Kaca:Bali-lontar-gaguritan-dharmma-gandul-300ppi.pdf/100

Saking Wikisource
Kaca puniki sampun kauji-wacén

[᭙᭙ 99B]
᭙᭙
ᬧᬥᬸᬓᬵᬫᬲᬸᬓ᭄ᬧ᭄ᬭᬶᬩᬤ᭄ᬬ᭞ᬓᬯᬸᬮᬩᭀᬢᭂᬦ᭄ᬓᬤᬸᬕᬶ᭟ᬢᬦ᭄ᬢᬳᬦ᭄ᬓᬸᬮᬢᬸᬫᬶᬗ᭄ᬳᬮ᭄᭞ᬳᬤᬢ᭄ᬲᬶᬬᬓᬤ᭄ᬬᬢ᭄ᬬᬂᬢᬦᬄᬳᬵᬃᬪᬶ᭞ᬲᬶᬬᬓᬸᬓᬸᬫ᭄ᬢᭂᬕᭂᬲᬶᬧᬸᬦ᭄᭞ᬢᬹᬃᬲᬶᬬᬥᬢᭂᬂᬭᬕ᭞ᬗᬾᬮ᭄ᬫᬶᬦᬶᬧᬸᬦ᭄ᬳᬫ᭄ᬧᬸᬗᬦ᭄ᬲ
ᬭᬵᬢ᭄ᬲᬥᬵᬭᬹᬫ᭄᭞ᬫᬦᬯᬶᬓᬵᬃᬬ᭄ᬬᬓᬧᬶᬭᬦ᭄᭞ᬓᬫᬸᬓ᭄ᬱᬦ᭄ᬓᬯᬸᬮᬩᬾᬜ᭄ᬚᬶᬂ᭟ᬕᬸᬲ᭄ᬢᬶᬲᬗᭂᬢ᭄ᬓᬲᬫᬭᬦ᭄᭞ᬥᬢᭂᬂᬗᬾᬮ᭄ᬫᬶᬳᬤᬢ᭄ᬓᬮᬶᬫᬄᬓᬮᬶᬄ᭞ᬲᬤᬾᬭᬾᬗᬾᬩᬗ᭄ᬰᬳᬵᬃᬪᬸᬫ᭄᭞ᬗᬜ᭄ᬘᬶᬓᬶᬂᬢᬦᬄᬚᬯ᭞᭠
ᬢᬦᬄᬚᬯᬶᬯᬸᬲ᭄ᬜᭂᬧᭂᬂᬧᬶᬓᬸᬓᬸᬳᬶᬧᬸᬦ᭄᭞ᬧᬸᬱ᭄ᬝᬓᬵᬓᬮᬶᬫᬰᬥ᭞ᬓᬮᬶᬄᬲᬥᬢ᭄ᬲᬚᬢᬶ᭟ᬰᬲ᭄ᬢ᭄ᬭᬦᬶᬭᬰᬲ᭄ᬢ᭄ᬭᬭᬜ᭄ᬘᬂ᭞ᬫᬸᬂᬳᬭᬦᬾᬘᬶᬦᬜ᭄ᬘᬂᬚ᭄ᬭᭀᬦᬶᬂᬩᬢᬶᬦ᭄᭞ᬯᬸᬚᬸᬤᬾᬕᬶᬦᭂᬮᬃᬗ᭄ᬮᬶᬧᬸᬢ᭄᭞ᬗ᭄ᬮᬶᬫ᭄ᬧᬸᬢᬶᬲᬶ
ᬧᬢ᭄ᬳᬦ᭞ᬳᬦᬦᬶᬭᬕᬶᬦᭂᬮᬃᬯᭀᬦ᭄ᬢᭂᬦᬶᬂᬲᬸᬯᬸᬂ᭞ᬲᬸᬯᬸᬗᬾᬳᬫᭂᬗ᭄ᬓᬸᬜᬢ᭞ᬧᬶᬦᬸᬚᬶᬲᬶᬧᬢ᭄ᬤᬸ᭠ᬫᬤᬶ᭟ᬤᬾᬦᬾᬓᬂᬫᬱ᭄ᬝᬦᬶᬫᬸᬮ᭄ᬬᬵ᭞ᬲᬭᬓ᭄ᬭᬲᬸᬮ᭄ᬧᬸᬦᬶᬓᬵᬩᬗ᭄ᬰᬳᬵᬃᬪᬶ᭞ᬮᬦ᭄ᬩᬗ᭄ᬰᬲᭂᬮᬫ᭄ᬲᬥᬵᬭᬹᬫ᭄᭞᭠
[᭑᭐᭐ 100A]
ᬗ᭄ᬕᬸᬕᬸᬂᬩᬤᬦ᭄ᬧ᭄ᬭᬶᬩᬤ᭄ᬬ᭞ᬫᭂᬗ᭄ᬕᬄᬳᬸᬮᬸᬦ᭄ᬫᬱ᭄ᬝᬦᬶᬢ᭄ᬬᬂᬩᭀᬢᭂᬦ᭄ᬳᬸᬭᬸᬲ᭄᭞ᬳᬗ᭄ᬕᬸᬕᬸᬂᬩᭂᬘᬶᬓᬶᬂᬢᬗ᭄ᬕ᭞ᬗᬧᭂᬲ᭄ᬓᬾᬩᬤᬦ᭄ᬧ᭄ᬭᬶᬩᬤᬶ᭟ᬳᬋᬫᭂᬦ᭄ᬳᬕᬫᬶᬮᬫ᭞ᬜᭂᬩᬸᬢ᭄ᬚᬕᬤ᭄‌ᬤᬾᬯᬵᬕᬸᬂᬓᬂᬮᬶᬦᬸᬯᬶᬄ᭞ᬚᬕᬤ᭄ᬳᬶᬓᬸᬭ᭠
ᬕᬦᬶᬧᬸᬦ᭄᭞ᬤᬾᬯᬩᬸᬤᬶᬮᬦ᭄ᬳᬯ᭞ᬯᬸᬲ᭄ᬯᬚᬶᬩᬾᬫᬦᬸᬱᬧᬸᬦᬶᬓᬸᬫᬦᬹᬢ᭄᭞ᬳᬶᬂᬭᬕᬩᬸᬤ᭄ᬥᬶᬓᬵᬋ᭠ᬧᬦ᭄᭞ᬤᬤᭀᬲ᭄ᬩᭀᬢᭂᬦ᭄ᬗᬧᬶᬭᬦᬶ᭟ᬬᬾᬦ᭄ᬜᭂᬩᬸᬢ᭄ᬦᬪᬶᬫᬸᬳᬵᬫ᭄ᬫᬤ᭄᭞ᬭᬲᬸᬮᬸᬮ᭄ᬮᬄᬧᬸᬦᬶᬓᬳᬦᬶᬯᬲᬶ᭞ᬫᬸᬳᬵ
ᬫ᭄ᬫᬤ᭄ᬫᬓᬫᬦ᭄ᬓᬸᬩᬹᬃ᭞ᬓᬸᬩᬹᬃᬭᬱᬓᬂᬲᬮᬄ᭞ᬫᬸᬂᬗᬯᬸᬮᬭᬯᬥᬕ᭄ᬯᬥᬄᬳᭂᬦ᭄ᬤᬸᬢ᭄᭞ᬫᬸᬂᬦᭂᬤ᭄ᬥᬳᬾᬘᬓᬾ᭠ᬯᬮ᭞ᬢᬦ᭄ᬯ᭄ᬭᬶᬦ᭄ᬩᬶᬮᬳᬶᬦᬶᬂᬯᬸᬭᬶ᭟ᬦᬶᬓᬸᬳᬕᬫᬶᬫᬸᬳᬫᬤ᭄᭞ᬲᬫᬶᬦᬶᬧᬸᬦ᭄ᬳᬕᬫᬶᬦᬾᬦᬸᬄᬦᬵᬪᬶ᭞ᬦᬸᬄᬦᬾᬄ
ᬭᬾᬫᬾᬄᬓᬯ᭄ᬭᬸᬳ᭄ᬧᬸᬦ᭄᭞ᬦᬶᬓᬸᬦᬪᬶᬦᬾᬩᭀᬘᬄ᭞ᬋᬫᭂᬦ᭄ᬭᬸᬫᬢ᭄ᬳᬩᬵᬂᬓᬸᬦᬶᬂᬦᭂᬤᬶᬢᬸᬯᬸᬓ᭄᭞ᬭᬱᬦᬾᬓᬯ᭄ᬭᬸᬄᬓᬮᬶᬗᬦ᭄᭞ᬓᬾᬮᬶᬗᬦ᭄ᬭᬱᬦᬾᬓᬸᬮ᭄ᬤᬶ᭟ᬬᬾᬦ᭄ᬯᬸᬲ᭄ᬢᬸᬯᬸᬓ᭄ᬲᬫᬶᬗᭀᬫ᭄ᬬᬂ᭞ᬓᬸᬫᬭᬸᬧ᭄ᬬᬸᬂᬮᬶᬃ