[᭒᭑ 21B]
᭒᭑
ᬳᬦ᭄ᬯᬶᬥᬶᬦᬾ᭞ᬗᭂᬩᭂᬓ᭄ᬭᬶᬂᬚᬕᬢ᭄ᬯᬶᬩᬸᬄ᭞ᬳ᭄ᬬᬂᬦᬦ᭄ᬢᬯᬶᬰᬾᬱᬚᬢᬶ᭞ᬧᬵᬢᬹᬢ᭄ᬳᬤᬳᬲ᭄ᬣᬯ᭞ᬭᬶᬂᬓᬫᬸᬮᬦ᭄ᬢᬸᬚᬸ᭞ᬫᬳᬢᬸᬭᬜ᭄ᬘᬦᬂᬲᭂᬓᬃ᭞ᬯᬗᬶᬯᬗᬶ᭞ᬫᬤᬸᬮᬸᬭ
ᬦ᭄ᬩᬸᬭᬢ᭄ᬯᬗᬶ᭞ᬓᬮᬶᬄᬤᬸᬯᬸᬃᬧᬫᬺᬫᬦ᭄᭟᭑᭕᭟ᬢ᭄ᬯᬄᬢᬦ᭄ᬫᬭᬶᬫᬗᬲ᭄ᬣᬶᬢᬶᬪᬓ᭄ᬢᬶ᭞ᬫᬧᬶᬦᬸᬦᬲ᭄᭞ᬦᬸᬦᬲ᭄ᬓᭂᬭᬳᬬ᭄ᬯᬦ᭄᭞ᬳᬬᬸᬓᬤᬶᬃᬕ᭄ᬖᬬᬸᬱᬦᬾ᭞ᬓᬾᬢᭀᬳᬶᬥᭂᬧᬾ
ᬢᬸᬚᬸ᭞ᬫᬧᬶᬦᬸᬦᬲ᭄ᬭᬶᬂᬳ᭄ᬬᬂᬯᬶᬥᬶ᭞ᬦᬾᬩᬸᬯᬶᬦ᭄ᬳᬤᬳᬶᬗᭂᬢᬂ᭞ᬧᬶᬢᭂᬓᭂᬢ᭄ᬤᬶᬢᬸᬢᬸᬃ᭞ᬬᬦ᭄ᬲᭂᬥᭂᬓ᭄ᬢᬸᬫ᭄ᬧᭂᬓ᭄ᬤᬶᬦᬦ᭄ᬜ᭞ᬦᬾᬦ᭄ᬢᭂᬦ᭄ᬧᬶᬲᬦ᭄᭞ᬤᬤᭀᬲ᭄ᬫᬓᬃᬬ᭄ᬬᬭᬶᬂᬯᭂᬗᬶ᭞
ᬤᭀᬬᬦ᭄ᬫᬗ᭄ᬕᬸᬄᬲᬦ᭄ᬓᬮ᭟᭑᭖᭟ᬦᬄᬳᬓᬾᬢᭀᬧ᭄ᬭᬕᬢ᭄ᬲᬫ᭄ᬧᬸᬦ᭄ᬫᬗ᭄ᬓᬶᬦ᭄᭞ᬧᬶᬤᬩ᭄ᬤᬩ᭞ᬢᬶᬗ᭄ᬓᬄᬫᬳᬢᬸᬭᬦ᭄᭞ᬗᬦᬸᬢᬶᬦ᭄ᬤᬶᬦᬵᬳᬸᬓᬸᬦᬾ᭞ᬦᬵᬗ᭄ᬳᬶᬂᬳᬫ᭄ᬧᬸ
[᭒᭒ 22A]
ᬭᬭᬢᬸ᭞ᬳᬲᬶᬂᬮᬾᬤᬂᬓᬬᬸᬦ᭄ᬫᬯᭀᬲᬶᬦ᭄᭞ᬓᬭᬗᬦ᭄ᬳᬓᬾᬄᬓᬶᬭᬂ᭞ᬫᬸᬜᬶᬫᬜᬭᬸᬩᬸᬢ᭄᭞ᬧᬸᬧᬸᬄᬗᬤᬮ᭄ᬚᭀᬓᬦ᭄ᬮᬶᬯᬢ᭄᭞ᬢᬸᬦᬍᬯᬶᬄ᭞ᬓᬾᬫᬯᭀ
ᬦ᭄ᬜᬶᬤ᭄ᬥᬬᬂᬜᬭᬶᬓ᭄᭞ᬤᬤᭀᬲ᭄ᬳᬗ᭄ᬕᬾᬧᬳᬶᬮᬶᬗᬦ᭄᭟᭑᭗᭟ᬲᬥ᭄ᬬᬦ᭄ᬢᬶᬢ᭄ᬬᬂᬫᬗ᭄ᬤᬲᬫᬶᬗᭂᬃᬢ᭄ᬢᬶ᭞ᬳᬸᬦᬶᬂᬲᭀᬮᬄ᭞ᬢᬶᬗ᭄ᬓᬄᬫᬳᬢᬸᬭᬦ᭄᭞ᬤᬸᬫᬤᬓ᭄ᬲ᭄ᬯᬾᬘ᭄ᬙᬯᬶ
ᬤᬶᬦᬾ᭞ᬜᬶᬤ᭄ᬥᬬᬂᬫᬗ᭄ᬕᬸᬄᬲᬤ᭄ᬬᬸᬄ᭞ᬢᬦ᭄ᬓᬳᬦᬦ᭄ᬯᬶᬬᬭᬧᬜᬓᬶᬢ᭄᭞ᬲᬯᬢ᭄ᬭᬓᬭᬳᬬ᭄ᬯᬦ᭄᭞ᬓᬾᬢᭀᬲᬦᬾᬢᬸᬚᬸᬦ᭄᭞ᬢᬶᬢ᭄ᬬᬂᬓ᭄ᬭᬡᬫᬫ᭄ᬩᬸᬯᬢᬂ᭞ᬗᬺᬜ᭄ᬘ
ᬦᬬᬂ᭞ᬫᬶᬢᬸᬢᬸᬭᬶᬦ᭄ᬳᬮᬶᬢ᭄ᬳᬮᬶᬢ᭄᭞ᬩᬶᬮᬶᬄᬳᬤᬕᬸᬡ᭄ᬜ᭟᭑᭘᭟
Kaca:Bali-lontar-gaguritan-dewa-yajnya-450ppi.pdf/22
Kaca puniki sampun kauji-wacén
