[᭑᭔ 14B]
᭑᭔
ᬧᬥᬬᬂᬫᬢᬦ᭄ᬤᬶᬂ᭞ᬮᬫᬸᬦ᭄ᬓᬘᬶᬯᬩᬦ᭄ᬗᭀᬭᭀᬂ᭞ᬓᬳᭂᬘᭀᬓ᭄ᬓᬮᬶᬫᬢᭂᬮᬸ᭞ᬫᬲᬩᬸᬳᬸᬂᬢᬦᬶᬓᬮᬄ᭞ᬚᬯᬢ᭄ᬗᭂᬧᬶᬓ᭄᭞ᬓᬢᭂᬫ᭄ᬧᬸᬃᬢ᭄ᬯᬭᬕᬯᬾᬜ᭟᭠
ᬓᬾᬢᭀᬩᬳᬦ᭄ᬫᬭᬶᬭᬶᬗ᭞ᬭᬲᬭᬲᬬᬤᬶᬳᬢᬶ᭞ᬮᬫᬸᬦ᭄ᬢ᭄ᬯᬄᬳᬯᬓᬾᬩᭀᬘᭀᬓ᭄᭞ᬫᬫᬤᬶᬓ᭄ᬳᬦᬓᬾᬳᬬᬸ᭞ᬫᬲᬩᬸᬳᬸᬂᬢ᭄ᬯᬄᬜᬲᭂᬗᬧ᭄᭞ᬚ
ᬯᬢ᭄ᬗᭂᬧᬶᬓ᭄᭞ᬤᬶᬯᬲᬢ᭄ᬯᬭᬕᬯᬾᬦ᭄ᬜ᭟ᬚᬯᬢ᭄ᬬᬫᬗᭂᬚᬸᬓ᭄ᬲᬶᬬᬧ᭄᭞ᬳᬱ᭄ᬝᬯᬭᬦᬾᬳᬶᬯᬲᬶᬦ᭄᭞ᬲᬳᬸᬍᬲ᭄ᬜᬦᬾᬢᬸᬳᬸᬢᬂ᭞ᬳᭂᬦ᭄ᬢᭀᬢᬶᬩᬬᬂ
ᬧᬶᬂᬓᬸᬢᬸᬲ᭄᭞ᬮᬫᬸᬦ᭄ᬳᬶᬦ᭄ᬤ᭄ᬭᬚᬸᬓ᭄ᬦᬾᬦᬾᬲ᭞ᬗ᭄ᬳᬶᬂᬳᬶᬯᬲᬶᬦ᭄᭞ᬲᭂᬤᭂᬓ᭄ᬚᬬᬦᬾᬢᬸᬚᬸᬯᬂ᭟ᬕᬸᬭᬸᬕᬭᬸᬫ᭄ᬩᬸᬦ᭄ᬢᬸᬚᬸᬯᬂ᭞ᬮᬫᬸᬦ᭄ᬗᭂᬚᬸᬓ᭄ᬦᬾᬦᬾᬩᬶᬳᬶᬂ᭞ᬤᬶᬮᬸᬤ᭄ᬭ
[᭑᭕ 15A]
ᬦᬾᬚᬸᬓ᭄ᬦᬾᬳᬶᬚᭀ᭞ᬬᬾᬦᬶᬂᬩ᭄ᬭᬳ᭄ᬫᬵᬚᬸᬓ᭄ᬦᬾᬓ᭄ᬮᬯᬸ᭞ᬓᬵᬮᬦᬾᬩ᭄ᬯᬶᬦ᭄ᬧ᭠ᬲᬲᬂ᭞ᬉᬫᬲᭂᬍᬫ᭄᭞ᬰ᭄ᬭᬶᬳᭂᬚᬸᬓ᭄ᬦᬾᬦᬾᬲ᭄ᬭᬯᬄ᭟ᬓᬾᬦ᭄ᬢᭀᬩᬳᬦ᭄ᬫᬢᬸᬚᬸᬯᬂ᭞
ᬦᬗ᭄ᬳᬶᬂᬚᬬᬦᬾᬢᭂᬫᭀᬦᬶᬦ᭄᭞ᬚᬯᬢ᭄ᬲᬸᬩᬦᭂᬫᬸᬓᬾᬦ᭄ᬢᭀ᭞ᬳᭂᬦ᭄ᬤᬾᬜ᭄ᬚᬸᬤᬧᬢᬶᬮᬚᬸ᭞ᬳᬶᬗ᭄ᬓᭂᬮᬶᬗ᭄ᬓᭂᬮᬾᬳᬶᬗᭂᬢᬂ᭞ᬦ᭄ᬢᭀᬳᬶᬯᬲᬶᬦ᭄᭞ᬳᬶᬗ᭄ᬓᭂᬮ᭄ᬫᬦᬸ
ᬓᬾᬤᬫᬧᬲ᭄᭟ᬳᬶᬢᬸᬂᬳᬸᬓᬸᬦᬾᬓᬦ᭄ᬤᬬᬂ᭞ᬯᬶᬮᬂᬫᬓᭂᬚᬂᬧᭂᬢᬾᬓᬶᬦ᭄᭞ᬮᬫᬸᬦ᭄ᬓᬲᬶᬦ᭄ᬳᬳᬶᬗ᭄ᬓᭂᬮ᭄ᬯᭀᬂ᭞ᬤᬶᬮᬦ᭄ᬟᭂᬧᬾᬳᬶᬗ᭄ᬓᭂᬮ᭄ᬳᬲᬸ᭞ᬤᬶᬳᬸᬓᬶᬭᬾᬳᬶᬗ᭄ᬓᭂ
ᬮ᭄ᬧᬓ᭄ᬱ᭄ᬬ᭞ᬬᬾᬦ᭄ᬓᬸᬮᬦ᭄ᬢᬶᬃ᭞ᬳᬶᬗ᭄ᬓᭂᬮ᭄ᬫᬶᬡᬦ᭄ᬢᭀᬳᬤᬦ᭄ᬜ᭟ᬤᬶᬢᭀᬮᬸᬦᬾᬳᬶᬗ᭄ᬓᭂᬮ᭄ᬲᭀᬘ᭞ᬤᬶᬕᬸᬫ᭄ᬩᬺᬕᬾᬩ᭄ᬯᬶᬦ᭄ᬫᬲᬮᬶᬦ᭄᭞ᬳᬶᬗ᭄ᬓᭂᬮ᭄ᬢᬭᬸᬦ᭄ᬢᭀᬳᬤᬦ᭄ᬜ᭞
Kaca:Bali-lontar-gaguritan-dewasa-350ppi.pdf/15
Kaca puniki sampun kauji-wacén
