[᭕ 5B]
᭕
᭞ᬮᬘᬸᬃᬢᬦ᭄ᬫᬧᬶᬓᭀᬮᬶᬄ᭞ᬳᬶᬩᬦ᭄ᬤᬾᬕᬫ᭄ᬭᬱᬵᬢ᭄ᬧᬸ᭞ᬲᬭᬯᬸᬄᬳᬶᬤᬵᬪᬝᬵᬭ᭞ᬤᬍᬫ᭄ᬧ᭄ᬭᬦᬫ᭄ᬬᬫᭂᬦ᭄ᬤᬓᬶᬦ᭄᭞ᬭᬭᬶᬲ᭄ᬫᬢᬸᬃ᭞ᬳᬦ᭄ᬢᬸᬓ᭄ᬮᬘᬸᬃᬗᬺ
ᬋᬄᬳᬸᬮᬫ᭄᭟ᬪᬝᬵᬭᬭᬭᬶᬲ᭄ᬗᬦ᭄ᬤᬶᬓ᭞ᬫᬗ᭄ᬤᬫᬮᬶᬄᬗᬯᬯᭀᬦᬶᬦ᭄᭞ᬳᬶᬩᬦ᭄ᬤᬾᬕᬤᬯᬸᬳᬦ᭄᭞ᬫᬯᬶᬦᬦ᭄ᬦ᭄ᬤᬩ᭄ᬥᬩᬂᬫᬮᬶᬄ᭞ᬯᬮᬸᬬᬢᬶᬢᬄ
ᬯᬶᬤ᭄ᬥᬶ᭞ᬭᬯᬸᬄᬳᬸᬮᬫᬾᬫᬓᬸᬫ᭄ᬧᬸᬮ᭄᭞ᬳᬶᬤᬵᬤᬦᬾᬫᬗᬯᭀᬓᬂ᭞ᬅᬚ᭄ᬜᬦᬦ᭄ᬪᬝᬵᬰᬓ᭄ᬢᬶ᭞ᬲᬵᬫ᭄ᬧᬸᬦ᭄ᬓᬢᬹᬃ᭞ᬫᬭᬵᬃᬬ᭄ᬬᬦ᭄ᬭᬶᬂᬧᬦᬢᬭ
ᬦ᭄᭟ᬳᬶᬤᬵᬤᬍᬫ᭄ᬫᬗᬸᬦᬶᬗᬂ᭞ᬳᬶᬦ᭄ᬤᬶᬓ᭄ᬧᬸᬭᬦᬾᬧᬸᬦᬶᬓᬶ᭞ᬯᬾᬦ᭄ᬢᭂᬦ᭄ᬳᬶᬪᬹᬣᬩᬮᬶᬕᭀ᭞ᬫᬫᬶᬭᭀᬤ᭄ᬥᬵᬫᬫᬦᭂᬲᬶᬦ᭄᭞ᬧᬤᬡ᭄ᬥᬫᬫᬹᬃᬡ᭄ᬦᬵ
[᭖ 6A]
ᬚᬢᬶ᭞ᬓ᭄ᬦᬶᬫᬜᬶᬤᬬᬂᬭᬯᬸᬄ᭞ᬪᬝᬵᬭᬲᬸᬫᬓᬸᬢᬵ᭞ᬫᬗ᭄ᬤᬜᬶᬤᬬᬂᬦ᭄ᬤᬃᬫ᭄ᬫᬳᬶᬦ᭄᭞ᬭᬯᬸᬄᬩᬾᬲᬸᬓ᭄᭞ᬢᬦ᭄ᬯᬾᬦ᭄ᬢᭂᬦ᭄ᬫᬫᬭᬶᬡᬾᬤ᭄ᬥᬵ᭟ᬳᬶᬭᬶᬓᬭᬭᬶᬲ᭄ᬪ
ᬝᬵᬭ᭞ᬗ᭄ᬯᬗᬸᬦ᭄ᬧᬸᬭᬵᬫᬓᬘᬶᬭᬶ᭞ᬳᬶᬤᬵᬫᬤᭂᬕ᭄ᬫᬵᬗ᭄ᬕᬮᬶᬗ᭄ᬕᬵ᭞ᬫᬗ᭄ᬤᬲᬦ᭄ᬢᬦᬦᬾᬲᬫᬶ᭞ᬤᬤᭀᬲ᭄ᬫᬗᬢᬸᬭᬂᬩᬓ᭄ᬢᬶ᭞ᬬᬤᬶᬦ᭄ᬲᬃᬫᬭᬕᬯᬶᬓᬸ᭞ᬧᬭ
ᬳᬕᬸᬂᬲᬢ᭄ᬭᬶᬬᬯᬗ᭄ᬰᬵ᭞ᬢᬦ᭄ᬳᬶᬦᬸᬘᬧ᭄ᬳᬾᬓᬚᬢᬶ᭞ᬭᬯᬸᬄᬯᬸᬗ᭄ᬓᬸᬃ᭞ᬓᬲᬸᬂᬲᬸᬂᬳᬦ᭄ᬢᬸᬓ᭄ᬳᬶᬤᬾᬰ᭟ᬬᬦᬶᬂᬤᬶᬦᬧᬢᬶᬃᬣᬬᬦ᭄᭞ᬩᬸᬤ᭄ᬥᬵᬯᬕᬾᬓ᭄ᬮᬯᬸᬳᬸ
ᬕᬶ᭞ᬫᬮᬶᬄᬪᬝᬵᬭᬗ᭄ᬯᬗᬸᬦᬂ᭞ᬧᬸᬭᬦᬾᬭᬶᬂᬰᭀᬮᬵᬬᬸᬓ᭄ᬢᬶ᭞ᬮᬶᬗ᭄ᬕᬶᬳᬾᬫᬗ᭄ᬤᬫᬲᬦ᭄ᬤᬶᬂ᭞ᬭᬶᬂᬧ᭄ᬯᬗᬸᬦ᭄ᬪᬝᬵᬭᬤᬸᬫᬸᬦ᭄᭞ᬳᬶᬤᬵᬳᭂᬫ᭄ᬧᬸᬓᬸᬢᬸᬭ
Kaca:Bali-lontar-gaguritan-dang-hyang-nirartha-450ppi.pdf/6
Kaca puniki sampun kauji-wacén
