬲᬮᬾᬭᭀᬄᬳᬮᬧᬶ᭞ᬳᬶᬗ᭄ᬓᬂᬮᬗ᭄ᬕᭂᬂᬳᬸᬭᬶᬧᬶᬧᬸᬦ᭄᭞ᬳᬶᬲᬳᬾᬭᬕᬲᬹᬓ᭄ᬱ᭄ᬫᬵ᭞ᬦᬶᬓᬸᬦᬫᬶᬲᬳᬤᬢ᭄ᬢᬦ᭄ᬧᬳᬲᬵᬥᬸ᭞᭠
[᭑᭐᭒ 102A]
ᬕᬦ᭄ᬢᬶᬳᭂᬭᭀᬄᬮᬧᬶᬲᬦ᭄᭞ᬲᬲᬲᬸᬭᬸᬧ᭄ᬧᬲ᭄ᬢᬶᬤᬤᬶ᭟ᬤᬃᬭᬶᬦᬶᬓᬸᬤᬭᬶᬫᬓ᭄ᬦᬵ᭞ᬳᬲᬮᬶᬭᬯᬶᬢ᭄ᬳᬸᬚᬸᬤ᭄ᬤᬤᭀᬲ᭄ᬚᬦ᭄ᬫᬶ᭞ᬲᬸᬭᬸᬧ᭄ᬲᬸᬫᬸᬭᬸᬧᬾᬳᬶᬓᬸ᭞ᬧᬹᬃᬯ᭄ᬯᬫᬥ᭄ᬬᬳᬸᬲᬦᬵ᭞ᬦᭂᬢᭂᬧᬦᬳᬭᬦᬾᬚᬦ᭄ᬫᬮᬸᬫᬓᬸ᭞
ᬩᭀᬢᭂᬦ᭄ᬳᭀᬩᬄᬲᬓᬶᬂᬧᬺᬡᬄ᭞ᬚ᭄ᬭᭀᬕᬸᬯᬲᬶᬃᬘᬶᬧ᭄ᬢᬮᬫᬶ᭟ᬯᬗ᭄ᬲᬸᬮ᭄ᬫᬦ᭄ᬢᬸᬓᬫ᭄ᬭᬶᬂᬳᬲᬮ᭄᭞ᬳᬲᬮ᭄ᬳᬶᬧᬸᬦ᭄ᬲᬹᬓ᭄ᬱ᭄ᬫᬦᬾᬚᬦ᭄ᬫᬗᬸᬦᬶ᭞ᬲᬸᬮ᭄ᬩᬶᬳᬥᬫ᭄ᬳᬲᬮ᭄ᬳᬶᬧᬸᬦ᭄᭞ᬯᬗ᭄ᬲᬸᬮᬲᬸᬮ᭄ᬩᬶᬳᬥᬫ᭄᭞ᬤᬤᭀᬲ᭄ᬯᬶᬓᬦ᭄ᬲ᭠
ᬢ᭄ᬓᬦ᭄ᬧᬭᬦ᭄ᬓᬾᬲᬄᬫᬦ᭄ᬢᬸᬓ᭄᭞ᬢᬦ᭄ᬲᬫᬃᬳᬮᬫᬾᬮᬫᬵ ᭞ᬩᬶᬬᬾᬦ᭄ᬫᬗ᭄ᬓᬾ ᬩᬾᬲᬸᬓ᭄ᬲᬫᬶ᭟ᬫᬸᬂᬳᬗᬦ᭄ᬢᬸᬓ᭄ᬦᬵᬕᬥᬸᬳᬦ᭄᭞ᬳᬲᬮ᭄ᬲᬶᬣᬶᬯᬗᬸᬲᬸᬮ᭄ᬥᬢᭂᬂᬩᬸᬫᬶ᭞ᬳᬧᬶᬫᬗ᭄ᬲᬸᬮᬫ᭄ᬭᬶᬂᬮᬢᬸ᭞ᬳᬗᬶᬦ᭄ᬯᬗ᭄ᬲᬸᬮ
ᬩᬭᬢ᭄᭞ᬳᬲ᭄ᬮ᭄ᬢᭀᬬᬧᬸᬦᬶᬓᬸᬯᬗ᭄ᬲᬸᬮᬩᬜᬸ᭞ᬓᬂᬯᬸᬚᬸᬤ᭄ᬢᬶᬮᬭᬳᬭᬦ᭄᭞ᬓᬂᬲᬸᬯᬸᬂᬯᬗ᭄ᬲᬸᬮᬲᭂᬧᬶ᭟ᬢᬶᬮᬭᬢᬸᬮᬶᬲ᭄ᬢᬶᬮᬲᬦ᭄᭞ᬢᬶᬮᬲᬦᬾᬓᬲᭂᬩᬸᬢ᭄ᬢ᭄ᬬᬂᬩᭂᬘᬶᬓ᭄᭞ᬲᬫ᭄ᬧᬸᬦ᭄ᬧᭂᬚᬄᬤᬤᭀ᭠
Kaca:Bali-lontar-gaguritan-dharmma-gandul-300ppi.pdf/102
Kaca puniki sampun kauji-wacén
