Kaca:Bali-lontar-gaguritan-darmakerti-300ppi.pdf/3

Saking Wikisource
Kaca puniki sampun kauji-wacén

[᭒ 2B]

ᬫᭀᬭᬶᬂᬯᬶᬥᬶ᭟ᬦᬗ᭄ᬳᬶᬂᬬᬦ᭄ᬤᬶᬲᬃᬯ᭄ᬯᬪᬯ᭞ᬲᬦᬾᬤᬤᬶᬳᬶᬲᬶᬦ᭄ᬕᬸᬫᬶᬦᬾᬤᬶᬦᬶ᭞ᬢ᭄ᬯᬄᬳᬶᬫᬦᬸᬱᬓᬯᬸᬯᬸᬲ᭄᭞ᬫᬤᬦ᭄ᬧᬮᬶᬂᬉᬢ᭄ᬢᬫ᭞ᬓ᭄ᬭᬡᬓᬾᬢᭀᬧᬫᬶᬫᬶᬢᬦ᭄ᬜᬦᬾᬫᬮᬸ᭞ᬲᬓᬶᬂᬕ
ᬯᬾᬦ᭄ᬚᭂᬮᬾᬫᭂᬮᬄ᭞ᬲᬳᭂᬫ᭄ᬩᬂᬧᬤᬸᬫᬾᬭᬶᬳᬶᬦ᭄᭟ᬦᬸᬳᬸᬦ᭄ᬢ᭄ᬯᬄᬲᬗ᭄ᬓᬦᬶᬂᬲᬗ᭄ᬓᬦ᭄᭞ᬫᬦᬸᬱᬦᬾᬳᬯᬶᬓ᭄ᬘᬢ᭄ᬭᬶ᭞ᬤᬶᬕᬸᬫᬶᬦᬾᬤᬶᬦᬶᬳᬶᬤᬸᬧ᭄᭞ᬦᬾᬫᬶᬲᬶᬚᭂᬮᬾᬫᭂᬮᬄ᭞ᬲᬸᬓᬤᬸᬓ
ᬲᭂᬕᭂᬃᬲᬓᬶᬢ᭄ᬫᬢᬶᬳᬶᬤᬸᬧ᭄᭞ᬘᭂᬦᬶᬓ᭄ᬓᭂᬮᬶᬄᬩᬚᬂᬢᬸᬯ᭞ᬧᭂᬢᭂᬂᬍᬫᬄᬧᬦᬲ᭄ᬢᬶᬲ᭄᭟᭠ᬫᬯᬶᬦᬦ᭄ᬫᬯᬓ᭄‌ᬉᬢ᭄ᬢᬫ᭞ᬫᬦᬸᬱᬦᬾᬧᬦ᭄ᬓᬳᬸᬗ᭄ᬕ᭄ᬯᬦ᭄ᬩᬸᬤ᭄ᬥᬶ᭞ᬯᬶᬰᬾᬱᬦᬾᬫᬦᬸᬤᬸᬄ᭞ᬲ
ᬗ᭄ᬓᬦ᭄ᬲᬶᬤ᭄ᬥᬯᬶᬰᬾᬱ᭞ᬫᬗ᭄ᬯᬶᬰᬾᬱᬳᬶᬲᬃᬯ᭄ᬯᬪᬵᬯᬫᬦᬸᬗ᭄ᬓᬸᬮ᭄᭞ᬦᬸᬗ᭄ᬓᬸᬮ᭄ᬩᬦ᭄ᬜᬦᬾᬫᭀᬢ᭄ᬢᬫ᭞ᬦᬾᬳᬸᬫᬶᬤᭂᬃᬚ᭄ᬭᭀᬦᬶᬂᬳᬢᬶ᭟ᬓᬲᬗ᭄ᬕ᭄ᬭᬩᬦ᭄ᬢ᭄ᬭᬶᬕᬸᬡ᭞ᬩᬮᬶᬓᬦ᭄ᬜᬢ᭄ᬭᬶ

[᭓ 3A]

ᬫ᭄ᬮᬓᬳᬤᬦᬶᬦ᭄᭞ᬢᭀᬩᬸᬤ᭄ᬥᬶᬧᭀᬳᭀᬲ᭄ᬢᭂᬮᬸ᭞ᬳᬶᬲᬢ᭄ᬯᬭᬚᬄᬢᬫᬄ᭞ᬦᬾᬢᬦ᭄ᬫᬭᬶᬫᬕᬸᬚᭂᬕ᭄‌ᬤᬺᬯᬾᬦᬂᬓᬬᬸᬦ᭄᭞ᬫᬦᬸᬗ᭄ᬓᬲᬂᬓᬧᬢᬸᬢᬦ᭄᭞ᬦᬕᬶᬄᬗᬗ᭄ᬕᭀᬦ᭄ᬩᭂᬲᬶᬓ᭄ᬩᭂ
ᬲᬶᬓ᭄᭟ᬳᬦᬸᬢ᭄‌ᬬᬦ᭄ᬓᬩᬯᭀᬲ᭄ᬩᬕ᭄ᬬ᭞ᬤᬶᬓᬵᬮᬦᬾᬤᬤᬶᬫᬦᬸᬱᬚᬦᬶ᭞ᬬᬤ᭄ᬬᬧᬶᬦ᭄ᬢ᭄ᬯᬶᬲᬚᬮᬸᬯᬸᬂ᭞ᬤᬳᬢ᭄ᬓᬢᬸᬦᬦ᭄ᬩ᭄ᬭᬦ᭞ᬮᬶᬯᬢ᭄ᬗᬾᬓ᭄ᬱᬫᬲᬶᬄᬮ᭄ᬯᬶᬄᬳᭂᬦ᭄ᬢᭀᬓᬯᬸ
ᬯᬸᬲ᭄᭞ᬬᬦ᭄ᬢᬦ᭄ᬤᬶᬗᬂᬢᭂᬓᬾᬦᬾᬮᬾᬦᬦ᭄᭞ᬲᬦᬾᬩᬋᬂᬳᬶᬤᬸᬧ᭄ᬤᬶᬦᬶ᭟ᬳᬧᬢᭀᬓ᭄ᬭᬡᬦᬾᬩᬕ᭄ᬬ᭞ᬭᬾᬄᬚᬤ᭄ᬫᬦᬾᬓᬳᬶᬘ᭄ᬙᬾᬦ᭄ᬫᬮᬚᬳᬶᬦ᭄᭞ᬓᭀᬘᬧᬦ᭄ᬢᬸ
ᬢᬸᬃᬭᬳᬬᬸ᭞ᬦᬾᬫᬸᬗ᭄ᬕᬸᬄᬤᬶᬳᬕᬫ᭞ᬫᬩᬸᬳᬢ᭄ᬓᬲᬾᬧᬦ᭄ᬲᬶᬤ᭄ᬥᬫᬦᬸᬮᬸᬂ᭞ᬳᬯᬓ᭄ᬫᬲᭂᬤᬦᬳᬯᬓ᭄᭞ᬓᬦ᭄ᬢᬶᬲᬶᬤ᭄ᬥᬫᬯᬓ᭄ᬮᭂᬯᬶᬄ᭟ᬫᬸᬗ᭄ᬕ᭄ᬯᬶᬂᬓᭀᬘᬧᬦ᭄ᬳᬕᬫ᭞ᬫᬦᬸᬱᬦᬾ