Kaca:Bali-lontar-gaguritan-darmakerti-300ppi.pdf/16

Saking Wikisource
Kaca puniki sampun kauji-wacén

[᭑᭕ 15B]
᭑᭕
ᬩ᭄᭞ᬲᭂᬲᭂᬓ᭄ᬓᬬᬂᬓᬧᬗᬓ᭄ᬱᬶ᭞ᬫᬩᬸᬮᬸᬮᬮᬂ᭞ᬗᬳᬾᬲᬂᬧ᭄ᬭᬪᬸᬧᬮᬶᬂ᭟ᬳᬧᬦ᭄ᬫᬩ᭄ᬯᬢ᭄ᬲᬸᬗ᭄ᬓᬦ᭄ᬧ᭄ᬭᬪᬸᬤᬫ᭄ᬪᭀᬤ᭄ᬪᬯ᭞ᬳᬯᬶᬦᬦ᭄ᬫᬢᬸᬃᬲᬶᬲᬶᬧ᭄᭞ᬦᬸᬦᬲ᭄ᬧᬗᬫ᭄ᬧᬸᬭ᭞ᬲᬂᬢᬧᬓᬵ
ᬮᬶᬄᬮᬾᬤᬂ᭞ᬜᬩᬸᬢ᭄ᬳᬫ᭄ᬩᭂᬗᬦᬾᬲᬫᬶ᭞ᬓᬚᬢᬶᬫᬸᬮ᭞ᬲᬂᬧ᭄ᬭᬪᬸᬓᬾᬦᬓ᭄ᬩᬸᬳᬶᬦ᭄᭟ᬤᬶᬲᬸᬩᬦᬾᬲᬺᬤᬄᬧ᭄ᬭᬪᬸᬤᬫ᭄ᬪᭀᬤ᭄ᬪᬯ᭞ᬫᬢᬾᬕ᭄ᬢᭀᬕ᭄ᬦᬸᬦᬲ᭄ᬳᬸᬭᬶᬧ᭄᭞ᬧ᭄ᬭᬡ᭄ᬥᬓᬮᬶᬄᬤᬩ᭄ᬤ
ᬩ᭄᭞ᬦᬸᬮᬸᬲᬂᬗᬶᬘ᭄ᬙᬾᬦᬚᬄ᭞ᬫᬗ᭄ᬤᬾᬭᬳᬬᬸᬋᬱ᭄ᬝᬶ᭞ᬲᬂᬤᬫ᭄ᬪᭀᬤ᭄ᬪᬯ᭞ᬓᬾᬢᭀᬲᬂᬓ᭄ᬱᬫᬩᬸᬤ᭄ᬥᬶ᭟ᬓᬤᭂᬤᭂᬳᬦ᭄ᬓᬬᬸᬦᬾᬩᬶᬱᬜᬫ᭄ᬧᬹᬃᬡ᭄ᬦ᭞ᬲᬸᬓᬤᬸᬓᬦᬾᬤᬶᬦᬶ᭞ᬳᬸ
ᬧᬫᬶᬭᬶᬓᬵᬮᬩᬕ᭄ᬬ᭞ᬫᬳᬦ᭄ᬜᬤ᭄ᬬᬬᬂ᭞ᬳᭂᬤᬳᬚᬸᬫ᭄ᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭞ᬗᬸᬩ᭄ᬤᬬᬂᬧᬶᬲᬦ᭄᭞ᬮᬶᬬᬗᬾᬚ᭄ᬭᭀᬦᬶᬂᬳᬢᬶ᭟ᬧᬢᬸᬄᬫᬲᬶᬄᬬᬦ᭄ᬓᬢᬸᬚᬸᬓᬤᬸᬄᬓᬶᬢᬦ᭄᭞ᬢᭀ

[᭑᭖ 16A]
᭑᭖
ᬩ᭄ᬯᬢᬂᬧᬸᬕᭂᬳᬸᬕᬶ᭞ᬧᭂᬓᭂᬓ᭄ᬚ᭄ᬭᭀᬦᬶᬂᬫᬦᬄ᭞ᬫᬗ᭄ᬤᬾᬤᬓᬘᬶᬭᬶᬬᬦ᭄᭞ᬗᭂᬦᬄᬓᬦ᭄ᬢᬶᬚᭂᬭᬢ᭄ᬚᭂᬭᬶᬢ᭄᭞ᬲᬭᬢᬂᬧᬶᬲᬦ᭄᭞ᬓᭂᬓᭂᬲ᭄ᬤᬶᬚ᭄ᬭᭀᬦᬶᬂᬳᬢᬶ᭟ᬬᬦᬶᬂᬲᬸᬩᬲᬶᬤ᭄ᬥᬫᬤᬲᬃᬓ᭄ᬱᬫ᭞ᬩᬸ
ᬤ᭄ᬥᬶᬦᬾᬍᬯᬶᬄᬫᬫᬹᬃᬢ᭄ᬢᬶ᭞ᬤᬾᬦᬶᬂᬧᬥᬫᬩ᭄ᬯᬢ᭄᭞ᬫᬗᬤᬸᬄᬓᬲᬃᬚ᭄ᬚᬦᬦ᭄᭞ᬲᬶᬦᬄᬗᬯᬾᬮᬦ᭄ᬤᬸᬄᬕᬸᬫᬶ᭞ᬭᬾᬄᬢᬕᭂᬦ᭄ᬧᬥ᭞ᬗᬫᭀᬂᬓᬃᬬ᭄ᬬᬢᬦ᭄ᬕᬶᬗ᭄ᬲᬶᬃ᭟ᬳᬰ᭄ᬭᬶᬩᬸᬗᬄ
ᬢᬾᬚᬦ᭄ᬕᬸᬫᬶᬦᬾᬲᬸᬫᭂᬓᬃ᭞ᬬᬦ᭄ᬯᬢ᭄ᬭᬧᬕᭂᬄᬗᬶᬲᬶ᭞ᬗᬫᭀᬂᬓᭀᬧᬲᬫᬦ᭄᭞ᬤᬶᬚ᭄ᬭᭀᬦᬶᬂᬧᬓᬬᬸᬦᬦ᭄᭞ᬦᬾᬗᬯᬶᬦᬂᬳᬢᬸᬦ᭄ᬭᬤᬶᬦ᭄᭞ᬫᬚᭂᬂᬭᬶᬂᬤᬾᬰ᭞ᬦᬕᬭᬫᬓᬵᬤᬶ᭟᭠
ᬓᬧᬶᬂᬢᬶᬕᬫᬗ᭄ᬤᬗᬕᭂᬫ᭄ᬩᬸᬤ᭄ᬥᬶᬲᬢ᭄ᬬ᭞ᬦᬾᬫᬓᬬᬸᬦᭂᬦᬶᬂᬚᬢᬶ᭞ᬗᭂᬫᬗ᭄ᬕᭂᬳᬂᬓᬥᬃᬫ᭄ᬫᬦ᭄᭞ᬦᬾᬫᬤᬦ᭄ᬩᬸᬤ᭄ᬥᬶᬲᬢ᭄ᬬ᭞ᬢᬶᬗ᭄ᬓᬳᬾᬢᬶᬦ᭄ᬤᬶᬄᬫᬗᬶᬭᬶᬂ᭞ᬥᬃᬫ᭄ᬫᬓᬯᬶᬢᬦ᭄᭞ᬲᬂᬥᬃᬫ᭄ᬫᬓᬓ